Ennaan eo an Būreejtōnji eo Kein Kajuon kōn Ijtō

Kōn Un In Iaar Itok,, jān Yongsung Kim, courtesy of Havenlight

Ilo jijen in Ijtō in, kōmij karuwaineneik kom̧ n̄an kōļmenļo̧kjeņ kōn en̄taan in pinmuur eo an Rilo̧mo̧o̧r im Jerkakpeje eo eaiboojoj, eo ej kōjeraam̧m̧an kōj aolep.

Kōn ad Rilo̧mo̧o̧r, Jisōs Kraist, jej bōk ennaan in kōn kōjatdikdik: “Ilo laļ kom̧ij en̄taan: a kom̧win m̧ōņōņō; N̄a Iar bōk anjo̧ ioon laļ” (Jon 16:33). Rilo̧mo̧o̧r eo ej kallim̧ur bwe ilo ad kōjparok kien ko An im kain̄i ko, jenaaj bōk “aenōm̧m̧an ilo laļ in, im mour indeeo ilo laļ eo ej itok” (Katak im Bujen Ko 59:23).

Kōmij kam̧ool bwe Jisōs Kraist ej mour! “E ar jerkakpeje” (Matu 28:6). Kōn wōt E, jemaron̄ bōk tōl im kajoor ilo ad ineek eddodo ko jej jelm̧ae ilo mour in. Kōn ad tōmak ilo en̄taan in pinmuur eo an Rilo̧mo̧o̧r eo, tomede ko an jerawiwi reban dāpij kōj im bwe apan̄ ko jej iooni ilo mour in ebar wōr aer kajoor n̄an anjo̧ iood. “Kein ire anmej ej oran̄ļo̧k ilo Kraist” (Mosiah 16:8).

Presidency eo Kein Kajuon