Ako

lightbulb-green

ʻOku totonu nai ke u kole ki ha nō mei he Paʻanga Tokoni Fakaako Tuʻumaʻú?

Taimí:Seti ʻa e uasí ke miniti ʻe 30 ʻa e konga ki he Akó.

Lau:Kuó ma ʻosi fakakaukauʻi ʻa e ngaahi founga ke totongi ai ʻema akó. Ko ha founga ʻe taha ko e nō mei he Paʻanga Tokoni Fakaako Tuʻumaʻú (PTFT).

Uike 1	Uike 2	Uike 3	Uike 4	Uike 5	Uike 6
Ko e hā ʻa e faʻahinga ngāue te ne tokoniʻi au ke u moʻui fakafalala pē kiate aú?	Ko e hā ʻa e faʻahinga ako te ne fakafeʻungaʻi au ki heʻeku ngāué?	ʻE founga fēfē haʻaku totongi ʻeku akó?	ʻOku totonu nai ke u kole ki ha nō mei he Paʻanga Fakaako Tuʻumaʻú?	ʻE founga fēfē haʻaku lavameʻa ʻi loki ako?	ʻE founga fēfē haʻaku lavameʻa ʻi tuʻa he loki akó?

Lau:Te tau kumi ʻa e ngaahi tali ki he ngaahi fehuʻi ʻo e uiké ni, pea te tau fakahoko ʻa e ngāue ko ʻení:

Lau:FEHUʻI ʻO E UIKÉ—ʻOku totonu nai ke u kole ki ha nō mei he Paʻanga Fakaako Tuʻumaʻú?

NGĀUE ʻO E UIKÉ—Fakakaukauʻi mo hoku fāmilí pe te u kole ha nō PTFT. Kapau ʻoku totonu ʻa e nō PTFT kiate au, te u fakakakato ʻa e kole noó.

Ko e hā ʻa e nō mei he Paʻanga Fakaako Tuʻumaʻú?

Mamataʻi:“Ko e hā ʻa e Nō PTFT?”” (ʻIkai ha vitiō? Lau ʻa e peesi 68.)

Palesiteni Gordon B. Hinckley

Aleaʻi:

Ko e hā ha ngaahi fakakaukau pe ngaahi ongo naʻá ke maʻu ʻi he lolotonga ʻo e vitioó?

Akoako Fakahoko:Fakataha ʻo tautau toko ua pe tolu. Taufetongi ʻi hono lau ʻo e ngaahi lea ko ʻeni naʻe fai ʻe Palesiteni Kōtoni B. Hingikeli fekauʻaki mo kinautolu ʻoku nau maʻu ha nō PTFT.

“Te [nau] ako ʻa e… ngaahi pōtoʻi ngāue ʻa ia ʻoku fie maʻú. … Mo e ngaahi pōtoʻi fakangāue lelei, ʻe lava ke mavahe ai ʻa e kau talavou mo e kau finemui ko ʻení mei he … masivá. … Ko e Akó ko e kī ia ki he faingamālié” (“The Perpetual Education Fund,” Ensign, May 2001, 52–53).

“Te nau mali pea hoko atu ʻa ʻenau moʻuí kuo nau maʻu ha ngaahi poto fakangāue ke fakafeʻungaʻi ai kinautolu ke nau lava ʻo maʻu ha moʻui pea maʻu honau tuʻunga ʻi he sosaietí ʻa ia te nau lava ʻo fai ha tokoni ki aí.” (“The Church Goes Forward,” Ensign, May 2002, 6–7).

“Te nau hoko ko e kau taki ʻi he ngāue maʻongoʻongá ni ʻi honau fonua tupuʻangá. Te nau totongi ʻenau vahehongofulú mo e ngaahi foakí, ʻa ia ʻe lava ai ʻe he Siasí ke fakalahi ʻene ngāué ʻi he funga ʻo e māmaní” (“Reaching Down to Lift Another,” Ensign, Nov. 2001, 53–54).

“Te [nau] totongi fakafoki ʻa e paʻangá, pea ʻi he taimi ʻoku nau fai iá, te nau fiefia ʻi ha ongo fakaʻofoʻofa ʻo e tauʻatāina koeʻuhí he kuo laka kimuʻa ʻenau moʻuí. … Te nau laka fie laka ʻi he laumālie ʻo e tauʻatāina” (“The Perpetual Education Fund,” Ensign, May 2001, 53).

Aleaʻi:Ko fē ʻi he ngaahi talaʻofa ʻi ʻolungá ʻoku mahuʻinga kiate koé? ʻE kehe fēfē hoʻo moʻuí mo ho fāmilí kapau naʻe fakahoko ʻa e ngaahi talaʻofa ko ʻení?

Ko hai ʻe te ne ala maʻu ha nō PTFT?

Lau:ʻI muʻá, ko e nō PTFT naʻe ʻatā pē ki he kau ʻosi ngāue fakafaifekau taʻu 18 ki he 30. ʻOku nau ʻatā ʻeni ki he kāingalotu kotoa ʻo e Siasí ʻoku taʻu 18 mo motuʻa angé. Tau vakai ki he ngaahi fie maʻú. (ʻE lava ke fakangofua ha ngaahi fakaʻatā ʻe he kau taki lakanga fakataulaʻeikí ke feau ha ngaahi fie maʻu makehe.)

Akoako Fakahoko:Fulihi homou seá ke fehangahangai mo ha mēmipa kehe ʻo e kulupú. Hili ia pea mo lau fakataha ʻa e ngaahi fie maʻu ʻi he loto puha ʻi toʻohema, ʻi laló. Hili ia pea tā ha laine ki he ngaahi foʻi lea ʻi toʻomataʻú ʻokú ne fakafonu ʻa e potu ʻoku ʻataá. ʻOku fakahaaʻi atu ha sīpinga ʻe taha.

KO E KINAUTOLU ʻOKU KAU HE NŌ PTFT ‘OKU TOTONU KE NAU:
Hoko ko ha kāingalotu mālohi ʻo e Siasí ʻoku kau he .	ʻinisititiutí
Fakaongoongoleleiʻi mai ʻe honau kau taki lakanga fakataulaʻeikí oku nau moʻui taau, fie maʻu ha tokoni fakapaʻanga, mo fai māteaki ke aʻusia ʻenau taumuʻá.	taʻu 18 pe motuʻa ange
Taʻu .	uiuiʻi
Ako ʻi ha polokalama mo e ʻapiako ʻoku .	Ako Koeʻuhí ko ha Ngāue Lelei Ange
Naʻa nau teuteu ʻaki haʻanau kau ʻi ha kulupu pea mo fakakakato ha palani nō PTFT.	temipalé
ʻOku moʻui, ngāue, mo ʻalu ki he ngaahi ʻapiako fakalotofonua ʻi he ngaahi feituʻu ʻoku .	ʻi he Lisi Ke Fili Mei Ai ʻa e Ngaahi ʻApiakó mo e Ngaahi Polokalamá
Tukupā ke angatonu mo moʻui fakafalala pē kiate kita ʻaki ʻa e .	tokotaha fakataukei
Kaungā ngāue mo ha , ʻoku tokoniʻi ʻa kinautolu ʻoku kaú ke lavameʻa ʻi he akó, ngāué, mo e tā fakafoki ʻo e noó.	ʻOku tali ʻa e ngaahi nō PTFT
Maʻu ako , kapau ko ha tāutaha kei talavou.	totongi fakafoki kakato ʻa e noó

Kātaki ʻo vakai ki he peesi 69 ke tokoni ke mahino ʻa e ngaahi fie maʻú.

ʻOku founga fēfē ʻa e nō PTFT?

Fakamatala ki he tokotaha tokoní: Tufa ʻa e fanga kiʻi tohi tufa PTFT fakalotofonuá ʻa ia ʻoku ʻi ai ʻa e ngaahi fakahinohino pau ʻo e polokalama PTFT ki homou feituʻú.

Aleaʻi:Lau fakalelei ʻa e tohi tufa PTFT fakalotofonuá ʻa ia ʻoku ʻi ai ʻa e ngaahi fakahinohino ʻo e nō PTFT ki homou feituʻú. Ko e hā ʻokú ke akó?

Lau:ʻE lava ʻo holoki ʻa e totongi fakafoki ʻo ʻetau noó ʻi he taimi ʻoku tau ako lelei aí. ʻE lava ke holoki ʻa e lahi fakakātoa ʻo e nō ke totongí ʻi he taimi ʻoku tau (1) maʻu ai ha maaka leleí, (2) ʻosi mei he akó, (3) aʻusia ʻetau taumuʻa ngāue maʻuʻanga moʻuí, pea (4) mo totongi taimi totonu ʻa e noó. Kapau te tau fai ʻa e ngaahi meʻá ni, ʻoku tau maʻu ha kulētiti ki heʻetau ngāue leleí, pea ʻoku holoki leva ʻa e lahi ʻo e nō ʻoku kei toé.

Ke maʻu ha fakamatala lahi ange ʻi he nō PTFT, vakai ki he peesi 70. Toe lau fakalelei ʻa e ngaahi fakamatala ko ʻení ʻi ʻapi. Te ke lava foki ʻo fetuʻutaki ki ha senitā ʻo e moʻui fakafalala pē kiate kitá ʻi ha ngaahi fehuʻi.

Aleaʻi:ʻOku ʻi ai hao ngaahi fehuʻi kehe ʻe lava ke tokoni ai ʻa e kulupú ʻi hono talí?

ʻE founga fēfē haʻaku kole?

Lau:Ko e ngaahi sitepu ʻeni ke ke kole ai ha nō PTFT. Fakataha mo hao hoa ngāue ʻo ako ki he fakamatala te mo fie maʻu ki he sitepu takitaha. Huke ki he peesi ʻoku hiki atu ki he sitepú takitaha pea fetongitongi ʻi hono laú (kae ʻoua naʻa fakafonu ʻa e fakamatala ʻi he ngaahi peesi kehé). Hili ia pea foki mai ki he peesi ko ʻení ʻo ʻai ha fakaʻilonga tonu ʻi he puha ki he sitepu ko iá.

1. Fili ha ngāue, polokalama, mo ha ʻapiako mei he Lisi ke Fili Mei Ai ʻa e SRS (vakai ki he peesi 11, 14, 33,34).

2. Fakakakato ʻa e palani fakapaʻanga fakaakó (vakai ki he peesi 50).

3. Fili ha tokotaha fakataukei ki he nō PTFT (vakai ki he peesi 71–72).

4. Fakakakato ʻa e laʻipepa ngāue ki he palani nō PTFT (vakai ki he peesi 73–74).

5. Maʻu ha tohi poupou ʻa e taki lakanga fakataulaʻeikí (vakai ki he peesi 75–76).

6. Fakakakato ʻa e kole nō PTFT ʻi he ʻinitanetí ʻi he srs.lds.org/pef (vakai ki he peesi 77).

Aleaʻi:ʻOkú ke maʻu ʻa e fakamatala kotoa pē ʻoku fie maʻu ki hono fakakakato ʻo e ngaahi sitepú? Kapau ʻoku ʻikai, ʻe founga fēfē hao maʻu ia?

Ko e hā ʻoku hoko ʻi he hili ʻo ʻeku kolé?

Lau:Ko e meʻa ʻeni ʻe hoko ʻi he hili ʻetau fakakakato ʻa e kole noó.

¹ʻOkú ke fakahū ha tohi kole

²Vakaiʻi ʻe he kau ngāue mo e kau taki ʻo e PTFT ʻa e tohi kolé

³Kapau ʻoku tali ʻa e kolé, te ke tali ʻa e aleapau noó ʻi he uepisaiti ʻa e PTFT

⁴ʻE ʻinitaviu koe mo hoʻo tokotaha fakataukeí ʻe ha mataotao ʻo e PTFT ʻi he telefoní.

⁵Te ke lesisita leva ki he akó mo kole ke totongi hoʻo akó

Aleaʻi:ʻOku ʻi ai ha ngaahi fehuʻi? Kapau ʻoku ʻikai ke ke ʻiloʻi ʻa e talí, ʻalu ki he senitā ofi taha ʻo e moʻui fakafalala pē kiate kitá.

Ka ʻosi ʻa e fakatahá, kapau ʻoku lava ʻa e taha tokoní ʻo hū ki he ʻInitanetí, te ne lava ʻo fakaava ʻa e uepisaiti ki he nō PTFT mo fakaʻaliʻali ʻa e founga hono fakaʻaongaʻí.

ʻE founga fēfē haʻaku fai ha totongi fakafoki?

Lau:ʻOku ʻikai ko ha meʻaʻofa ʻa e nō PTFT pea ʻoku fie maʻu ke tau totongi fakafoki ia. ʻOku tau tukupā ke totongi fakafoki ia. ʻOku tau fai ʻa e tukupā ko ʻení he lolotonga ʻetau ʻinitaviu mo e taki lakanga fakataulaʻeikí ke maʻu ʻa e tohi poupou ki he nō PTFT pea ʻi he taimi ʻoku tau fakakakato ai ʻa e kolé ʻi he ʻinitanetí.

ʻOku ʻomai ʻe heʻetau totongi fakafoki ʻetau nō PTFT ha paʻanga ke maʻu ai ʻe ha niʻihi ha nō PTFT ʻi he kahaʻú, kau ai ʻa e kāingalotu ʻi hotau siteikí pe vahefonuá. Kapau ʻoku ʻikai ke tau totongi fakafoki, ʻoku siʻisiʻi ai ʻa e paʻanga ki ha nō PTFT ʻi he kahaʻú.

Lau ʻa e lea ʻi toʻomataʻú.

“ʻE totongi fakafoki ʻe he kau maʻu noó ʻa e paʻangá, pea ʻi he taimi ʻoku nau fai iá, te nau maʻu ha ongo fakafiefia ʻo e tauʻatāina koeʻuhí he kuo laka kimuʻa ʻenau moʻuí ʻo ʻikai ʻi ha paʻanga tokoni pe meʻaʻofa, ka ʻi he nō pea totongi fakafoki. Te nau lava ʻo laka fie laka ʻi he laumālie ʻo e tauʻatāina. ʻE māʻolunga ange ʻa e fakatetuʻa atu ki haʻanau faivelenga mo fai mālohi ʻi he kotoa ʻenau moʻuí.”

Gordon B. Hinckley, “The Perpetual Education Fund,” Ensign, May 2001, 53

Aleaʻi:Ko e hā ʻoku mahuʻinga ai ʻa e totongi fakafoki ʻo e nō PTFT? Fakakaukau ki he ngaahi ʻuhinga ko ʻení:

• Tauhi ʻa e ngaahi tukupaá mo hiki hake e tuʻunga malava ke tauhi ʻa e ngaahi fuakavá.

• ʻOange ha faingamālie tatau ki he niʻihi kehé ke maʻu ha nō.

• Maʻu ʻa e ngaahi tāpuaki kuo talaʻofa kiate koe pea mo ho fāmilí.

• Fakatupulaki hoʻo tui kia Sīsū Kalaisi pea hoko ʻo moʻui fakafalala pē kiate koe.

Lau:Koeʻuhí ke fakapapauʻi ʻoku tau ʻiloʻi ʻa e founga ke totongi fakafoki ai ʻa e noó, kuo pau ke tau fai ʻetau fuofua totongi noó kimuʻa pea toki lava ke maʻu ha paʻanga ki heʻetau akó.

Fakamatala ki he tokotaha tokoní: Tufa ʻa e ngaahi fakahinohino totongi nō ki homou fonuá.

Toe vakaiʻi fakalelei fakataha ʻa e ngaahi fakahinohino totongi nō ki homou fonuá.

Ko e hā te tau fai ke lava lelei ai ha nō PTFT?

Mamataʻi:“ʻOku ʻI ai Hoku Ongo Nima ʻe Ua ke Ngāue” (ʻIkai ha vitiō? Lau ʻa e peesi 78.)

Aleaʻi:Fili ha foʻi lea ʻe taha ke fakamatalaʻi ʻa e meʻa naʻá ke ongoʻi ʻi he vitiō ko ʻení. Vahevahe hoʻo foʻi leá.

ʻI he meʻa kuó ke ʻilo he taimi ní, te ke fie kole ha nō PTFT? Ko e hā te ke lava ʻo fai he lolotonga ʻo e uiké, ke ke fai ai ha fili lelei fekauʻaki mo e fili ko ʻení?

Lau:ʻOku ʻikai ke tau tuēnoa ʻi heʻetau fakalakalaká. Tau manatuʻi muʻa: “ʻOku ou faʻa-fai ʻa e meʻa kotoa pē ʻia Kalaisi ʻokú ne fakamālohiʻi aú” (Filipai 4:13).