Lipooti

Naʻá ku tauhi nai ʻeku ngaahi tukupaá?

Taimí:Seti ʻa e uasí ke miniti ʻe 20 ʻa e peesi pē ko ʻení (ʻikai ko e konga kotoa ki he Līpōtí).

Akoako Fakahoko:Tau lipooti ʻetau ngaahi tukupaá. Kātaki ʻo tuʻu hake ʻa kinautolu naʻa nau tauhi kotoa ʻenau ngaahi tukupaá. (Pasipasiʻi.)

Lau:Mou tuʻu kotoa ki ʻolunga he taimí ni. ʻOku totonu ke tau feinga ke tauhi kotoa ʻetau ngaahi tukupaá. Ko e taha ia ʻo e ngaahi tefitoʻi ʻulungaanga ʻo e kakai ʻoku moʻui fakafalala pē kiate kinautolú. Tau toe lau fakataha ʻetau kaveingá:

“Pea ko ʻeku taumuʻá ke tauhi ʻa ʻeku kau māʻoniʻoní, he ʻoku ʻaʻaku ʻa e ngaahi meʻa kotoa pē.”

Tokāteline mo e Ngaahi Fuakava 104:15

ʻOku tau ngāue fakataha ʻi heʻetau tui ki he ʻEikí, ke tau moʻui fakafalala pē kiate kitautolu.

Lau:Meʻa hifo ki lalo.

Aleaʻi:Ko e hā naʻá ke akó ʻi hoʻo tauhi hoʻo ngaahi tukupaá ʻi he uike ní? ʻOkú ke fie maʻu ha tokoni mei he kulupú?

Ko ʻeku fakalakalaká

Taimí:Seti ʻa e uasí ke miniti ʻe 15 ʻa e peesi pē ko ʻení.

Lau:Tau lipooti ʻetau fakalakalaka kuo lavá. ʻE tokoni ʻa e vitiō ko ʻení ke tau ʻiloʻi ʻa e founga hono fai ʻení.

Mamataʻi:“Reporting My Progress” (ʻIkai ha vitiō? Lau ʻa e peesi 92.)

Akoako Fakahoko:ʻE vahevahe ʻe he kau mēmipa ʻo e kulupú he taimí ni ʻenau fakalakalaka ʻi he ngaahi uike siʻi kuo maliu atú. Tomuʻa lau ʻa e ngaahi fakahinohino ko ʻení.

1. Fakaʻaongaʻi ha kiʻi miniti ke ke fakakaukau ai ʻiate koe pē ki hoʻo ngaahi tali ki he ngaahi fehuʻi mahuʻinga ʻi laló. ʻOku totonu ke maʻu ʻa e fakamatalá ʻi hoʻo tohi ngāue mei he ngaahi uike kimuʻá.

2. Ko ʻene maau pē ʻa e tokotaha kotoa, pea taufetongi ʻi hono fakamatalaʻi hoʻo ngaahi talí ki ho hoa ngāué. Fakapapauʻi ke ke kole ha fakamatala tokoni.

KO ʻEKU FAKALAKALAKA KE AKO KOEʻUHÍ KO HA NGĀUE LELEI ANGÉ

Ko e hā ʻoku ou fie maʻu ai ke u moʻui fakafalala lahi ange kiate aú? Ko e hā ʻa e paʻanga hū mai ʻoku fie maʻu ke u maʻu ka u moʻui fakafalala pē kiate au? Ko e hā ha faʻahinga ngāue ʻi he kahaʻú kuó u fili ke maʻu ai e paʻanga hū mai ko iá? Ko e hā ʻa e faʻahinga ako ngāue pe ako ʻoku ou fie maʻu ke u feʻunga ai mo ʻeku ngāue ʻi he kahaʻú? Ko e hā ʻa e akoʻanga mo e polokalama kuó u filí? Ko e hā hono ʻuhingá? ʻOku ou ʻilo nai ʻeku ngaahi fakamole fakaakó? ʻE founga fēfē haʻaku totongi ia? Ngāué? Fāmilí? Noó? ʻE fie maʻu ke u kole ha nō PTFT ke tokoni ʻi hono totongi ʻo e ngaahi fakamole ko iá? Kapau ko ia, kuó u maʻu nai ha tokotaha fakataukei mo fetuʻutaki ki heʻeku taki lakanga fakataulaʻeikí? Kapau ko ia, kuó u fakakakato nai ʻa e kole noó? Ko ʻeku hohaʻa pe fehuʻi lahi tahá ʻeni: ʻOku ʻi ai nai ha faʻahinga fakamatala tokoni pe faleʻi kiate au?