“Elmen n̄an Erom̧ juon Rikaenōm̧m̧an Jipan̄ Eō Aintok Israel?,” Liaona, M̧aaj. 2024.
Itok, Ļoor Eō
Elmen n̄an Erom̧ juon Rikaenōm̧m̧an Jipan̄ Eō Aintok Israel?
Nipai ekar lo bwe armej ro ilo raan ko āliktata renaaj jum̧aeik doon (lale 2 Nipai 28:3–4, 20), ak jum̧ae ejjab wāween eo an Irooj. Ilo m̧ool, n̄an aintok Israel jej aikuj in bōke ilo juon “wāween eo eutiejļo̧k im kwojarjarļo̧k”1 wāween iaio̧ ippān ro jet.
Būreejtōn Russell M. Nelson ekar kwaļo̧k: “Eļan̄n̄e kwoj m̧ool kōn jipan̄ aiintok Israel im kōn ejaaki jemjerā ko me naaj pād n̄an indeeo, kiiō ej iien eo n̄an door ņai iturejet kūtōtō. Kiiō ej iien eo n̄an kabōjrak akweļap bwe en̄in ej wāween eo am̧ ak ejjeļo̧k bar iaļ. Kiiō ej iien eo n̄an kōbōjrak kōm̧m̧ani men ko me ekōm̧m̧an an ro jet kōjparok ta ko rej kōm̧m̧ani kōn mijak in kalluik eok. Kiiō ej iien eo n̄an kalbwin aolep kein tariņae ko am̧. Eļan̄n̄e am̧ kōnono eobrak kōn kajjirere ko im lo ņotaan ko, kiiō ej iien eo n̄an doori laļļo̧k. Kwonaaj jerkak tok āinwōt juon em̧m̧aan im kōrā ro rekajoor ilo jetōb an Kraist.”2
Jemedwōj Ilan̄ im Jisōs Kraist rej iakwe aolep ro nejin Anij jekdo̧o̧n oktak ko aer. Setan ej kajjieon̄ kōjerbal oktak ko ad n̄an kōjenoļo̧k kōj, ak n̄an kāālet aenōm̧m̧an ijeļo̧kin jum̧ae, jen ejaake juon jukjukinpād eo ej bōktok armej ro n̄an gospel eo Irooj em̧ōj an jepļaaktok.
Ļōmņaki jekjek kein ilaļ im ļōmņaki wāween ko kwomaron̄ uwaaki ilo iakwe:
N̄e kwoj en̄jake kōn ta eo kwoj loe, elmen am̧ maron̄ meļeļeļo̧k ilo bwebwenato ko am̧ ippān ro rejjab errā?
N̄e baam̧le eo am̧ rejjab ippān doon, elmen am̧ maron̄ bōktok juon iakwe in aenōm̧m̧an n̄an jukjukinpād eo im errā ippāer?
N̄e kwoj inepata kōn men eo kwoj riiti ilo social media, ta eo kwomaron̄ kōm̧m̧ane n̄an bōbrae an jab waļo̧k juon akwāālel?