Ngaahi Pulusinga Kimuʻá
Maʻá e Kau Tokoní

Maʻá e Kau Tokoní

ʻI he ʻaho ʻo e fakatahá:

  • Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 ke līpooti ki heʻenau ngaahi tukupaá.

  • Teuteu ʻa e ngaahi nāunau ʻo e fakatahá. ʻIkai maʻu ha ngaahi tohi pe ngaahi vitiō? Te ke lava ʻo maʻu kinautolu mei he srs.lds.org.

  • Kapau naʻe ʻikai ke ke tufa ki he kau mēmipa kotoa ʻo e kulupú ha tatau ʻo e Lisi Ke Fili Mei Ai ʻa e Ngaahi Ngāue ki he Moʻui Fakafalala Pē Kiate Kitá ʻi he uike kuo ʻosí, mateuteu ke ke ʻoange haʻanau tohi ʻi he ʻahó ni. Maʻu ʻa e lisí mei homou senitā fakasiteiki ki he moʻui fakafalala pē kiate kitá, mei ha mataotao ʻi he moʻui fakafalala pē kiate kitá, pe ʻinitanetí ʻi he srs.lds.org/pef.

‘I he miniti ‘e 30 kimu’a ‘i he fakatahá:

  • Fokotuʻu takatakai ʻa e ʻū seá ʻi ha tēpile koeʻuhí ke vāofi ʻa e tokotaha kotoa pē

  • Tā ‘a e saati tukupā ko ‘ení ‘i he palakipoé mo e hingoa ‘o e kakai ‘i ho’o kulupú (vakai ki he sīpinga ‘i laló).

Hingoa ‘o e mēmipa ‘o e kulupú

Naʻá ku talanoa ki ha kakai ʻe toko nima pe lahi ange fekauʻaki mo ʻeku ngāué (Tohiʻi ʻa e #)

Naʻá ku teuteuʻi ʻeku fakamatala ki heʻeku palani ngāué (ʻIkai/ʻIo)

Naʻá ku akoako fakahoko ʻa e tefitoʻi moʻoni mei he Fakavaʻé pea mo akoʻi ia ki he fāmilí (ʻIkai/ʻIo)

Naʻá ku fakahū ha paʻanga ki he ʻakauní (ʻIkai/ʻIo)

Naʻá ku līpooti ki he hoa ngāué (ʻIkai/ʻIo)

Kolōlia

8

ʻIo

ʻlo

ʻIo

ʻIo

ʻI he miniti ʻe 10 kimuʻa ʻi he fakatahá:

  • Talitali fiefia ʻa e kakaí ʻi heʻenau aʻu maí.

  • Kole ange ki he kau mēmipa ʻo e kulupú ʻi heʻenau aʻu maí ke nau fakakakato ʻa e saati tukupā ʻi he palakipoé.

  • Vahe ha tokotaha ke ne tauhi ʻa e taimí.

ʻI he taimi kamatá:

  • Vahevahe ʻa e tatau ʻo e fakamatala fetuʻutaki ʻo e mēmipa e kulupú (mei he fakataha fakaʻosí).

  • Kole ki he kakaí ke tāmateʻi ʻenau telefoní mo e ngaahi meʻangāue kehé.

  • Fai ha fua lotu (mo e himi, kapau ʻe fie maʻu).

  • Kole leʻo siʻi kiate kinautolu ʻoku tōmui maí ke tāmateʻi ʻenau telefoní mo fakakakato ʻa e saati tukupaá, lolotonga ʻoku kei fealēleaʻaki ʻa e kulupú.

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato ʻa e tefitoʻi moʻoni 2 ʻi he Ko Hoku Fakavaʻé. Hili ia pea foki mai ki he tohi ngāue ko ʻení ʻo hokohoko atu hoʻo laukongā ʻi he peesi hono hokó.