Tukupā

arrow-red

ʻE founga fēfē haʻaku fakalakalaka fakaʻaho?

Taimí:Seti ʻa e uasí ke miniti ʻe 10 ʻa e konga ki he Tukupaá.

Akoako Fakahoko:Fili ho hoa ngāué. Fili ʻa e taimi mo e founga te mo fetuʻutaki aí.

Hingoa ʻo e hoa ngāué

Fakamatala ki he fetuʻutakí

Lau leʻo lahi ʻa e tukupā takitaha ki ho hoa ngāué. Palōmesi te ke tauhi hoʻo ngaahi tukupaá! Fakamoʻoni ʻi lalo.

KO ʻEKU NGAAHI TUKUPAÁ
Te u ngāue mo hoku fāmilí ke hiki totonu ʻeku paʻanga hū maí mo e ngaahi fakamole ki he nofó.
Te u lēkooti ʻeku ngaahi fakamole fakaakó mo ako fekauʻaki mo e ngaahi sikolasipí, ngaahi paʻanga tokoní, noó, mo ha ngaahi tafaʻaki fakapaʻanga kehe.
Te u teuteu ʻeku palani fakapaʻangá ki hono fakamatalaʻí.
Te u akoako fakahoko ʻa e tefitoʻi moʻoni mei he Ko Hoku Fakavaʻé ki he ʻahó ní mo akoʻi ia ki hoku fāmilí.
Te u fakahū ha paʻanga ki heʻeku ʻakauní—neongo pe ko e hā ʻene siʻisiʻi.
Te u līpooti ki hoku hoa ngāué.

Ko ʻeku fakamoʻoni hingoá

Fakamoʻoni hingoa ʻa e hoa ngāué

ʻE founga fēfē haʻaku lipooti ʻeku fakalakalaká?

Akoako Fakahoko:Ngāue ʻaki ʻa e saati tukupā ko ʻení kimuʻa ʻi he fakataha ka hokó, ke lekooti ai hoʻo fakalakalaká. Tohiʻi ʻi he fanga kiʻi puha ʻi laló ʻa e“ʻIo,” “ʻIkai,” pe ko e tuʻo lahi hoʻo tauhi ʻa e tukupaá.

Naʻá ku ngāue mo e fāmilí ke hiki ʻa e paʻanga hū maí mo e ngaahi fakamolé (ʻIkai/ʻIo)	Naʻá ku lēkooti ʻa e ngaahi fakamole fakaakó; mo ako ki ha ngaahi founga fakapaʻanga kehekehe (ʻIkai/ʻIo)	Na’e teuteu’i ‘a e palani fakapa’angá (‘Ikai/‘Io)	Naʻá ku akoako fakahoko ʻa e tefitoʻi moʻoni mei he Fakavaʻé mo akoʻi ia ki he fāmilí (ʻIkai/ʻIo)	Na’á ku fakahū ha paʻanga ki he ʻakauní (ʻIkai/ʻIo)	Naʻá ku līpooti ki he hoa ngāué (ʻIkai/ʻIo)

Lau:ʻIkai ngata ai, manatuʻi ke muimuiʻi hoʻo ngaahi fakamole fakatāutahá ʻi he tafaʻaki ki mui ʻo hoʻo kiʻi tohi Ko Hoku Hala ki he Moʻui Fakafalala pē kiate kitá .

Fili ha taha ke tokoni ʻi he tefito mei he Ko Hoku Fakavaʻé ʻi he fakataha ka hokó. (ʻIkai ke ʻilo ʻa e founga ke tokoni ai ʻi ha tefito mei he Ko Hoku Fakavaʻé? Lau ʻa e peesi 17 mo e tafaʻaki ki loto ʻo e takafi muʻá.)

Kole ki ha taha ke lotu tuku.

Tali Lelei ha Fakamatala Tokoni

Kātaki ʻo ʻave hoʻo ngaahi fakakaukaú, fakamatala tokoní, ngaahi fokotuʻú mo e ngaahi aʻusiá ki he [e-mail].

Fakamatala ki he Tokotaha Tokoní:

Teuteuʻi ʻa e ngaahi fakahinohino ki he totongi nō PTFT ʻi homou fonuá, kimuʻa ʻi he fakataha ka hokó. ʻOmi ha ngaahi tatau ʻo e ngaahi fakahinohinó maʻá e mēmipa takitaha ʻo e kulupú, ʻi he fakataha ka hokó.