Jej Kam̧ool kōn Rikanaan eo Ad Emour

O Anij Kōmij Kam̧m̧oolol kōn juon rikanaan.

Ijeļā bwe Būreejtōn Russell M. Nelson ej juon rikanaan an Anij, im ij kam̧m̧oolol bwe Anij ej kōnono n̄an e. Iakwe eo an Būreejtōn Russell M. Nelson n̄an kōj ej juon kakōļļe in iakwe eo an Anij. Ij iakwe Būreejtōn Nelson. Kallim̧ur ko ej kwaļo̧ki rej jen Anij.

Justine Hinautan, Philippines

Būreejtōn Nelson ej katakin n̄a bwe men eo aorōktata rainin ej n̄an kāālet Kraist ilo aō kōjparok im kautiej bujen ko .

Ryan Hulme, New Zealand

Ij lukkun in kam̧m̧oolol kōn rikanaan eo, Russell M. Nelson. Ij kwaļok aō naan in kam̧ool bwe ej juon em̧m̧aan kūr jān Anij n̄an tōl im kōkajoor kōj ilo raan ko āliktata. Ijeļā bwe n̄e jenaaj ļoor kapilōk ko an, aolep men renaaj em̧m̧an.

Nelson Almeida, Cabo Verde

Kom̧m̧ool, Būreejtōn Nelson, jān tu m̧wūlaļ in buruem kin am̧ letok n̄an kem naan in māletlet jān Jemed wōj Ilan̄. Anij en kōjeram̧m̧an eok, rikanaan eo am ejjitōnbōrro!

Brenda Boyle, Scotland

Kom̧m̧ool, Būreejtōn Nelson, kōn katak ko am̧ im rej im̧we im kōketak. Kōmij iakwe eok.

Thuong Putheary, Cambodia

Eļap ao kam̧m̧olool kin iakwe im lolātāt eo Būreejtōn Nelson ej letok āinwōt juon rikanaan. Ennaan eo an kōn tampeļ ekar tōlļo̧k eō n̄an bōk menin letok kwojarjar eo aō, nokon eo an n̄an rūm̧m̧an ded ro ekar kakeememej eō n̄an kile kadkad eo aō aorōk āinwōt juon nejin Anij, im kōketak eo an n̄an aintok Israel eo ejepelōklōk ekar unin kōnono eo ejjab jokod ibwilijin baam̧le eo aō im jukjuk in pād eo. Eo aorōktata, ej bwe ear jipan̄ eō epaakeļo̧k Rilomo̧r eo aō.

Grace Burt, United States

Em̧ōj aō kar kejekļo̧kjeņ kōn katak ko an rikanaan eo ad ejjitōnbōro, Russell M. Nelson. Katak ko an rekkar im̧we mour eo aō. Naan in kanaan ko an rekar kōketak eō n̄an bun̄ m̧aanļok wōt im n̄an kōļapļo̧k mour kōn gospel eo ilo laļ in etarpok im nana. Ekanooj ļap aō en̄jake jokane n̄an jeļā bwe ewōr juon ad rikanaan ilo tōre in ad me ej kōketak kōj n̄an bōk jetōb in aenōm̧m̧an, n̄an joļo̧k iakwelel ippān ro m̧ōttad. Ij kaorōk katak ko rem̧m̧an an.

Ana Montoya, Honduras

Ewōr juon ao naan in kam̧ool epen bwe Būreejtōn Russell M. Nelson ej rikanaan an Anij ilo raan kein āliktata. Iar jeraam̧m̧an bwe imaron̄ in kar kam̧oole im lo an ettā ilo aō kar epaake, an ļam waan, im iakwe eo ej en̄jake n̄an armej ro an. Ilo m̧ool, e ej em̧m̧aan eo kar kāālet n̄an tōl aelōn̄ in kiin̄ eo an Anij ioon laļ in ilo iien in ejej uwaan. Iar ron̄jake im ļoore naan in kapilōk eo an, eo ekar tōl eō n̄an mour juon mour jim̧we im jelm̧ae apan̄ ko an mour wabanban. Ij en̄jake eļap iakwe jen Būreejtōn Nelson, im ijeļā kōn jipan̄ ko an reļļap n̄an kaddōkļo̧k aelōn̄ in kiin̄ eo an Anij im aintok Israel jān im̧we ko an im kōjjeļā ko kōn ekkal an tampeļ aolepān laļ in.

David G. Fernandes, Brazil

Ilo O̧kwōj 24, 2019, rikanaan eo ear kōnono ilo kajin Spanish im katakin kōm n̄an wōnm̧aanļo̧k wōt im kōjparok kien ko an Anij. Iar lukkuun en̄jake iakwe eo an Jisōs Kraist kin kijejeto eo an rikanaan eo ilo an ekatak kajin eo am. Ijeļā bwe kōn rikanaan eo emour, Anij ej kōketak, katakin, kōjparok, tōl, im kōjeraam̧m̧an kōj.

Saúl Alfredo Rojas de León, Guatemala