Kabun̄ in Ej Pād Ijin

Reykjavík, Iceland

Mijenede ro jinoin tata an Kabun̄ eo an Jisōs Kraist im Armej ro Rekwojarjar ilo Raan-ko Āliktata raar jikrōkļo̧k ilo Iceland ilo 1851 eo. Ilo epepen eo kein ka 20, elōn̄ membōr ro raar em̧m̧akūtļo̧k n̄an laļ ko jet. Ijoke, rainin, membōr ro an Kabun̄ in ilo Iceland raar etal jān elōn̄ laļ ko, im elōn̄ armej in Iceland make raar bar ro̧o̧lļo̧k n̄an kwaļo̧k gospel eo an Jisōs Kraist im jipan̄ rioktak ro rekāāl tōl Kabun̄ in. Mekarta ejjab lōn̄ oraer, er rej juon jukjuk in pād ekanooj ļap aer iakwe doon. Kabun̄ in ilo Iceland ewōr:

• 380 membōr ro (emaron̄ jon̄anin)

• 4 branch ko (ekoba juon ilo kajin Spanish)

• 1 FamilySearch center

Juon Jukjuk in Pād an Armej ro Rekwojarjar

Membōr ro ilo Iceland rej jipan̄ doon. Ke ļeo pāleen Bettina Gudnason ekar mej, liin ekar lo kaenōm̧m̧an ilo baam̧le eo an Armej ro Rekwojarjar ipeļaakin: “Membōr ro an Kabun̄ in raar iien otemjej pād epaake eō. Ijeļā ilo būruō bwe Jemādwōj Ilan̄ im Jisōs Kraist jeļā aolep men ej waļo̧k ipeļaakid. Er rejeļā kajjied kōn etad.”