Ij ke juon “Ritulo̧k” ak juon “Rituron̄”?

Ilo ettōņak eo an Liai kōn wōjke in mour eo (lale 1 Nipai 8), etke kwoj ļōmņak armej ro jet rekar etal jen wōjke eo ilo an ro jet kar pād wōt ilo wōjke eo n̄an bōk m̧ōttan leen? Jet iaan armej ro raar bōk leen wōjke eo raar wōtlo̧k, raar jook kōn jarlepju eo jān m̧weo ekilep im ļap. Juon iaan oktak eo eļap ikōtaan kurup kein ej ta eo raar kōm̧m̧ane m̧okta jān aer tōpar ijo: wāween aer kar dāpij aen in dāpdep eo—naan in Anij.

Atartar ak Jirōk Likatōttōt

Liai eaar lo ro raar “iuunm̧aanļo̧k doon … kabbōjrak n̄an aen in dāpdep eo” im ro raar “ilo̧k im kar jirōk likatōttōt n̄an aen in dāpdep eo” (1 Nipai 8:24, 30; kakkobaba in katak).

Elder David A. Bednar jān Doulul eo an Jon̄oulruo Rijilōk ro eaar kalikkar bwe kurup kein jilu raar jino ilo iaļ eo, ak ruo wōt kurup raar jibwe aen in dāpdep eo:

“[Kurup eo kein karuo] barāinwōt wōr aer kōjeram̧m̧an eo kōn aen in debdeb eo, im raar kabōjrak e! … Kabōjrak n̄an aen in debdeb eo ej kwaļo̧k n̄an n̄a jet wōt iien ‘kam̧ūjkōk’ ekkatak ak jakutkut kōm̧m̧ane jān kōm̧m̧ane aolep iien, jab bōjrak lūn̄ūr naan eo an Anij. …

Kumi eo kein kajilu raar barāinwōt bun̄ m̧aanļo̧k kōn tōmak im lōke; ijoke, ejjeļo̧k kōkaļļe bwe raar jejļo̧k. … Bōlen kūrub in armej in kein kajilu raar aolep iien riit im ekkatak im lin̄ūri jeje ko rekwojarjar. … En̄in ej kumi eo kwe im n̄a aikuj kajion̄ n̄an kobaļo̧k.”¹

Jej ke “ritulo̧k” ak “rituron̄” ro n̄e ej itok n̄an en̄jake naan in Anij? Men̄e jim̧or ritulo̧k ro im rituron̄ ro rej tutu, rituron̄ eo eļapļo̧k aer bōk en̄jaake ko rem̧wilaļ im remakijkij me ej boktok lem̧ōņōņō eo ejjab bōjrak.