Yaloqaqa me’u Wasea na Veika Au Vakamareqeta Vakalevu Duadua

Mai vei Tannie M. Flammer

Niu vakamuria na ivakaraitaki ni noqu bisopi kei na watina, au a lalawataka meu wasea e dua na iVola i Momani ena noqu ilakolako kece ni jia‑taki qito.

goneyalewa dusia tiko e dua na tabana ena dua na ivola ka taura tu e dua na cauravou

Niu tubu cake tiko, au dau taleitaka na nodra vakasoqoni ira vata na tinanitoa nei Buqu na luvedra ena ruku ni tabadra, me ra taqomaki ira kina mai na cava. A yaco me bibi cake sara vei au na irairai oqo ni’u a qai wilika e muri ena iVola i Momani (raica na 3 Nifai 10:4–6). Ni rau se itabagone qase cake, o noqu bisopi kei watina, ka rau a dau veilakoyaki vakalevu me baleta na nodrau bisinisi, erau tukuna vei au ni rau dau wasea e dua na iVola i Momani vua e dua ena ilakolako kece erau lako kina.

A vakauqeti au oqori. Au a qoroi rau, ka tara na yaloqu na nodrau ivakaraitaki. Au a navuca ni kevaka me’u na lako ena taudaku kei Utah, Amerika, au na muria na nodrau ivakaraitaki ka wasea e dua na iVola i Momani ena veigauna yadua.

Ni’u dua na cheerleader ni Brigham Young Univesiti, au dau veilakoyaki vakawasoma kei na timi ni cheer‑taki qito. Ni bera na imatai ni noqu ilakolako, au a volia e dua na iVola i Momani ka vola kina na noqu ivakadinadina. Au a vinakata me’u tara cake na yaloqaqa me’u wasea na veika au vakamareqeta vakalevu vei ira na tani: na noqu ivakadinadina kei na iVola i Momani. Au a vinakata me’u vakataki rau noqu bisopi kei na watina. Au a vinakata me’u vakataki Jisu Karisito. Au a vinakata me’u veivuke ena nodra vakasoqoni na tani ka vukei ira me ra lako mai Vua.

Au a vulica totolo ni kevaka au dau masu ni bera na ilakolako yadua me’u muataki kivua e dua e gadreva tu, ena basika mai e dua na tamata ena kena gauna donu kei na vanua donu me’u wasea kina na iVola i Momani vakamatau ka rawarawa. Na levu ga ni noqu vakatovotovo, na rawarawa ni noqu veiwasei. Sa vakaibalebale cake vakalevu sara vei au na noqu ilakolako eso. Au dau marautaka tu ga me’u kunei ira era sa vakalougatataki mai vei Tamada Vakalomalagi ni ra ciqoma na ivakadinadina tabu oqo i Karisito.

Ni’u lako voli, au dau vakasamataka vakatitobu, “Evei beka me’u na laki kunea kina e dua sa talai au mai vei koya na Tamada Vakalomalagi ena gauna oqo? Na cava au rawa ni kaya vua me’u tukuna kina na kena talei vei au na iVola i Momani?” Na noqu vakanananu kei na ivalavala sa yaco me vakanamata ena taudaku ni noqu gagadre kei na veivakamarautaki, ka’u vakila na vakalevutaki ni loloma vei ira kece au sotava. Au dau tovolea me’u raici ira ena mata ni iVakabula. Au masulaki ira me ra ciqoma na isolisoli vakalou sa talai au mai kina na Tamada Vakalomalagi me’u solia vei ira.

Au a lomabibi ni sa mai cava na noqu yabaki ni vuli. Na noqu mai dua na jia-taki qito ni BYU a dua tu na noqu tatadra ni bula taucoko. Au na marautaka beka na gauna vakasakiti oya se cava ga, ia na madigi me’u wasea e dua na iVola i Momani ena ilakolako ni cheer‑taki qito yadua a vakabulabulataka na noqu bula ena veisala totoka, sega ni namaki eso.

Na wasei ni iVola i Momani a dua na sala yaga ka rawarawa me vakuri kina e dua tale na taqa ni ibalebale ni veika au mai sotava ena univesiti. Au kila ni o ira au a wasea vata kei ira na iVola i Momani era a dusimaki vakatabakidua me ra ciqoma. Au kila talega ni a mai talia kina na Tamada Vakalomalagi e dua na ibulibuli vakasakiti ni loloma cecere ka kamikamica ena noqu bula: A vakatara o Koya me’u vakila na Nona loloma vei ira na Luvena ena dua na sala digitaki ena ilakolako kece au a lako kina.

Ni’u tauri ivola oti, au a lewa me’u vaqara tikoga e dua au rawa ni wasea kina na noqu ivakadinadina. Ena toso ni gauna, au a tosoya cake na kaukauwa kei na vakacegu ena wasei ni noqu ivakadinadina. Au vulica meu kakua tale ni rerevaka na kena wasei. Au vakabauta ni tamata kece e rawa ni logaloga vinaka cake ena wasei ni nodra ivakadinadina ena vakatovotovo kei na kerei ni veivuke vakalou.

Na noqu digitaka meu muria na ivakaraitaki ni noqu bisopi vinaka kei na watina a vakaibalebale vakalevu cake kina na noqu bula ena vuqa na sala. A vakavulici au meu raica ni Turaga e kilai ira vinaka yadua kece sara na Luvena. E lomani keda o Koya ka guta me vakasoqoni keda kece mai ena ruku ni Tabana. Sa dua na veivakalougatataki me kilai vinaka na irairai totoka e vakayagataka o Koya ena Nona vakamacalataka na Nona veivakasoqoni vata. E vakasoqoni keda me vaka na tinanitoa sa vakasoqoni ira vata ka taqomaki ira na luvena.

E vakaitikotiko o dauvolaivola e Utah, Amerika.