“Ngaahi Kikite ki hono ʻAloʻi ʻo Sīsū Kalaisí,” Palani Ako ki he Toetuʻú (2024)
Sāpate Paame, 24 Māʻasí
Ngaahi Kikite ki hono ʻAloʻi ʻo Sīsū Kalaisí
“Kae vakai, ʻoku hanga ʻe he toetuʻu ʻa Kalaisí ʻo huhuʻi ʻa e faʻahinga ʻo e tangatá, ʻio, naʻa mo e faʻahinga ʻo e tangatá kotoa pē, pea fakafoki mai ʻa kinautolu ki he ʻao ʻo e ʻEikí” (Hilamani 14:17).
Fakafuofua ki he 6 BC nai, ne mole mei he kakai tokolahi ne nofo ʻi Seilahemala ʻi ʻAmelika he kuonga muʻá, ʻa ʻenau tui kia Sīsū Kalaisí. Ko ia naʻe fekauʻi mai ai ʻe he ʻOtuá ʻa Samuela ko e palōfitá ke ne fakamoʻoni ki he ʻaloʻi, pekia, mo e Toetuʻu ʻa e Fakamoʻuí pea fakaafeʻi ʻa e kakaí ke nau fakatomala mo tui kia Sīsū Kalaisi. Naʻe tomuʻa kikiteʻi ʻe Samuela ʻa e ngaahi fakaʻilonga ʻo e ʻaloʻi mo e pekia ʻa e Fakamoʻuí koeʻuhí ke “ʻilo [ʻe he kakaí] … ʻene hāʻele maí” pea “tui ai ki hono huafá” (Hilamani 14:12).
ʻOku tau moʻui he ʻahó ni ʻi ha kuonga naʻe kikiteʻi ai ʻe he kau palōfita ʻo onopōní ʻa e Hāʻele ʻAnga Ua Mai ʻa e ʻEiki kuo toetuʻú. Naʻe pehē ʻe Palesiteni Lāsolo M. Nalesoni:
Siʻoku kāinga ʻofeina, ʻoku ʻi muʻa ha ngaahi meʻa fakaʻofoʻofa lahi. ʻI he ngaahi ʻaho ka hoko maí, te tau mamata ai ʻi he ngaahi fōtunga maʻongoʻonga taha ʻo e mālohi e Fakamoʻuí kuo faifaiangé pea mātā ia ʻe māmani. Mei he taimí ni ki he taimi ʻo ʻEne toe hāʻele mai “ʻi he mālohi mo e nāunau lahí,” [Siosefa Sāmita—Mātiu 1:36], te Ne foaki ha ngaahi faingamālie, ngaahi tāpuaki, mo ha ngaahi mana taʻefaʻalaua ki he kau faivelengá. (“Ikuʻi ʻa Māmani mo Maʻu ha Fiemālie,” Liahona, Nōvema 2022, 95)
Lau pea Fakalaulauloto
Ko e hā ha ngaahi aʻusia kuó ke maʻu naʻá ne fakamālohia ai hoʻo tui ki he Tamai Hēvaní mo Sīsū Kalaisí?
Lekooti e Ngaahi Ongo ʻOkú ke Maʻú