“Jej Kōnono kōn Kraist,” Liaona, M̧aaj. 2024.
N̄an Pāāren Ro
Jej Kōnono kōn Kraist
Placeholder credit line
Pāāren Ro Rejitōnbōro,
Nipai ekar katakin armej ro an ewi aorōkin n̄an likūt Irooj m̧oktata ilo mour ko ad. “Jej kōnono kōn Kraist, jej m̧ōņōņō ilo Kraist, jej kwaļo̧k kōn Kraist, jej kanaan kōn Kraist, im jej jeje ekkar n̄an kanaan ko ad, bwe ro nejid ren maron̄ jeļā n̄an ia rej maron̄ reilo̧k n̄an jeorļo̧k jerawiwi ko aer” (2 Nipai 25:26). Kwomaron̄ etale ennaan in ilaļ ippān baam̧le eo am̧ im jittōn̄ļo̧k im ro jet kwoj iakwe n̄an gospel eo an Jisōs Kraist, n̄an An tōl, im n̄an pedped in katak ko rem̧m̧an me renaaj jipan̄ kōj pukot E ilo juon laļ, eo ekaipokpok.
Kōnono ko kōn Gospel in
Gospel in an Jisōs Kraist Ej n̄an Aolep
Aolep armej raikuj kōjatdikdik eo im lomoor eo an gospel in im Pinmuur eo letok an Jisōs Kraist. Kōnono ippān baam̧le eo am̧ kōn katak ko im ennaan ko jān Elder Jeffrey R. Holland kōn wāween am̧ maron̄ iakwe, kwaļo̧k, im karuwaineneik ro jet n̄an bōke im atbokwoje gospel eo an Jisōs Kraist (lale peij 4).
Pedped ko Rejim̧we n̄an Kōjerbal Media
Technology im media relukkuun in jipan̄ n̄e kōjerbali ilo jejjet. Etale jet iaan pepded in tōl ko ilo peij 22 im kōnono kaki jon̄ak ko an baam̧le eo n̄an kōjerbal media. Kōjerbal “kajjitōk ko n̄an ļōmņaki,” ļōmņake ta eo enaaj em̧m̧an im ta eo emaron̄ in kōkm̧anm̧anļo̧k.
Ļoor Rilo̧mo̧o̧r ilo Tōmak
Ilo ennaan eo an ilo peij 40, Elder Benjamin M. Z. Tai eaar kwaļo̧k emān wāween ko Rilo̧mo̧o̧r ej jipan̄ kōj. Ālkin etale men kein ippān baam̧le eo am̧, kōnono elmen ami kar bōk jipan̄ ilo ami ļoor tōmak ilo Rilo̧mo̧o̧r.