“Ko e Faiako ʻi Selusalemá,” Palani Ako ki he Toetuʻú (2023)
Tūsite, 26 Māʻasí
Ko e Faiako ʻi Selusalemá
“Ke ke ʻofa ki [he ʻEikí] ko ho ʻOtuá ʻaki ho laumālié kotoa, mo hoʻo moʻuí kotoa, mo ho lotó kotoa” (Mātiu 22:37).
Naʻe ʻātakaiʻi ʻa Sīsū ʻi Selusalema, ʻe ha kau poupou mo e kau fakaanga fakatouʻosi. ʻI Heʻene hoko ko e Faiako Tuʻukimuʻá, naʻe ʻikai ke Ne finangalo ke mole noa ha faingamālie ke vahevahe ai Hono potó. ʻI he uike fakaʻosi ʻo ʻEne moʻuí, naʻá Ne vahevahe ai ha niʻihi ʻo ʻEne ngaahi akonaki tuʻuloa tahá. Ka naʻe ʻikai fakataumuʻa pē ʻEne ngaahi leá ki he kakai naʻe ʻi ai he taimi ko iá. ʻE lava foki ke faitāpuekina ʻetau moʻuí ʻe Heʻene ngaahi akonaki ʻi he kotoa ʻo ʻEne ngāué.
ʻI he konifelenisi lahi ʻo ʻOkatopa 2023, naʻe akonaki ai ʻa Palesiteni Tāleni H. ʻOakesi ʻo pehē:
ʻOku fakatukupaaʻi kitautolu ʻe he ongoongolelei ʻo Sīsū Kalaisí ke tau aʻusia ha meʻa. … Mei he ngaahi akonaki peheé ʻoku tau aofangatuku leva ai ko e Fakamaau Fakaʻosí ʻoku ʻikai ko hano vakaiʻi pē ia ʻo hono fakakātoa ʻo e ngaahi ngāue leleí mo e koví—ʻa e meʻa kuo tau faí. ʻOku makatuʻunga ia ʻi he ola aofangatuku ʻo ʻetau ngāué mo e fakakaukaú—ʻa e meʻa kuo tau aʻusiá. ʻOku tau feʻunga mo e moʻui taʻengatá ʻo fakafou ʻi ha founga ʻo e uluí. ʻI hono fakaʻaongaʻi hení, ʻoku ʻuhinga ʻa e foʻi lea ko ʻeni ʻoku lahi hono ngaahi ʻuhingá ki he liliu lahi ʻo e natulá. ʻOku ʻikai feʻunga ke tau muimui pē ki he ngaahi meʻa ʻoku faí. Ko e ngaahi fekau, ngaahi ouau mo e ngaahi fuakava ʻo e ongoongoleleí, ʻoku ʻikai ko ha lisi ia ʻo e ngaahi meʻa ʻoku fiemaʻu ke fakahū ki ha ʻakauni fakalangi. Ko e ongoongolelei ʻo Sīsū Kalaisí ko ha palani ia ʻokú ne fakahā mai kiate kitautolu ʻa e founga ke tau aʻusia ai ʻa e tuʻunga ʻoku finangalo ʻa ʻetau Tamai Hēvaní ke tau aʻusiá. (“Ngaahi Puleʻanga ʻo e Nāunaú,” Liahona, Nōvema 2023, 28)
Lau pea Fakalaulauloto
Te ke fakaʻaongaʻi fēfē ‘a e ngaahi akonaki ‘a Sīsuú ‘i hoʻo moʻuí?
Mamataʻi
Mamata ʻi ha niʻihi ʻo e ngaahi vitiō nounou ʻe 40 ʻo e Tohi Tapú fekauʻaki mo e ngaahi akonaki ʻa Sīsū Kalaisí (Teachings [ngaahi vitiō], Gospel Library).
Hiva
“Akoʻi Au ke U ʻEva he Māmá,” Ngaahi Himí, fika 196