Ij Ke Oktakļo̧k n̄an Irooj M̧okta?

Pija

Nipai ej jar

Jej jeļā jān 1 Nipai 2:16 bwe ke Nipai eaar ioon men ko kar jab jeļā kaki, eaar oktakļo̧k n̄an Irooj im Irooj eaar kapidodoik būruōn. Ilo turājet eo juon, ke Leman im Lemuel raar ioon men ko kar jab jeļā kaki, raar akweel e doon im kar pedped ioon ļaddik eo jatier, Nipai kōn uwaak ko ijelo̧kin aer pedped ioon Irooj (lale 1 Nipai 15:8–9).

Leman im Lemuel rej kwaļo̧k jekjek in ta eo ej waļo̧k n̄e jej pedped ioon bar juon kōn m̧ool eo ijelo̧kin oktakļo̧k n̄an Irooj. Nipai eaar kajoor ilo jetōb im kar tiljek wōt n̄an Anij ilo aolepen mour eo an, ilo an Leman im Lemuel kar kōjekdo̧o̧n katak ko an jemeer kōn Irooj. Men̄e Nipai ekar juon rikaļoor eo etiljek, men̄e eaar jeļā ke e eo ejjab ripinej-jenkwan kappukot m̧ool jān Irooj (lale 1 Nipai 15:6–11).

Ilo am̧ etale pedped eo am̧ make ilo Irooj ikōtaan armej ro jet, ewi wōt kāālet eo kwoj ekkeijel ippān?

Men ko an Laļin	Men ko an Gospel
Emakijkij aō meļo̧kļo̧k in kōļmenļo̧kjeņ im ļōmņake ta eo kar kwaļo̧ke ilo kweilo̧k eo eļap.	Emakijkij aō ekkatak kōnono ko jān kweilo̧k eo eļap n̄an kōkāāl naan ko an ritōl ro ilo kōļmenļo̧kjeņ eo aō.
N̄e ewōr aō kajjitōk, ij lale social media ak podcast ko rem̧m̧antata ippa n̄an pukōt uwaak ko.	N̄e ewōr aō kajjitōk, ij pukōt jipan̄ jān jeje ko rekwojarjar ak naan ko an rikanaan ro raan kein.
Emakijkij aō meļo̧kļo̧k in jar im ekkatak jeje ko rekwojarjar.	Jar im ekkatak jeje ko rekwojarjar rej m̧ōttan mour eo aō.
Armej ro jet ewōr aer naan in kapilōk em̧m̧anļo̧k jān ritōl ro an Kabun̄ in ak jeje ko rekwojarjar.	Ij lo aenōm̧m̧an ilo ron̄jake naan ko an ritōl ro an Kabun̄ in im ilo jeje ko rekwojarjar.
Ij kaorōk en̄jake ko an ro jet eļapļo̧k jān katak ko an gospel in.	Ij kaorōk katak ko an gospel in im im̧we ko jān Jetōb Kwojarjar.