“Ko e Hā ha Ngaahi Fakaʻilonga ʻo e ʻAmanaki Leleí ʻi he Tohi ʻa Fakahaá?,” Liahona, Sune 2023.
Haʻu, ʻo Muimui ʻIate Au
Ko e Hā ha Ngaahi Fakaʻilonga ʻo e ʻAmanaki Leleí ʻi he Tohi ʻa Fakahaá?
ʻOku fakamahinoʻi mai ʻe he ngaahi mata meʻa-hā-mai ʻa Sioné, ʻe fonu ʻa e ngaahi ʻaho kimuʻa ʻi he Hāʻele ʻAnga Ua Mai ʻa e ʻEikí ʻi he faiangahalá mo e ngaahi faingataʻá. Ka ʻo kapau te tau nofotaha pē ʻi he fakaʻauha ʻi he tohi ʻa Fakahaá, he ʻikai ke tau ʻilo ʻa e ʻamanaki lelei kuo talaʻofa mai ʻe he ʻOtuá ʻi he ngaahi ʻaho fakaʻosí. Tokanga ke fekumi ki ha niʻihi ʻo e ngaahi meʻa mahuʻinga ko ʻeni ʻo e ʻamanaki leleí.
Pōpoaki ʻo e ʻAmanaki Leleí
-
ʻE maluʻi ʻe he ʻOtuá ʻa e fale ʻo ʻIsilelí ʻaki hono silaʻi kinautolu mei he fakaʻauhá. ʻE tokoni ʻa e toko 144,000 mei he “ngaahi faʻahinga kotoa pē ʻo e fānau ʻa ʻIsilelí” (vakai, Fakahā 7:1–8) ke “ʻomi ʻa kinautolu kotoa pē ʻe fie haʻú ki he siasi ʻo e ʻUluaki Fānaú” (Tokāteline mo e Ngaahi Fuakava 77:11).
-
Tā fakatātā ʻo e fefiné ʻe Dilleen Marsh
ʻE ikunaʻi ʻe kinautolu kuo nau fuakava mo e ʻOtuá mo “fō ke hinehina honau kofu tōtōlofá ʻi he taʻataʻa ʻo e Lamí” ʻa e “faingataʻa lahi” ʻi he ngaahi ʻaho fakaʻosí (vakai, Fakahā 7:9–14; vakai foki, Tokāteline mo e Ngaahi Fuakava 138:11–15).
-
ʻE fanongo ʻa e ʻOtuá ki he ngaahi lotu ʻa e Kāingalotú (vakai, Fakahā 8:4).
-
Neongo ʻa e fakatanga ʻe fehangahangai mo e Kāingalotú, ka ʻe hanga ʻe he ʻOtuá ʻo “totongi ai [ʻEne] kau tamaioʻeikí” (vakai, Fakahā 11:17–18).
-
ʻE kei ʻi ai pē ha kakai angatonu te nau “fai ʻa e ngaahi fekau ʻa e ʻOtuá, mo e tui kia Sīsū” (Fakahā 14:12).