Kabun̄ In Ej Pād Ijin

Bogotá, Colombia

Bogotá ej juon iaan laļ ko reļļap ilo laļ in. Branch eo jinointata an Kabun̄ eo an Jisōs Kraist im Armej ro Rekwojarjar Ilo Raan Ko Āliktata ilo Colombia ekar ejaak ilo 1966. Rainin, Kabun̄ in ilo Colombia ewōr ie:

• 214,400 membōr ro (jon̄an)

• 30 stake ko, 257 ward im branch ko, 5 mijen

• 2 tampeļ (Bogotá and Barranquilla) im 1 kar kōjjeļļā kake (Cali)

Al in jar ej karūwainene Jetōb

Dario im Esneda Cruz, jān Bogotá, rej en̄jake aer epaakeļo̧k Anij ilo aer al al in jar ko. Rej ba, “Kōn er jej kōkajoorļo̧k naan in kam̧ool ko ad.” “En̄jake eo ej bōktok n̄an būruōm̧ ej juon men eo ejenoļo̧k.”

Eļapļo̧k kōn Kabun̄ in ilo Colombia

• Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, im Elder Ulisses Soares jān Doulul eo an Jon̄oulruo Rijilōk ro raar etal n̄an Colombia n̄an iien aje eo an tampeļ eo ilo Barranquilla.

• Membōr ro ilo Colombia rej eddōk ilo un̄n̄are peid make im kōjatdikdik, mekarta apan̄ ko.

• Riit elmen an juon uwaan jiljilimjon̄oul jān Colombia kar kobatok ilo Kabun̄ in.

• Būreejtōn Oaks eaar kwaļo̧k bwebwenato in ruo ripālele ro retiljek ilo Colombia im aolep kaarmejete ko raar kōm̧m̧ani n̄an kar liāp ilo tampeļ eo.

• Juon stake ilo Colombia rej leļo̧k iien im jerbal n̄an jipan̄ juon baam̧le ej ioon apan̄.

Barranquilla Colombia Tampeļ eo

An membōr ro pija nam̧ōjin Barranquilla Colombia Temple m̧okta jen an aje ilo Tijem̧ba 2018.

Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, eaar aje Barranquilla Colombia Tample ilo Tijem̧ba 9, 2018.

Membōr ro raar kuk ippān doon im al ilo kuwaer eo ilo iien aje eo an tampeļ eo.

Ilo loļo̧k eo an n̄an Barranquilla, Būreejtōn Oaks ej idik pein juon ļaddik ilo juon iien nokon in jota an jodikdik ro.