Ngaahi Maʻuʻanga Tokoní

Ko hono Totongi ʻeku Akó

Fili ʻa e meʻa ke faí pea fakatātaaʻi ʻa e meʻa ko ʻení.

MEKALA: Tamani. Naʻá ku ako ha meʻa lahi fekauʻaki mo ha ngaahi ʻapiako kehekehe he uiké ni.

KONISUELO: Naʻe totonu ke ke sio ai. Naʻe hangatonu atu pē ʻo talanoa mo e kakai kotoa ko iá. Naʻe ʻikai ke u lava au ʻo tulituli atu ki ai.

LŌPETI: ʻOku ʻi ai hao fili fakaʻosi?

MEKALA: ʻIkai, ka kuó u holoki ki ha fili pē ʻe ua.

KONISUELO: Pea kuó u ʻalu hifo au ki ha fili lelei pē ʻe tolu.

KUEIMI: Tō atu, ongo tama. ʻOku ou tui ʻoku ou kiʻi hē.

LŌPETI: Ko e hā hoʻo ʻuhingá?

KUEIMI: ʻOku ou kei puputuʻu ʻaupito. Mahalo pē ʻoku ou ilifia. Kuo teʻeki ha taha ia ʻi hoku fāmilí kuo hū ki ha ako mavahe hake mei he tuʻunga māʻulalo tahá. Naʻá ku talanoa ki ha ngaahi ʻapiako kehekehe ʻe nima pea naʻe fuʻu fakamafasia. Ko e ngaahi fie maʻú naʻe ngali fihituʻu pea ko e totongí—he ʻikai ke u teitei maʻu ʻe au e fuʻu paʻanga ko iá.

LŌPETI: ʻOku ʻikai ko e ongo ia naʻá ke maʻu ʻi he kamataʻanga hoʻo ngāue fakafaifekaú?

KUEIMI: Ko ia, ʻoku ou toki fakakaukau ki ai. Naʻáku ongoʻi pehē.

KONISUELO: Ka naʻá ke lavameʻa moʻoni.

KUEMI: Naʻe kiʻi fuoloa, ka, naʻá ku monūʻia. Pea naʻá ku tupulaki ai.

MEKALA: ʻOku ou kiʻi manavasiʻi mo au. ʻOku ngali he ʻikai lava ʻa e meʻa fakapaʻangá. Ka naʻá ku talanoa mo ha taʻahine ʻi hoku uōtí naʻá ne fai e meʻa kotoa pē naʻá ne lavá pea toki nō leva ke totongi ʻaki ʻa e toengá. Ko ha nō PTFT. Mahalo kapau te tau fetokoniʻaki ai pē, ʻe lavaʻi ʻa e ngaahi fakaikiikí.

LŌPETI: Pea ʻoku ʻi ai ha tamasiʻi ʻi hoku uōtí naʻá ne totongi ʻa e ʻuluaki taʻú pea maʻu ʻene sikolasipi ki he taʻu hono uá.

KONISUELO: ʻOku ou feinga mo hoku husepānití ke ʻiloʻi ha tafaʻaki te ma fakahaofi ai ha kiʻi sēniti, pea ʻoku ʻi ai ʻeku faʻētangata mahalo ʻe lava ke tokoni.

KUEMI: Hoi, ʻoku ʻikai haʻaku faʻētangata ʻi hoku fāmilí. Ka kuo tau fononga lōloa mai pea he ʻikai lava ke u siʻaki ʻeku fakaʻānauá. Mahalo ʻokú ke moʻoni koe, Mekala. Te u toe hoko atu ʻi ha ngaahi uike, kapau te mou kei fakalotolahiʻi ai pē au.

Foki ki he peesi 45