Maʻá e Kau Tokoní

ʻI he ʻaho ʻo e fakatahá:

Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 ke līpooti ki heʻenau ngaahi tukupaá.
Teuteu ʻa e ngaahi nāunau ʻo e fakatahá.
Maʻu ha ngaahi tatau ʻo e tohi tufa PTFT fakalotofonuá maʻá e mēmipa takitaha ʻo e kulupú mei homou senitā fakasiteiki ʻo e moʻui fakafalala pē kiate kitá. ʻOmi kinautolu ki he fakataha ʻo e ʻaho ní.
ʻOmi ʻa e ngaahi fakahinohino ki hono fai ʻo e ngaahi totongi nō PTFT ʻi homou fonuá (lava ke maʻu ʻi he senitā fakasiteiki ʻo e moʻui fakafalala pē kiate kitá pe ʻinitanetí ʻi he srs.lds.org/pef). ʻAi ha tatau maʻá e mēmipa takitaha ʻo e kulupú.

Fokotuʻu takatakai ʻa e ʻū seá ʻi ha tēpile koeʻuhí ke vāofi ʻa e tokotaha kotoa pē

Tā ʻa e saati tukupā ko ʻení ʻi he palakipoé.

Hingoa e mēmipa ʻo e kulupú	Naʻá ku ngāue mo e fāmilí ke lisi ʻa e paʻanga hū maí mo e ngaahi fakamolé (ʻIkai/ʻIo)	Naʻá ku lēkooti ʻa e ngaahi fakamole fakaakó; ako mo e ngaahi fili ʻi he meʻa fakapaʻangá (ʻIkai/ʻIo)	Naʻe teuteuʻi ʻa e fakamatala ki he palani fakapaʻangá (ʻIkai/ʻIo)	Naʻá ku akoako fakahoko ʻa e tefitoʻi moʻoni mei he Fakavaʻé pea akoʻi ia ki he fāmilí (ʻIkai/ʻIo)	Naʻá ku fakahū ha paʻanga ki he ʻakauní (ʻIkai/ʻIo)	Naʻá ku līpooti ki he hoa ngāué (ʻIkai/ʻIo)
Kolōlia	ʻIo	ʻIo	ʻIo	ʻIo	ʻIo	ʻIo

Talitali fiefia ʻa e kakaí ʻi heʻenau aʻu maí.
Kole ki he kau mēmipa ʻo e kulupú ʻi heʻenau aʻu maí ke nau fakakakato ʻa e saati tukupā ʻi he palakipoé.
Vahe ha tokotaha ke tauhi taimi.

Kole ki he kakaí ke tāmateʻi ʻenau telefoní mo e ngaahi meʻangāue kehé.
Fai ha fua lotu (mo e himi, kapau ʻe fie maʻu).
Kole leʻo siʻi kiate kinautolu ʻoku tōmui maí ke tāmateʻi ʻenau telefoní pea fakakakato ʻa e saati tukupaá, lolotonga ʻoku kei fealēleaʻaki ʻa e kulupú.
Seti ʻa e uasí ke miniti ʻe 20 ʻa e Ko Hoku Fakavaʻé.
Fakakakato ʻa e tefitoʻi moʻoni 4 ʻi he Ko Hoku Fakavaʻé. Hili ia pea foki mai ki he tohi ngāue ko ʻení ʻo hokohoko atu hoʻo laukongá ʻi he peesi hono hokó.