“3 Wāween ko n̄an Dibuk Mour im Lem̧ōņōņō Kake,” Liaona, Jept. 2024.
Rūm̧m̧an Ded ro
3 Wāeen ko n̄an Dibuk Mour im Lem̧ōņōņō Kake
Jemādwōj Ilan̄ ej kōņaan bwe jen lo lan̄lōn̄ ilo mour eo kar letok n̄an kōj.
Guido jen Germany
N̄āāt eo āliktata kwar likkuun ļap am̧ m̧ōņōņō?
Ekar ke pen uwaake kajjitōk in?
Ilo ien appan̄ ko, jemaron̄ lukkun mootļo̧k ad ilo māllijon̄ ko jej jelm̧ai im meļo̧kļo̧k ewi wāwein n̄an ad bar en̄jake m̧ōņōņō. Āinwōt an Sister Reyna I. Aburto, kar Rikakpilōklōk eo Kein Karuo ilo Būreejtōnji eo an Doulul eo Eutiej an Kōrā ro , kar kemeļeļeik: “Kōdo̧ marok ko remaron̄ … waļo̧k ilo mour ko ad, eo emaron̄ kōm̧m̧an bwe jan pilo jān meram in an Anij im kōm̧m̧an bwe jān kajjitōk eļan̄n̄e meram in ej pād wōt ippād.”
Nan elōn̄ iaad ro rūm̧m̧an ded ro, mour emaron̄ jet iien en̄jake āinwōt n̄an baj niknik—juon men n̄an kakkōk kake m̧ae iien eo āliktata jej bōk kōjeraam̧m̧an kar kallim̧uri kōj kaki.
Men eo jej meļo̧kļo̧k jet iien ej bwe ej bar juon men n̄an lem̧ōņōņō kake. Kōjeraam̧m̧an ko an m̧ōņōņō indeeo remaron̄ ijjino kiō.
Erkein rej jejjo ļōm̧ņak ko n̄an kōļapļo̧k meram im lan̄lōn̄ eo ilo mour ko ad make:
Keememej Mool ko Ralikkar
Ijello̧kin kamineneik mejād n̄an loļo̧kjeņ ilo marok, jemaron̄ pukot koon meram ko me gospel eo an Jisōs Kraist ej bōktok n̄an mour ko ad.
Būreejtōn Russell M. Nelson ekar kakeememej kōj bwe “Mōņōņō ej itok jān im kōn [Jisōs Kraist]. E ej unjen aolep m̧ōņōņō.” Ilo am̧ kakkōt n̄an lo meram eo ilo mour eo am̧, oktakļo̧k n̄an Jisōs Kraist ej aikuj aolep iien bun̄tōn eo im̧aan tata.
Kwomaron̄ barāinwōt kajjitōk ippān Jemādwōj Ilan̄ n̄an jipan̄ eok keememej aorōk eoa n kadkad eo am̧ ekwojarjar.
Elder Gary B. Sabin jen Jiljimjon̄oul eo ekar katakin, “Emenin aorōk n̄an m̧ōņōņō eo ad bwe jen kemeemej bwe kōj jej ļaddik im leddik ro nejin juon Jemedwōj Ilan̄ eo ej iakwe.” Ilo m̧ool jeļā bwe Anij ejeļā kōn kwe im ej kōņaan ijo em̧m̧an tata n̄an kwe emaron̄ kam̧ōņōņōik mour eo am̧.
Kōjekdo̧o̧ņ apan̄ ko kwoj jelm̧ai, keememej pedped in katak kein jilu an gospel eo maron̄ jipan̄ eok karuwaineneik meram eo an Rilo̧mo̧o̧r eo n̄an mour eo am̧.
Lale Ta eo ej Bōktok n̄an Kwe M̧ōņōņō
Jet iien emaron̄ in pen n̄an keememej bwe m̧ōņōņō eo ad ejjab aolep iien juon wōt āinwōt ro jet. Ilo m̧ool, āinwōt rūm̧m̧an ded ro, epen n̄an jab keidi mour ko ad n̄an ro ipeļaakd. Bōtaab keememej bwe kwoj make kōjbwebweik m̧ōņōņō.
Kajjitōk ippam makke: ta eo ej kōm̧m̧an am̧ m̧ōņōņō?
Ta eo ej kōm̧m̧an am̧ ettōn̄dikdik?
Āinwōt an kar Būreejtōn Dieter F. Uchtdorf tōre eo kar ba ke ekkar Rikakapilōklōk eo Kein Karuo ilo Būreejtōnji eo Kein Kajuon, “Kadikļo̧k ekairiir eo im bōk eļapļo̧k iien n̄an jeļā kajjiōm̧ make.” Kappukot aiboojoj eo ilo men ko reddik: Etal im etetal. Loļo̧k tampeļ eo. Je etam̧ n̄an ebbōk jerbal in jipan̄. Pukot juon am̧ itoklimo ekāāl ak kadedeļo̧k ta eo kwar kōm̧m̧ane m̧oktak.
Elder Richard G. Scott (1928–2015) jān Doulul eo an Jon̄oulruo Rijilōk ro juon iien ekar kōnono kōn ekōjkan an kapeel maron̄ in kōmeram mour ko ad: “Kāālet jet men ko āinwōt kōjan̄jan̄, eeb, sculpture, ak poetry. Kwaļo̧k kapeel enaaj jipan̄ eok lem̧ōņōņō kōn mour. Ej ejaake juon jitibōn kam̧olool. Ej ejaki tōļan eo eņojak, kōkōm̧anm̧anļo̧k maron̄ eo am̧ n̄an kōmeļeļe, n̄an jerbal, im n̄an pukot jibadbad eo an mour. Ej joļo̧k ajiimakeke im burom̧õj. Ej kakāāl, juon jitibõn kejatdikdik, im juon unin mour.”
Pukot ta eo ej kobrak būruōm̧ kōn m̧ōņōņō emaron̄ jipan̄ kōļapļo̧k meram ilo mour eo am̧ je kwoj pād im lokjak.
Keememej Ta eo Eaorōktata
Ilo an mour jino an eddo waj n̄an eok im kwoj en̄jake einwōt ejeļo̧k am̧ kajoor n̄an wōnm̧anļo̧k kajojo raan, bōk jidik ien im kōļmenļo̧kijen kōn ta eo ej aurōk tata.
Nan kōm̧m̧an menin, President Uchtdorf ekar elmakote bwejen “kapidodoikļok jidik mour ko ad.” Bar lale kōttōpar ko an mour am̧ bwe en ekeijel ļo̧k ippān Jemedwōj Ilan̄ im menin letok eo aibuojoj an Pinmuur eo an Kraist. Kaorōk jemjerā ko am̧ ippān baam̧le eo am̧, ro m̧ōttam̧, im kwe make.
Tariņaik nana ko kōn em̧m̧an, marok eo kōn meram eo an Jisōs Kraist im gospel eo An.
Āinwōt an Būreejtōn Nelson rōjan̄ kōj: “Jen jab baj niknik ilo iien in. Jen jelm̧ae ilju im jekļaj kōn tōmak!” Ilo ad niknik wōt im jelm̧ae appan̄ ko an mour, ekatak n̄an m̧ōņōņō kake aibuojwōj eo an bareinwōt. M̧ōņōņō eo indeeo me ej gospel eo ej kallim̧ur kake ejjab jino ilo jet iien ilju im jekļaj—ej jino kiiō.