Itulau i le Lotoifale
O le Ala i le Malumalu a se Teine Talavou
I ni nai tausaga talu ai, o se teine talavou na nofo i Vanuatu e igoa iā Marsela Tokalolo, na mafaufau i le fautuaga a lona tamā: “Ia e faalatalata i le Talalelei a Iesu Keriso ma faatāua le aoga.”
Na matuā’i taua le aoga i lona tama lea na ia auina atu ai o ia i le 12 o ona tausaga e aoga i Fiti, sa ositaulaga mea tautupe ma le mamao ese mai lona afafine. Ina ua faauu mai le aoga maualuga ma faauma ai lana vasega 13 i Fiti, na toe fo’i atu ai Marsela i Vanuatu.
I Fiti, na vaai ai Marsela i se malamalama faalēagaga i ona faiaoga, o le toatele na faauu mai le BYU-Hawaii.
Ina ua uma lana auaunaga o se faifeautalai mo le Ekalesia i Filipaina, o lona manao e auai i le BYU-Hawaii na u’unāia o ia e faigaluega ma ositaulaga mo lana lava aoga e pei ona fautuaina e lona tamā.
O Mariella Kaun, o se tasi o le Ekalesia i Vanuatu, na fesoasoani iā Marsela a’o ia su’etupe mo lana aoga. Na taoina e Marsela ni pai fa’i ma faatau atu, o pai siamu ma Laplap, o le meaai faaVanuatu.
Na fai mai Marsela, “na naunau Tagata [o le Ekalesia a Iesu Keriso o le Au Paia o Aso e Gata Ai] ma uō e lagolago a’u i le iloaina o le ā fesoasoani iā te a’u ia ou alu ai i le aoga.”
Sa ausia e Marsela ana sini. Sa ia faauu mai le BYU-Hawaii, feiloai i lana tane, ma faaipoipo i ai i le Malumalu o Laie Hawaii.
“O le Maota o le Alii [o se] maota paia,” na ia fai mai ai. “E savali faatasi le Atua ma tatou i lā tatou malaga o le olaga.”
Ua fausia se malumalu i Port Vila, Vanuatu.
E faatatau i le malumalu fou, na fai mai ai Marsela, “o se tali o le tatalo mo a’u. O se molimau lenei e manatu alofa mai le Atua i Ana fanau. O le malumalu o le ā avea moni lava o se malamalama i lo matou atunuu.”