Pukōt Deor ilo Jisōs Kraist

Allōn̄ in ilo ekkatak eo ad ilo Itok, Ļoor Eō, jekkar riit kake juon iien eaorōk im jenolo̧k: Rilomo̧o̧r eo em̧ōj an jerkakpeje ej loļo̧k riAmedika ro im karuwaineneik riNipai ro n̄an “kom̧in jutak im wōnm̧aantak Ippa, bwe kom̧in maron̄ karum̧ļo̧k peimi ilo katū, im barāinwōt kom̧in maron̄ en̄jake jenkwan dila ko ilo peiū im ilo neō, bwe kom̧in maron̄ jeļā bwe N̄a Ij Anij an Israel, im Anij an aolepān laļ, im kar m̧ane Eō kōn jero̧wiwi ko an laļ” (3 Nipai 11:14).

Āinwōt an kar kōm̧m̧an n̄an riNipai ro, Jisōs Kraist ej karuwainenn̄aneik kōj wōj kajjojo n̄an itok im bōk juon iien eaorōk Ippen im ejaake juon bujen jemjerā ilo E. Eļap aō kam̧m̧oolol bwe Ej kōtļo̧k bwe jen erom juon m̧ōttan eo ekanooj aorōk ilo jerbal kwojarjar eo An. Kōn E, jejāmin make iaad. Ilo article in aō, Ij kwaļok bwe “kar baj karōk wōt bwe jen jemjerā ippān Irooj ilo juon wāween eo ekajoor ilo bujen ko ad” (page 44). Ilo ad bōk iood E ilo aolep ad kajjojo jokālet raan otemjej n̄an kōjparok kallim̧ur ko, jej kalōk juon jemjerā eo ippān Jisōs Kraist eo enaaj boktok iakwe im lan̄lōn̄ eo An n̄an mour ko ad im ko an baam̧le ko ad.

Jej kakeememej kōn Jisōs Kraist ilo ad kōņak nuknuk in tampeļ ko ālkin ad bōk mennin letok kwojarjar eo, Būreejtōn Jeffrey R. Holland ej kōmeļeļe ilo article eo an “Garment eo an Priesthood eo Ekwojarjar” (page 4). Ej kwaļok kallim̧ur eo jān Būreejtōn eo Kein Kajuon bwe ilo ad kōjparok bujen ko im kōņak garment eo, enaaj ļapļo̧k ad bōk kōjparok im kajoor eo an Rilo̧mo̧o̧r eo.

Ij kam̧ool bwe Jemedwōj Ilan̄ im Rilomo̧o̧r rej iakwe eok im bwe Jisōs Kraist eaar itok kōn unleplep in: n̄an boktok lan̄lōn̄ eo jej pukote. Jisōs Kraist ej deor.

Ilo kautiej,

Kristin M. Yee

Rikakpilōklōk eo Kein Karuo ilo Doulul eo Eutiej an Kōrā Ro

Jisōs ej kemour juon em̧m̧aan epilo — “Toon wōt Aō pād laļ, N̄aij meram eo an laļ.

“Ke [Jisōs] kar m̧ōj an kōnono āinwōt , E kapilo ioon bwidej, im iiōki bwidej kōn iādatōltōl, im ej kapit mejān armej eo e pilo kōn bwidej eo,

“Im ba ñan e, “Kwōn ilọk im kwaḷ mejōṃ ilo ḷwe Siloam. … Innām ej ilọk, im kwaḷ, im itok im loḷọkjeṇ.”