Feruri—’Eiaha ’ia hau i te 5 minuti

E feruri te ta’ata hō’ē i te mea tāna i ’apo mai i teie mahana, ma te feruri ē, e aha tā te Atua e hina’aro ia ’oe ’ia rave. ’A tai’o i te mau fa’ahitira’a parau ’e ’a pāpa’i i tā ’oe mau pāhonora’a i te mau uira’a i raro nei.

Tē fa’a’ite pāpū nei au nō taua mahana ra nō tei herehia ’e tātou ’e ’o tā tātou i ’ite e huma tō rātou i te tāhuti nei, e ti’a mai ïa i mua ia tātou ma te hanahana ’e te fa’ahiahia, ma te nehenehe fāito ’ore o te tino ’e o te vārua. ’Auē ïa taime ’oa’oa rahi mau ! ’Aita vau i ’ite ē, e rahi a’e ānei tō tātou ’oa’oa nō tātou iho i te ’itera’a i taua semeio ra, ’e ’aore rā, te ’oa’oara’a nō rātou i to rātou fāri’ira’a i te huru maita’i roa a’e ’e te hope’ara’a ’o te ’ti’amāra’a ïa’. ’A tīa’i atu ai i taua mahana ra e ’ite-pāpū-hia ai e tātou te hōro’a hope o te Mesia, ’ia ora na tātou ma te fa’aro’o, ’ia mau māite i te ti’aturira’a ’e « ’ei ’ā’au… i te aroha-ato’a-ra’a » tātou [1 Petero 3:8] » (Jeffrey R. Holland, « Mai te ’āu’a i parari ra », Liahona, Novema 2013, 42).

E aha te mau mea rahi roa a’e tā’u i tāpe’a mai i teie mahana ?

E aha te hō’ē mea tā’u e rave ’ei hope’ara’a nō te mea tā’u i ’apo mai i teie mahana ? (E nehenehe te reira e riro tā ’oe parau fafau nō teie hepetoma. Mai te mea e’ita ’oe e nehenehe e feruri i te hō’ē mea e fafau ia ’oe, ’ua tāpurahia te tahi mau mana’o i raro nei.)

Mana’o nō te mau parau fafau :

• Hōro’a i te pūai i te hō’ē ta’ata tā ’oe i ’ite ē tē hina’aro nei ’oia i te pāturura’a.

• Ha’api’ipi’i i te fa’a’ohipa i te mau pāhonora’a tauturu rahi i te tauturura’a ia vetahi ’ē (hi’o i te nūmera 3 o te tuha’a « Ha’api’i »).