Feruri—’Eiaha ’ia hau i te : 5 minuti

E feruri te ta’ata hō’ē i te mea tā ’outou i ha’api’i mai i teie mahana, ’e ’a feruri e aha tā te Atua e hina’aro ’ia ’outou ’ia rave. ’A tai’o i te fa’ahitira’a parau ’e ’a pāpa’i i tā ’oe mau pāhonora’a i te mau uira’a i raro nei.

« Noa atu ē, e tae mai te mana’o ē, e au tātou ‘mai te ’āu’a pararī,’ … e ti’a ia tātou ’ia ha’amana’o ē, tei roto te reira ’āu’a i te rima o te pōtera hanahana. E roa’a ’ia fa’aora i te ferurira’a i pararī mai te mau ivi i pararī ’e te mau ’ā’au i pararī e fa’aorahia ra. ’A ha’a noa ai te Atua i ni’a i taua mau tātā’ira’a ra, e nehenehe te toe’a o tātou e tauturu nā roto i te fa’a’itera’a i te aroha, te ha’avā-’ore-ra’a ’e te hamani maita’i » (Jeffrey R. Holland, « Mai te ’āu’a pararī », Liahona, Novema 2013, 42).

E aha te mau mea faufa’a roa a’e tā’u i ha’api’i mai i teie mahana ?

E aha te hō’ē mea tā’u e rave i muri a’e i te mau mea tā’u i ha’api’i mai i teie mahana ? (E nehenehe te reira e riro tā ’oe parau fafau nō teie hepetoma. Mai te mea ’aita e roa’a ra ia ’oe ’ia feruri i te hō’ē parau fafau, tē vai ra i raro nei te tahi mau mana’o ri’i faufa’a roa).

Mana’o nō te mau parau fafau :

• ’A tāmata i te hō’ē o te mau mana’o nō te pāturura’a a te ta’ata hō’ē i teie hepetoma (i roto i te ’ohipa 4 i roto i te tuha’a « Ha’api’i »).

• ’A ha’api’ipi’i i te mau pereota faufa’a tā ’outou e nehenehe e fa’a’ohipa ’ia pāturu ana’e ’outou i te hō’ē ta’ata (nō roto mai i te ’ohipa 6 i roto i te tuha’a « Ha’api’i »).