Ikar Jeļā Ikar Pād ilo Kōjparok

Jān Ljubica Blaževic, Herzegovina-Neretva Canton, Federation of Bosnia-Herzegovina

Juontariņae ekar wōnm̧aanļo̧k nam̧ōj, ak ke ij riit, iaar en̄jake aenōm̧m̧an im kar jab mijak.

Pija

kōrā eo ej riiti bok eo

Kōmeļeļe jān Alex Nabaum

Ilo 1992, tariņae eo ilo Yugoslavia ekar bōk jikin. Aolep raan rej baam̧ e tok bukwon eo am̧ ilo Mostar. Eaar kilōk aolep jikin jerbal, ekoba postal service.

Ilo Eprōļ 1, ijoke, rekar kaļļaļļaļ ilo kōjem eo aō. Ke iaar kōpeļļo̧ke, juon em̧m̧aan ijjan̄in kar loe eaar letok n̄an eō juon pakij jān leddik eo neju, eo ekar jokwe ilo Malaga, Spain, ijo ekar kobaļo̧k ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata. Lowaan ekar juon kape in Bok in Mormon.

Ikar jino riiti kajjojo raan Juon tariņae ekar wōnm̧aanļo̧k nam̧ōj, ak ke ij riit, iaar en̄jake aenōm̧m̧an im kar jab mijak. Tokālik, iaar jeļā bwe en̄jake eo iaar en̄jake ekar jen Jetōb Kwojarjar. Ikar jeļā ikar pād ilo kōjparok im iban mej.

Ke ij riit, iaar jeļā kōn Jisōs Kraist im bwe E ej mour wōt. Iaar katak kōn peptaij im Kabun̄ eo an Rilo̧mo̧o̧r. Iaar en̄jake bwe aolep men ko iaar riiti rej m̧ool. Jān iien n̄an iien, leddik eo nejū ej uwaaki kajjitōk ko aō.

Ke ļeo ippa eaar mej ilo 2019, iaar ļōmņak in etal n̄an United States, ijo leddik eo nejū ej jokwe ie. Iaar kōņaan lo e im katak eļapļo̧k kōn Kabun̄ in em̧ōj an jepļaaktok.

Iaar pād Salt Lake City, Utah, emaron̄ emān allōn̄ im jimettan. Iaar etal n̄an jar aolep wiik ippān leddik eo nejū. Iaar bōk juon en̄jake iban maron̄ kōmeļeļeiki. Iaar būki katak ko an mijenede ro. Iaar jeļā raar aolep m̧ool. Iaar en̄jake aiboojoj eo eļap aolep raan ilo mour eo aō ke iaar deļo̧n̄e dānin peptaij im kar kapen āinwōt juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo Juļae 27, 2019.

Ke iaar deļo̧n̄e ruum̧ eo n̄an kapen ālkin aō peptaij, aolep raar jan̄. N̄an peptaij im bōk menin letok eo an Jetōb Kwojarjar ej juon menin letok eo eļap jān Jemedwōj Ilan̄. Ālkin aō kepene, Iaar en̄jake bwe lan̄ eaar peļļo̧k im bwe jaar aolep pād ijeņ ippān doon. Ālkin kōjeraam̧m̧an in petriak eo aō, iaar bōk elōn̄, kallim̧ur ko rem̧m̧an indeeo.

Bok in Mormon ej m̧ool. Jen riit im jar kake, jemaron̄ bōk naan in kam̧ool eo ad make kake. Kōn naan in kam̧ool in, jenaaj jeļā bwe Josep Smith ekar juon rikanaan im bwe kōn e, Kabun̄ eo em̧ool an Jisōs Kraist ekar bar jepļaaktok n̄an laļin.