“Ko Hono Fakamaʻa ʻa e Temipalé,” Palani Ako ki he Toetuʻú (2024)
Mōnite, 25 Māʻasí
Ko Hono Fakamaʻa ʻa e Temipalé
“ʻE ui hoku falé ko e fale lotu; ka kuo mou ngaohi ia ko e ʻana ʻo e kau kaihaʻá” (Mātiu 21:13).
Lolotonga e kuonga ʻo Sīsū ʻi Selusalemá, naʻá Ne ʻaʻahi ki he temipalé. ʻI loto ʻi he fale māʻoniʻoni ʻo e Tamai ʻa Sīsuú, naʻá Ne mamata ai ki ha kau fefakatauʻaki koloa kehekehe ʻoku nau fefakatauʻaki ai. Naʻá Ne fuʻu ʻohovale ʻi he mamata ki he feituʻu toputapu ʻo e moihuú kuo fakaʻauha mo ngaohi ia ko ha “ʻana ʻo e kau kaihaʻá” (Mātiu 21:13). ʻI Heʻene folofola ʻi he mafai taʻe-toe-ueʻiá, naʻá Ne fekauʻi e kau fefakatauʻakí mo e kau fetongi paʻangá ke nau mavahe.
ʻOku fakaafeʻi kitautolu ʻe Sīsū Kalaisi ke tau moihū mo ako ʻiate Ia ʻi he ngaahi temipale ʻi onopōní. ʻI he konifelenisi lahi ʻo ʻOkatopa 2022, naʻe akonaki ai ʻa Palesiteni Nalesoni:
ʻOua muʻa naʻa teitei ngalo ʻiate kitautolu ʻa ia ʻoku fakahoko ʻe he ʻEikí maʻatautolu he taimi ní. ʻOkú Ne fakafaingamālieʻi lahi ange Hono ngaahi temipalé. ʻOkú Ne hiki e tuʻunga vave ʻo ʻetau langa e ngaahi temipalé. ʻOkú Ne fakalahi hotau ivi malava ke tānaki fakataha ʻa ʻIsilelí. ʻOkú Ne fakafaingofuaʻi ange foki ʻetau fakahaohaoaʻi fakalaumālie kitautolu takitahá. ʻOku ou palōmesi atu ʻi he lahi ange homou taimi ʻi he temipalé, ʻe tāpuekina hoʻomou moʻuí ʻi ha ngaahi founga taʻe-hano-tatau. (“Tokanga Taha ki he Temipalé,” Liahona, Nōvema 2022, 121)
Lau pea Fakalaulauloto
Te ke fakamaʻa fēfē ho lotó mo e ʻatamaí ke teuteuʻi koe ke moihū ʻi ʻapi, ʻi he lotú, pea ʻi he temipalé?
Mamataʻi
“Ko e Fakamaʻa ʻe Sīsū ʻa e Temipalé”
Hiva
“Fakatapuʻi Au,” Ngaahi Himí, fika 64