Haere ā e tae roa atu nā te ’e’a nō te fa’arava’ira’a iāna iho

Tai’o :

Pōpō ia ’oe ! I roto i nā hepetoma hō’ē ’ahuru i ma’iri a’e nei ’ua ha’amātau ’oe i te rave i te mau peu ’āpī ’e ’ua ’ite i teie nei nāhea i te fa’arava’i maita’i ia ’oe iho. Tē hina’aro nei te Fatu ’ia tāmau ā ’oe i te haere i mua maoti teie mau ’aravihi ’e ’ia roa’a mai te tahi atu ā mau ’ite ’āpī. ’A pure ai ’e ’a fa’aro’o ai tātou, e nehenehe te Vārua Maita’i e tauturu mai ia tātou ’ia ’ite i te mau mea i roto i tō tātou orara’a te ti’a ia tātou ’ia ha’amaita’i atu ā.

Fafau ia ’oe :

’A fa’aau i te rave i te mau ’ohipa i muri nei i roto i nā hepetoma hō’ē ’ahuru e haere mai nei. ’A tūpe’a i roto i te ’oehā ’ia oti ana’e i te ravehia e ’oe te ’ohipa tāta’itahi :

• ’A hi’o fa’ahou ’e ’a tāmau i te ora i nā parau tumu ’e mau peu nō te fa’arava’ira’a iāna iho hō’ē ’ahuru ’o Tō’u niu.

• ’A fa’a’ite ia vetahi ’ē i te mea tā ’oe i ha’api’i mai nō ni’a i te fa’arava’ira’a iāna iho. ’A tāmau noa i te tauturu i te mau melo o tā ’oe pupu, ’aore rā ’a tauturu nā roto i te rautira’a i te hō’ē pupu ’āpī nō te fa’arava’ira’a te ta’ata iāna iho.

• ’A tūru’i i ni’a i tō ’oe mau ’aravihi nō te fa’aō i roto i te hō’ē pupu ’ē atu nō te fa’arava’ira’a te ta’ata iāna iho.

• ’A tuatāpapa i ha’api’ira’a tumu i raro nei nō ni’a i te fa’arava’ira’a iāna iho

Te ha’api’ira’a tumu nō ni’a i te fa’arava’ira’a iāna iho

E fa’auera’a te fa’arava’ira’a iāna iho.	Te ’ōpuara’a a te Fatu o te hōro’ara’a ïa i te faufa’a nā tōna feiā mo’a, ’e e mana hope tōna nō te nā reira.	’Ua hō’ē te pae tino ’e te pae vārua
Te Ha’api’ira’a Tumu ’e te mau Fafaura’a 78:13–14 ; Mose 2:27–28	Te Ha’api’ira’a Tumu ’e te mau Fafaura’a 104:15 ; Ioane 10:10 ; Mataio 28:18 ; Kolosa 2:6–10	Te Ha’api’ira’a Tumu ’e te mau Fafaura’a 29:34 ; Alama 34:20–25

Tai’o :

« ’E i teienei, e tō’u mau taea’e here, e ui atu vau ia ’outou na, ’ia tae ’outou i taua ’ē’a piriha’o ra ’e te oaoa, ’o te hope’a ānei ïa ? Inaha, tē parau atu nei au ia ’outou na, ’Aita roa ; ’aita ā ’outou i tae i taua vāhi iti nei, maori rā nā roto i te parau a te Mesia ’e te fa’aro’o ’āueue ’ore iāna ra, i te ti’aturi-māite-ra’a i te mau maita’i rahi nōna, ’o tei pūai ’ia fa’aora… ’Ia haere māite ’outou i mua i te ti’a-māite-ra’a i te Mesia » (2 Nephi 31:19–20).

« Tē ha’apa’o nei te Fatu ia tātou nō te hōro’a ia tātou nei te arata’ira’a nō te tāvinira’a ’e te rāve’a e mito māite ai tātou ia tātou iho. ’Oia, e mea tāmau tāna mau parau tumu ’e ’aita roa atu e tauira’a » (Marvin J. Ashton, « Give with Wisdom That They May Receive with Dignity [Hōro’ahia ma te pa’ari ’ia nehenehe te reira ’ia fāri’ihia mā te tura] », Ensign, Novema 1981, 91).