Tō’u niu : Tātara i te mau fifi—’Eiaha ’ia hau i te roa : 20 minuti

Fa’a’ite

’A fa’a’ite poto noa i tō te pupu i te hō’ē ’ohipa fifi tei mara’a ia ’outou i fa’aoti i te hepetoma i ma’iri a’enei.

Feruri :

Nō te aha tō tātou Metua i te ao ra e fa’ati’a ai ia tātou ’ia fa’aruru i te mau fifi ’e te mau tāmatara’a ?

Māta’ita’i :

« A bigger truck ? [Hō’ē pereo’o uta taiha’a rahi a’e ?] » e vai ra i te https://churchofjesuschrist.org/study/video/self-reliance-videos. (’Aita e video ? Tai’o i te pāpie nō te « Hō’ē pereo’o uta taiha’a rahi a’e ? »)

Hō’ē pereo’o uta taiha’a rahi a’e ?

Mai te mea ’aita e ti’a ia ’outou ’ia mata’ita’i i te video, ’a tai’o i te pāpie.

Peresideni Dallin H. Oaks :

’Ua ha’amau e piti nā ta’ata i te hō’ē ’ohipa ’imira’a moni. ’Ua hāmani rāua i te hō’ē fare maeha’a iti i te tahi a’e pae i te hō’ē purūmu horo-roa-hia e te pere’o’o. ’Ua ho’o mai rāua hō’ē pere’o’o ’ūta’a ē horo atu ra i te fa’a’apu a te hō’ē ta’ata i reira rāua i te tu’ura’a i te ’ūta’a pohā i roto i te pere’o’o, hō’ē tārā marite i te pohā hō’ē. Fa’ahoro atura i te pere’o’o ’ūta’a i tā rāua fare maeha’a i te pae purūmu, i reira rāua i te ho’ora’a i tā rāua pohā hō’ē tara marite i te pohā hō’ē.

’Ua ho’i fa’ahou rāua i te fa’a’apu ’e ’ua ho’o mai i te tahi atu ā ’ūta’a pohā hō’ē tara marite i te pohā hō’ē. ’Ua uta i te reira i te pae purūmu, ho’o fa’ahou atura hō’ē tara marite i te pohā hō’ē. ’A tere fa’ahou ai rāua i te fa’a’apu nō te ho’o fa’ahou mai i te tahi ā ’ūta’a pohā, nā ’ō atura te hō’ē i te tahi : « ’Aita re’a tā tāua ’āpī i roto i teie ’ohipa, e ’ere ānei ? » Pāhono maira tōna hoa : « ’Ē, ’āita ihoa. « ’E aha tō ’oe mana’o mai te mea e pere’o’o ’ūta’a rahi a’e tō tāua ? »

(« Focus and Priorities », Ensign, Mē 2001, 82)

Tāu’aparau :

E aha te fifi mau i roto i teie ’ā’amu ? E aha te tahi mau rāve’a nō teie nā ta’ata e piti ?

Tai’o :

I teie mau ’īrava pāpa’ira’a mo’a ’e te fa’ahitira’a parau a Elder Hales i muri nei :

« Inaha, ’aita ’oe i māramarama ; ’ua mana’o noa ’oe ē, e hōro’a noa vau i te reira ia ’oe, ma tō ’oe feruri ’ore, maori rā ’ia ani noa mai iā’u nei.

« ’Āre’a rā, inaha, tē parau atu nei au ia ’oe na, ’ia ’imi māite ’oe i te reira i roto i tō ’oe ferurira’a ’e i roto i tō ’oe ’ā’au e ti’a ai ; ’e i reira ’oe e ani mai ai iā’u nei ē ’ua ti’a ānei, ’e mai te mea ’ua ti’a ra, e fa’atupu ïa vau i te ahu i roto i tō ’oe ’ōuma ; ’ei reira ’oe e ’ite ai ’e ’ua ti’a iho ā.

« Mai te mea rā e ’ere i te mea ti’a, e ’ore roa ïa e noa’a ia ’oe te reira huru ahu i roto ia ’oe na, e ha’apōirihia rā tō ’oe mana’o, ’e nā te reira e ha’amo’e i te mea hape i roto i tō ’oe mana’o » (Te Ha’api’ira’a Tumu ’e te mau Fafaura’a 9:7–9).

« Tē tīa’i nei te Fatu ’ia tauturu tātou i te tātarara’a i tō tātou iho mau fifi… Tē mana’o nei tātou ē, tē ha’aferuri nei tātou i te mau ta’ata. Tē vai ra tō tātou ’aravihi nō te fa’ata’a i tō tātou mau hina’aro, nō te fa’anaho, nō te ha’amau i te mau fā, ’e nō te tātara i tō tātou mau fifi » (Robert D. Hales, « Every Good Gift (Te mau hōro’a maita’i ato’a) », New Era, ’Ātete 1983, 8, 9).

’Ohipa e rave

Ta’ahira’a 1 : ’A mā’iti i te hō’ē ’āpiti, ’e ’a tai’o i te mau ta’ahira’a i raro nei.

Ta’ahira’a 2 : ’A mā’iti i te hō’ē fifi tā ’oe e fārerei nei ’e ’a pāpa’i i te reira i raro nei.

Ta’ahira’a 3 : ’A fa’a’ohipa i te ta’ahira’a tāta’itahi i roto i tō ’oe fifi.

Tai’o :

I te mau ’īrava pāpa’ira’a mo’a i muri nei :

« ’E i teienei, mai te mea e mana rahi tō te Fatu mai te reira te huru, ’e ’ua rave ho’i ’oia i te mau semeio e rave rahi i rotopū i te tamari’i a te ta’ata nei, e aha ïa te mea ’aita e ti’a iāna ’ia ha’api’i mai iā’u, ’ia ti’a iā’u ’ia hāmani i te pahī ? » (1 Nephi 17:51).

« I teienei, ’aita vau, ’o Nephi, i tarai i te mau rā’au i tā te ta’ata nei huru ravera’a, ’e ’aita ho’i au i hāmani i te pahī mai tā te ta’ata nei huru hāmanira’a ; ’ua hāmani rā vau i te reira mai tā te Fatu i fa’a’ite mai iā’u ; nō reira, ’aita te reira i au i tā te ta’ata nei huru ravera’a.

’E ’ua haere pinepine atu vau, ’o Nephi, i ni’a i te mou’a, ’e ’ua pure pinepine au i te Fatu ; nō reira, ’ua fa’a’ite mai te Fatu iā’u i te mau mea rahi » (1 Nephi 18:2–3).

Tāu’aparau :

Nāhea i ti’a ai ia Nephi ’ia hāmani i te hō’ē pahī ?

Fafau ia ’oe :

E ha’a vau i ni’a i te mau ta’ahira’a tā tātou i ’āparau i roto i te ’ohipara’a nō te fa’atītī’aifaaro i tō’u mau fifi. (Ha’amana’o, ’eiaha e taora i te tauera. Tītauhia te taime nō te tātara i te mau fifi ’e nō te taui.)