N̄an Ro Jinen im Jemān

Pukot Meram eo an Rilo̧mo̧o̧r ilo Bok in Mormon

Pāāren Ro Rejitōnbōro

Ennaan eo an allōn̄ in ej letok ļōmņak ko kōn Bok in Mormon āinwōt Itok, Ļoor Eō n̄an laajrak in kein katak ko n̄an 2024. Ennaan kein ilaļ rej kōmeļeļeik kōttōpar ko n̄an pukot meram im m̧ool ilo juon laļ eo eobrak kōn marok im pok.

Kōnono ko kōn Gospel in

Pukot Meram eo an Kraist

Ļōmņak in kwaļo̧k n̄an baam̧le eo am̧ jet ļōmņak ko jān ennaan eo an Būreejtōn Eyring ilo peij 4, im kōnono kōn jerbal eo an meram ilo mour ko ad. Lale bwebwenato eo an Kamryn kōn pukōt Rilo̧mo̧o̧r ilo iien marok. Elmen an baam̧le eo am̧ maron̄ pukot meram eo an Rilo̧mo̧o̧r jen ami ekkatak kōn Bok in Mormon iiō in?

Ia eo n̄an Pukot M̧ool eo

Anij ej unjen m̧ool otemjeļo̧k, im jemaron̄ jeļā kōn m̧ool eo An ilo tiljek in kapukote. Elder im Sister Silva raar aikuj in pepe n̄an jokwe ia ālkin aer ro̧o̧l jen mijen eo aer, kōn menin raar pukot tōl jān Irooj (lale peij 20). N̄āāt eo Irooj eaar lewaj n̄an eok tōl eo kwaar aikuji?

Loe Elapļo̧k ilo Am̧ Ekkatak Gospel in

N̄an loļo̧k museum in jin̄a ko, ekkā an armej ro kōkairiir in lale aolep men ko remaron̄i, ekōm̧m̧an bwe ren jerwane em̧m̧an eo an pija eo. Ejjeļo̧k oktak, ro rej riiti Bok in Mormon remaron̄ jerwane m̧ool ko raorōk n̄e rej ekairiir in riit. Ta jekjek ko remaron̄ jipan̄ kōj lukkuun kalimjōk bok in jeje ko rekwojarjar? Lale peij 12 n̄an jet ļōm̧ņak ko.

Itok, Ļoor Eō Limo an Baam̧le

Iaļ eo Erānin̄ im Eaidik

1 Nipai 8; 11; 15

Bōk m̧ōttan leen wōjke in mour eo ej juon kōkaļļein kāālet mour indeeo ilo Jisōs Kraist (lale 1 Nipai 15:36; Katak im Bujen Ko 14:7). Kajjieon̄e m̧akūtkūt in n̄an jeļā elmen an aen in dāpdep eo (naan in Anij) tōlļo̧k kōj n̄an menin letok in eļap an Anij.

1. Teipi juon pija in wōjke in mour eo dipin m̧weo.

2. Taipi jidik to (ej bōk jikin aen in dāpdep eo) ium̧win pija eo, im kōm̧m̧an bwe juon en jutak ilo turājet eo juon ilo ruum̧ eo ippān eo juon ilo jem̧ļo̧kin to eo.

3. Kawawa ewi toon an ajri eo em̧ōj pinej mejen etetal jān turājet in ruum̧ eo juon n̄an wōjke in mour eo ilo an jab jibwe to eo.

4. Kiiō kawawaik ewi toon an etal n̄an wōjke eo ilo an jibwe to eo.

Kōnono kake: Ta eo jemaron̄ kōm̧m̧ane n̄an dāpdep wōt ilo aen in dāpdep eo im jab kōtļo̧ke?

Jān N̄an Kōkajoorļo̧k Jodikdik ro Māākjiin 

2024 Unin Tōl eo an Jodikdik ro

Jeļā kōn tiim eo an jodikdik n̄an 2024, “Ij juon Rikaļooraņ Jisōs Kraist,” juon ennaan jān Būreejtōnji ro Routiej an Doulul eo an Jiron̄ ro im Doulul eo an Likao ro im juon al ekāāl kōn tiim in.

Paoktokum̧ āinwōt juon Rikaļoor

Jodikdik ro rej ekkatak kōn paoktokier āinwōt rikaļoor ro an Jisōs Kraist n̄an lale ta eo rikaļoor ro rej kōm̧m̧ane im elmen aer kōm̧m̧ane.

Erom̧ Āinwōt Sam

Lale ta eo jemaron̄ jeļā n̄an jab keidi ro jet n̄an ekkatak kōn waanjon̄ak eo an ļeo jein Nipai Sam.

Jān eo Jera Māākjiin eo

Jipan̄ kōn Itok, Ļoor Eō

Pukōt jaat in riit ko, m̧akūtkūt ko kajjojo wiik, bwebwenato in jeje ko rekwojarjar, im eļapļo̧k n̄an jipan̄ ajri ro nejum̧ ekkatak kōn Bok in Mormon iiō in.

Wāween ko n̄an Riiti Bok in Mormon

Ennaan eo an allōn̄ in ekitbuuj bwebwenato ko kōn ajri ro me raar lo wāween ko rejenolo̧k n̄an riiti Bok in Mormon. Pukot wāween ko n̄an jipan̄ kōkm̧anm̧anļo̧k an baam̧le eo am̧ ekkatak.

Ļoor Jisōs ilo Thailand

Ioon Panya im katak elmen an ļoore Jisōs. Innām riit wōt n̄an katak eļapļo̧k kōn Thailand.

Wāween ko n̄an Ejaaki Kōttōpar ko

Kōjerbal elmokwot ko n̄an m̧ōttan eo ilo N̄an Ajri ro Rōrūttoļo̧k n̄an jipan̄ ajri ro nejum̧ ejaaki kōttōpar ko n̄an būrookram̧ eo an Ajri im Jodikdik ro.