Nikua na Siga me Wasei kina na Kosipeli ni iVakabula

A kaya o Peresitedi Russell M. Nelson, “E se bera mada vakadua ena itukutuku kei vuravura me kilai na noda iVakabula ni sa bibi ka ganita vakalevu sara na tamata vakayadua” (“Dina Savasava, iVunau Savasava, kei na iVakatakila Savasava,,” Liaona, Nove. 2021, 6). Oqo na vuna eda ciqoma kina na veisureti kei na ivakaro ni iVakabula meda wasea na Nona kosipeli (raica na Maciu 28:19).

Oqo e dua na cakacaka bibi eda rawa kece ni vakaitavi kina. Ena ilavelave oqo, e vakavulica kina o Elder Quentin L. Cook ena Kuoramu ni iApositolo le Tinikarua ni “ra sa tu na madigi e veivanua kecega me ra vukei kina na tani mera lako mai vei Karisito ena noda vakaraitaka noda loloma, wasea noda vakabauta, ka sureti ira mera duavata kei keda meda vakila na reki ni kosipeli i Jisu Karisito” (tabana e 4).

Eda vakavinavinaka vei ira yadua na cauravou kei na goneyalewa era dua na daukaulotu veivakavulici se veiqaravi, ia niu tukuna tiko na noqu itukutuku ena ilavelave oqo, “Eda gadreva vakalevu cake, vakavuqa tale, ena laini e liu—e dua na mataivalu ni daukaulotu kei na lewenilotu.”

“Nikua na siga,” Au wasea talega, “me da vakaraitaka na ivakarau ni bula kei na yaloqaqa ka wasea na kosipeli i Jisu Karisito” (tabana e 40). Ni ko vulica na sasaga ni kaulotu nei Amoni, Apisi, kei ira tale eso ena iVola i Momani ena vula oqo, au sureti iko mo ni vakasamataka na sala mo wasea kina na reki ni kosipeli ni iVakabula vei ira era tu wavoliti iko.

Elder Eduardo Gavarret

Ena Vitusagavulu

era masu tiko na tagane kei na daukaulotu ena dua na valenilotu — “Me kakua tale ni dua na ka mo tukuna ia na veivutuni ga kina itabatamata oqo. Muria na noqu ivunau, ka veivuke ena kena vakayacori na noqu cakacaka, me vaka na noqu ivakaro, ia ko na vakalougatataki.”