Lipooti

Naʻá ku tauhi ʻeku ngaahi tukupaá?

Taimí:Seti ʻa e uasí ke miniti ʻe 10 ʻa e peesi pē ko ʻení (ʻikai ko e konga kotoa ki he Lipōtí).

Akoako Fakahoko:Tau lipooti ʻetau ngaahi tukupaá. Kātaki ʻo tuʻu ki ʻolunga ʻa kinautolu naʻa nau tauhi kotoa ʻenau ngaahi tukupaá. (Pasipasi.)

Lau:Tuʻu kotoa he taimí ni ki ʻolunga. ʻOku totonu ke tau feinga ke tauhi kotoa ʻetau ngaahi tukupaá. Ko e taha ngaahi ʻeni ʻo e ngaahi tefitoʻi ʻulungaanga ʻo e moʻui fakafalala pē kiate kitá. Tau toe lau fakataha ʻetau kaveingá:

“Pea ko ʻeku taumuʻá ke tauhi ʻa ʻeku kau māʻoniʻoní, he ʻoku ʻaʻaku ʻa e ngaahi meʻa kotoa pē.”

Tokāteline mo e Ngaahi Fuakava 104:15

ʻOku tau ngāue fakataha ʻi he tui ki he ʻEikí ke tau hoko ʻo moʻui fakafalala pē kiate kitautolu.

Lau:Meʻa kotoa hifo ki lalo.

Aleaʻi:Ko e hā naʻá ke akó ʻi hoʻo tauhi hoʻo ngaahi tukupaá ʻi he uike ní? ʻOkú ke fie maʻu ha tokoni mei he kulupú?

Ko e hā naʻá ku ako ʻi heʻeku teuteuʻi ʻeku palani fakaakó?

Taimí:Seti ʻa e uasí ke miniti ʻe 40 ʻa e peesi ko ʻení pē.

Akoako Fakahoko:ʻOku totonu ke siʻi hifo he miniti ʻe tolú hono fakamatalaʻi ʻe he mēmipa takitaha ʻo e kulupú ʻene palani fakaakó ki he kulupú.

ʻEke pe ʻoku ʻi ai ha fakamatala tokoni, ʻi he ʻosi hoʻo fakamatalá. Hiki ʻa e fakamatala tokoni ʻokú ke maʻú. Fakaʻaongaʻi ʻa e konga ʻoku ʻatā ʻi laló ki ha fanga kiʻi fakamatala.

ʻAi ʻa e fakamatala tokoní ke nounou ke ʻi ai ha faingamālie ʻo e tokotaha kotoa ke līpooti fakatatau mo e taimi ʻoku maʻú.

Aleaʻi:Ko e hā ha ngaahi fakakaukau naʻá ke maʻu mei he ngaahi lipōtí ke tokoniʻi koe ʻi hoʻo ngaahi filí? Hiki hoʻo ngaahi fakakaukaú.