Ako

ʻĪmisi

lightbulb-brown

Ko e hā ʻa ʻeku ngaahi filí fakaakó?

Taimí:Seti ʻae uasí ke miniti ʻe 30 ʻa e konga ki he Akó.

Lau:ʻOku tau maʻu he taimí ni ha ngaahi fakakaukau fekauʻaki mo ʻetau ngāue ʻi he kahaʻú. Te tau aleaʻi ʻi he uike ní ʻa e faʻahinga ako pe ako ngāue ʻoku fie maʻu ke tau maʻu ai ʻa e ngaahi pōtoʻi ngāue te tau feʻunga ai mo e ngāue ko iá.

Uike 1	Uike 2	Uike 3	Uike 4	Uike 5	Uike 6
Ko e hā e faʻahinga ngāue te ne tokoniʻi au ke u moʻui fakafalala ai pē kiate au?	Ko e hā ʻa e faʻahinga ako te ne fakafeʻungaʻi au ki heʻeku ngāué?	ʻE founga fēfē haʻaku totongi ʻeku akó?	ʻOku totonu nai ke u kole ha nō mei he Paʻanga Tokoni Fakaako Tuʻumaʻú?	ʻE founga fēfē haʻaku lavameʻa ʻi loki ako?	ʻE founga fēfē haʻaku lavameʻa ʻi tuʻa he loki akó?

Akoako Fakahoko:ʻOku totonu ke ʻoange ʻe he tokotaha tokoní ki he mēmipa takitaha ʻo e kulupú ha tatau ʻo e Lisi Ke Fili Mei ai ʻa e Ngaahi Ngāue ki he Moʻui Fakafalala Pē Kiate Kitá kapau ʻoku ʻikai ke nau maʻu ha lisi mei he uike kuo ʻosí.

Fili ha toko ua ke na tohi ʻi he palakipoé. Hili ia pea ʻoku totonu ke talaatu ʻe he tokotaha kotoa ʻa e hingoa ʻo e ngaahi ʻapiako pe ngaahi polokalama ako ngāue ki he lahi taha te nau lavá ʻi he miniti pē ʻe ua. Fakakaukau ki he ngaahi meʻa ko ʻení:

Ngaahi akoʻanga pe ʻunivēsiti fakapuleʻanga mo fakatāutaha
Ako pōtoʻi ngāué mo e ako ngāue fakatekinikale
Ngaahi ako ngāué pe ako ngāue fakakautaha
Ngaahi polokalama mo e ngaahi ako’anga Manakoa mei he Lisi ‘o e Ngaahi Ako’anga mo e Ngaahi Polokalama Manakoá

Lau:Ko e fē ngaahi meʻa te ne fakafeʻungaʻi kitautolu ki heʻetau ngāue ʻi he kahaʻú? ʻOku mahuʻinga ke ʻiloʻi ʻoku ʻikai tuʻunga tatau kotoa ʻa e ngaahi ʻapiakó mo e ngaahi polokalamá. ʻOku nau kehekehe ʻi he lōloá, fakamolé, mo hono faingataʻá. ʻOku lelei ʻa e niʻihi ʻi hono tokoniʻi ʻa e kau ako kuo ʻosí ke maʻu haʻanau ngāue. Ko e niʻihi ʻoku ʻikai ke lelei pe fuʻu mamafa.

Mamataʻi:“Ko Hono fili ha Ako pe ha Polokalama Ako Ngāue” (ʻIkai ha vitiō? Lau ʻa e peesi 38.)

Aleaʻi:Ko e hā ʻa e ngaahi meʻa te ke fai ke ʻiloʻi ʻa e polokalama ako ngāue ʻoku totonú?

Lau:Kapau te tau fakaʻaongaʻi ha nō PTFT, ʻoku fie maʻu ke nau fili ha akoʻanga pe polokalama mei he Lisi ke Fili Mei Ai ʻa e Ngaahi ʻApiakó mo e Ngaahi Polokalamá. ʻOku ʻomi ʻe he ngaahi ʻapiako ko ʻení ʻa e ngaahi pōtoʻi ngāue ke maʻu ai ha ngāue ʻoku fie maʻu. ʻOku nau tokoni foki ki he kau ʻosi mei he akó ke maʻu ʻa e ngāue ko iá. Te ke lava ʻo kole ha fakaʻatā mavahe pe fakalahi ki he lisí ʻaki hao fetuʻutaki ki he pule hoʻomou ngaahi ngāue fakalotofonua ki he moʻui fakafalala pē kiate kitá.

Lau:Te tau fai ʻa e fehuʻi ko ʻení mo fakahoko ʻa e ngāue ko ʻení ʻi he uiké ni:

Lau:FEHUʻI ʻO E UIKÉ—Ko e hā ʻa e ako pe ako ngāue te ne fakafeʻungaʻi au ki heʻeku ngāué?

NGĀUE ʻO E UIKÉ—Vakaiʻi ʻa e ngaahi fili ʻoku ʻatā ki he akó, ako fekauʻaki mo e ngaahi polokalamá ʻaki hao talanoa mo e kakai kehé, mo teuteuʻi ha palani ako.

ʻE founga fēfē haʻaku faʻu ʻeku palani akó?

Akoako Fakahoko:Te tau faʻu ha “palani ako” ʻi he lolotonga ʻo e uiké (vakai, peesi 33). ʻE tokoni ʻa e ako fakahoko ko ení ke tau ako ai ʻa e founga hono fai iá, ʻi he sitepu taki taha!

Sitepu 1. Lau ʻa e ngaahi sīpingá. Hili ia, pea hiki ʻa e hingoa ʻo ha akoʻanga ʻokú ke fakakaukauʻi ʻi he “Ko Hoʻo Sīpingá.” Hiki ʻa e kakai kotoa pē te ke lava ʻo talanoa mo kinautolu fekauʻaki mo e fili ko iá.

KO ʻEKU PALANI AKÓ: KO E HĀ ʻA ʻEKU NGAAHI FILI FAKAAKÓ?
	Sīpinga 1	Sīpinga 2	Ko Hoʻo Sīpingá
Lisi ʻa e ngaahi polokalama ako mo e ngaahi akoʻanga ʻokú ke vakaiʻí	Polytechnical Institute	Software Certification Center

KO HAI ʻOKU ʻILO KI HE POLOKALAMÁ PE AKOʻANGÁ?
Lisi ʻa e kakai ʻo e polokalama pe akoʻanga takitaha te ke lava ʻo talanoa mo ia	ʻOku ngāue ai ʻa Sisitā Ato Kau ʻetivaisá, kau faiako ʻo e akoʻangá Naʻe ako ai hoku kaungāmeʻa ko Sōfiá Kau akó	Ko e tangata ʻi he falekoloa komipiutá ʻOku ʻosi maʻu tohi fakamoʻoni ako ʻa Molotano Ha tokotaha ʻi he senitā tohi fakamoʻoni akó

KO HAI ʻOKU ʻILO KI HE POLOKALAMÁ PE AKOʻANGÁ?

Lisi ʻa e kakai ʻo e polokalama pe akoʻanga takitaha te ke lava ʻo talanoa mo ia

ʻOku ngāue ai ʻa Sisitā Ato

Kau ʻetivaisá, kau faiako ʻo e akoʻangá

Naʻe ako ai hoku kaungāmeʻa ko Sōfiá

Kau akó

Ko e tangata ʻi he falekoloa komipiutá

ʻOku ʻosi maʻu tohi fakamoʻoni ako ʻa Molotano

Ha tokotaha ʻi he senitā tohi fakamoʻoni akó

Sitepu 2 Lau ʻa e ngaahi fehuʻi mo e ngaahi sīpinga ʻi laló. Fakafonu ʻa e ngaahi puha ʻi he “Ko Hoʻo Sīpingá.” Mahalo naʻa fie maʻu ke ke mateʻi pē ʻa e ako fakahoko ko ʻení.

KO E HĀ TE U ʻEKÉ?
	Sīpinga 1	Sīpinga 2	Ko Hoʻo Faʻifaʻitakiʻangá
Ko e toko fiha ʻoku ʻosi mei he akó? Ko e toko fiha ʻoku maʻu haʻanau ngāue leleí?	ʻosi ʻa e 80% mei he akó pea mo maʻu tohi fakamoʻoni ako Ko e tokolahi taha ʻo e kau ʻosí ʻoku maʻu ʻenau ngāue lelei Ko e tokolahi ʻoku nau hoko ko e kau pule ʻi he taʻu ʻuluakí pē	Ne lava ʻa e 60–65% ʻOku maʻu ʻe he meimei tokotaha kotoa naʻe ʻosí ha ngāue lelei.
Ko e hā ʻa e meʻa ʻe tali ai kita ki he polokalamá pe akoʻangá?	Naʻa nau tali ʻa e toko 100 ʻi he taʻu ki he kasá; kuo pau ke nau lava ʻi he sivi fiká; fie maʻu ke fakaongoongoleleiʻi ʻe ha toko 2	Lavaʻi ʻa e sivi fiká Totongi ʻa e totongi akó ʻI ai haʻane komipiuta toʻotoʻo
Ko e hā hono lōloa peá te maʻu e tohi fakamoʻoni akoʻosi mei he akó?	māhina ʻe 18 ke maʻu ʻa e tohi fakamoʻoni ako Māhina ʻe 6 ʻoku fokotuʻu ki he ako ngāué (aleaʻi ia ʻe he ʻapiakó, taʻetotongi)	māhina ʻe 9 fakataha mo e sivi tohi fakamoʻoni ako
Ko e hā ʻa e fakamole ki he taʻu ʻe tahá? Ki he polokalamá fakalūkufua? Ki he maʻu ʻo e tohi fakamoʻoni akó?	10000/totongi ako mo e ngaahi totongi kehé ki he taʻu 15000 ki he polokalamá fakakātoa 8000 (makehe) ki he tohi fakamoʻoní mo e ngaahi meʻangāué	15000/māhina ʻe 9 (15000 ki he polokalamá fakakātoa) 5000 (makehe) ki he fakamoʻoniʻi ʻo e tohi fakamoʻoni akó
ʻOku ʻi ai ha ngaahi sikolasipi? Ngaahi Paʻanga Tokoni? Ngaahi nō?	Ko e ngaahi sikolasipi maʻá e fānau ako lelei taha ʻi he māhina ʻe 6 kuo ʻosí; ʻikai ha paʻanga tokoni; noó ʻoku māʻolunga ʻa e totongi tupú	ʻIkai
Ko e hā ʻa e taimi-tēpilé? Fefonongaʻakí?	fakatahaʻanga ʻe 3 (pongipongi, hoʻatā, taimi poʻuli Ofi ki he halanga pasí; fefonongaʻakí ʻe miniti ʻe 45 kiate au	Pongipongi mo e poʻuli Heka pasi tuʻo ua, ʻa ia ko e houa ʻe 1 ʻa e heka ʻe taha

Sitepu 3 Sai, lau ‘a e sīpinga ko ‘ení pea fakamatala’i fakanounou leva ‘a e tali ki he “Ko Ho’o Sīpingá” ‘i he puha ‘i to’omata’ú. Manatu’i, ko e akoako pē ‘eni. Te tau tānaki ha fakamatala totonu ange he uike ní.

KO FĒ ʻA E NGĀUE ʻOKU NGALI LELEI TAHA KE MAʻU AI HA PAʻANGA HŪ MAI ʻOKU FENĀPASI MO HOKU MĀLOHINGÁ MO E PŌTOʻI NGĀUÉ?
	Sīpinga 1	Sīpinga 2	Ko Hoʻo Sīpingá
Ko e hā kuó u ako fekauʻaki mo e ngaahi meʻa ko ʻení? Ko fē ʻoku ngali lelei taha kiate aú?	Taimi lahi ange. Kiʻi lahi ʻa e fakamolé Lelei ʻo e kumi ngāué, ngaahi sikolasipí, faʻahinga taimi pē. Fetuʻutaki lelei mo e ngaahi ngāueʻangá.	Siʻi ange taimí. Siʻisiʻi ange ʻa e totongí fakakātoa. Māʻolunga ʻene tuʻunga ke taʻemalavá. Lelei ki he kumi ngāué. Faingataʻa ʻa e fefonongaʻakí.

Lau:ʻE fie maʻu ke fai ʻetau filí ʻi he hili hono tānaki ʻo e fakamatalá he uike ní. Te tau lava ʻo lotu mo lau hotau tāpuaki fakapēteliaké ke tokoniʻi kitautolu. ʻE tataki kitautolu ʻe he Laumālie Māʻoniʻoní ʻi heʻetau taau mo loto fakamātoató. ʻOku finangalo ʻa e ʻEikí ke tāpuakiʻi kitautolu. Tau fekumi ki Heʻene tokoní!

ʻE founga fēfē haʻaku fakamatalaʻi ʻeku palani akó?

Lau:Tau akoako fakahoko hono fakamatalaʻi ha palani ako, ke teuteu ki he uike kahaʻú.

Akoako Fakahoko:Tuʻu ki ʻolunga pea fili ha hoa akoako foʻou. Fakamatalaʻi ha sīpinga ʻo ha palani ako ʻe taha ke hangē pē ko hao palaní (vakai, peesi 30–31). Kapau ʻoku ʻikai ke ke maʻu kotoa ʻa e fakamatalá, fakafuofuaʻi pē. ʻAi ke miniti ʻe tolu. Hili ia pea tuku ha miniti ʻe ua ke ke kole ai ha fakamatala tokoni mei ha tokotaha kehe.

Fetongi ʻa e fatongiá pea tuku ki he tokotaha ko ʻeé ke akoako fakamatala.

Aleaʻi:Toe foki ki he kulupu ʻoku tokolahi angé. Talanoa fekauʻaki mo e founga te ke tānaki ai ʻa e fakamatalá ʻi he lolotonga ʻo e uiké mo e founga te ke fakamatalaʻi ai hoʻo palani akó ʻi he uike ka haʻú. Fai ha ngaahi fehuʻi mo vahevahe ʻa e ngaahi fakakaukaú.

Lau:Tānaki ʻa e fakamatalá ʻi he lolotonga ʻo e uiké pea fakahū ia ki he palani ako ko ʻení. Talanoa mo e kakai tokolahi taha te ke lavá. Fai ha ngaahi fehuʻi lahi ange pea tānaki atu mo ha ngaahi fehuʻi lahi ange ki hoʻo fakamatala ʻoku hikí. Kapau ʻokú ke fie maʻu ha foomu palani ako ʻe taha, ʻoku ʻi ai ha tatau ʻi he peesi 39.

ʻE founga fēfē haʻaku teuteu ke maʻu ha nō PTFT?

ʻE lava foki hoʻo palani akó ʻo tokoniʻi koe ke ke teuteu ki ha nō PTFT, kapau ʻokú ke fie maʻu ha nō ke tokoni ki he totongi hoʻo akó pe ako ngāué. Kapau ʻokú ke pehē te ke ala fie maʻu ha nō PTFT, tali ʻa e ngaahi fehuʻi ko ʻení ʻi hoʻo faʻufaʻu hoʻo palani akó pea tauhi ʻa e fakamatala ko ʻení ki hoʻo tohi kole ki he PTFT.

KO ʻEKU PALANI AKÓ: KO E HĀ ʻA E AKO PE AKO NGĀUE TE NE FAKAFEʻUNGAʻI AU KI HEʻEKU NGĀUÉ?
Ko e ʻapiako kuo filí (mei he Lisi ʻo e Ngaahi ʻApiako mo e Ngaahi Polokalama ke Fili Mei Ai ʻa e SRS):
Tafaʻaki pe polokalama ʻoku ako ki aí (mei he Lisi ʻo e Ngaahi ʻApiako mo e Ngaahi Polokalama ke Fili Mei Ai ʻa e SRS):
Ngāue ʻoku ou saiʻia aí (mei he Lisi ʻo e Ngaahi Ngāue ke Fili Mei Ai ʻa e SRS):
ʻI he kole nō ko ʻení, te ke kamata ako ʻafē?
Māhina mo e taʻu ʻokú ke palani ke ʻosi ai mei he akó:

Fakatokangaʻi ange: Kapau ʻoku ʻikai ʻasi ʻa e ʻapiakó mo e polokalamá ʻi he Lisi ʻo e Ngaahi ʻApiako mo e Ngaahi Polokalama ke Fili Mei Ai ʻa e SRS ka ʻokú ke kei fie kole nō pē, fetuʻutaki ki he pule ʻo e ngaahi ngāue ki he moʻui fakafalala pē kiate kitá.