Feruri—’Eiaha ’ia hau i te : 5 minuti

E feruri te ta’ata hō’ē i te mea tā ’outou i ha’api’i mai i teie mahana, ’e e ara i te mea tā te Atua e hina’aro ia ’outou ’ia rave. ’A tai’o i te ’īrava ’e ’a pāpa’i i tā ’outou pāhonora’a i te mau uira’a i raro nei.

« ’E te feiā mo’a ato’a ’o tē ha’amana’o i te ha’apa’o ’e i te rave i te mau mea i parauhia nei, ma te tāmau noa i te ha’apa’o maita’i i te mau fa’auera’a, e fāri’i rātou i te ora maita’i i roto i tō rātou pito ’e te puo i tō rātou mau ivi ; ’E e ’itea ho’i ia rātou te pa’ari ’e te mau tao’a rahi nō te ’ite, ’oia te mau tao’a rahi i hunahia ra ; ’E e horo ho’i ’e e ’ore roa e paruparu, ’e e haere ’e e ’ore roa e rohirohi. ’E tē hōro’a atu nei au, ’o te Fatu, i te fafaura’a ia rātou ra, e fāriu ’ē atu te melahi o te pohe ia rātou ra, mai tei te mau tamari’i o ’Īserā’ela ra, ’e e ’ore roa ho’i e taparahi ia rātou ra. ’Āmene » (Te Ha’api’ira’a Tumu ’e te mau Fafaura’a 89:18-21).

E aha te mau mea faufa’a rahi tā’u i ha’api’i mai i teie mahana ?

E aha te hō’ē mea tā’u e rave ’ei hope’ara’a nō te mea tā’u i ha’api’i mai i teie mahana ? (E nehenehe te reira e riro tā ’oe parau fafau nō teie hepetoma. Mai te mea ’aita e roa’a ra ia ’oe ’ia feruri i te hō’ē parau fafau, tē vai ra i raro nei te tahi mau mana’o ri’i faufa’a roa).

Mana’o nō te mau parau fafau :

• ’A pe’e i te hō’ē fa’anahora’a fa’a’eta’etara’a tino.

• Ha’amāha maita’i te rohirohi ’e te ta’oto.

• ’A rave i te peu ihomā maita’i nō tō ’outou tino.

• ’A paraparau i te hō’ē hoa ’aore rā i te hō’ē melo o te ’utuāfare nō ni’a i tā’u mau peu nō te ’amu i te mā’a.