“Ekar Wōr Ippān Anij Juon Men Em̧m̧anļo̧k n̄an Kōj,” Liaona, Sept. 2024.
Ainikien Armej ro Rekwojarjar ilo Raan Ko Āliktata
Ekar Wōr Ippān Anij Juon Men Em̧m̧anļo̧k n̄an Kōj
Ke mijinede ro rekkar katakin n̄a bwe iar juon ajri nejin Anij, iar jeļā bwe ewōr An kōjeram̧m̧an ej kakkoņi n̄an n̄a im bam̧le eo aō.
Pija jān rijeje eo
Ikar rūttoļo̧k ilo juon bukōn edik, ettoļok ilo Philippines. Baam̧le eo aō ekar jeram̧ōl. Ilo Philippines, n̄e ejeļo̧k am̧ jāān, kojjab maron̄ etal n̄an jikuuļ. Kōjekdo̧o̧n kabbōjrak jab in, ikar juon likao ewōr an jibadbad.
Ikar jiron̄ jinō im jema bwe ikar kōņaan erom juon taktō ak juon rūkaki ak juon eo me etijem̧ļo̧k, bōtaab raar aolep iien jiron̄ eō bwe in bōjrak jān ettōņak. Ekkar ejeļo̧k am jāān n̄an aō tal n̄an university. Jinō im jema rekkar kōņaan bwe in m̧ōņōņō im jab inepata kin mour eo aō.
“N̄an erom juon eo etijem̧ļo̧k ejjab n̄an kōj” rekkar ba Rekkar jab tōmak bwe ewōr men ko rem̧m̧anļo̧k rej pād ilo kōjparok n̄an bam̧le eo am jān ta ko rej pād kadede ippām.
Bōtaab menin ekkar mokta jen am kobaļo̧k ilo Kabun̄ eo an Jisōs Kraist im Armej ro Rekwojarjar ilo Raan-ko Āliktata.
Kōm kar jokwe ettoļo̧k jān bukōn ko, bōtaab mijenede ro raar lo kōm im bar ro̧o̧ltok im bar ro̧o̧ltok. Rekkar kaarmejette elōn̄ men ko n̄an katakin bam̧le eo ao, ak rekkar ukot mour ko am indeo.
Kōm kar kobatok ilo Kabun̄ in, ikar katak bwe ij juon ajri nejin Anij kōn juon kōjatdikdik n̄an eddōkļo̧k im katak im erom (lale Moses 1:39; “Bam̧le Eo: Juon Kean̄ n̄an Laļin,” Gospel Library). Kōn jeļā in an gospel eo, ikar jeļā ekar iien n̄an ļōn̄aj jekjek eo an baam̧le eo aō. Ekar jako am juon baam̧le ejeram̧ōl jān juon bukōn edik—ekar wōr tokjām ļaddik im leddik ro nejin Anij aikuj in bōk kōjeraam̧m̧an ko An ekar kallim̧ur kaki n̄an rikaļoor ro An retiljek.
Mijinede ro rekkar boktok gospel eo n̄an mour eo aō, gospel eo ear boktok kajañjañ n̄an mour eo aō, im kajañjañ ear letok juon ao jāān in jipañ ñan jikuul ilo university. Ikar bōk juon bachelor degree ilo secondary education innām juon degree ilo music, majoring ilo choral conducting. Kiō ij katakin kajañjañ ilo Liceo de Cagayan University im tōl doulul in kajan̄jan̄ eo an Liceo U High School Glee Club. Ij bareinwōt tōl juon choir an membōr ro ilo Kabun̄ in. Jerbal eo am ej n̄an kajedeed m̧ool eo kin Anij ilo kōjan̄jan̄
Aō kaduwōjļo̧k jen university ej boktok juōn mour kāāl n̄an n̄a, Ijaje ia eo in kar pād ie rainin ñe en kar jab kin gospel in an Jisōs Kraist.
Aolep rej telloke juon iien ñan katak, einwōt kar ña, bwe ewōr Jemer Illañ im bwe E ear kōjeraam̧m̧an er kin kōtmāne eo n̄an eddōkļo̧k, ekkatak, im erom̧.