Feruri—’Eiaha ’ia hau i te : 5 minuti

E feruri te ta’ata tāta’itahi i te mea tā ’outou i ha’api’i mai i teie mahana, ’e ’a feruri e aha tā te Atua e hina’aro ’ia rave ’outou. ’A tai’o i te fa’ahitira’a parau ’e ’a pāpa’i i tā ’outou pāhonora’a i te mau uira’a i raro nei.

« E ’ere i te mea ino roa mai tā ’outou e mana’o ra i te tahi taime. E tupu iho ā te reira. ’Eiaha e ha’ape’ape’a. E parau vau i te reira iā’u iho i te mau po’ipo’i ato’a. E tupu iho ā te reira. Mai te mea e rave maita’i roa ’outou, e tupu iho ā te reira. ’A ti’aturi i te Atua, ’e ’a haere i mua ma te fa’aro’o ’e te ti’aturi i te tau a muri a’e. E ’ore roa te Fatu e fa’aru’e ia tātou. E’ita ’oia e fa’aru’e ia tātou » (Gordon B. Hinckley, « Excerpts from Addresses of President Gordon B. Hinckley », Ensign, ’Ātopa 2000, 73).

E aha te mau mea faufa’a rahi tā’u i ha’api’i mai i teie mahana ?

E aha te mea tā’u e rave ’ei hope’ara’a nō te mea tā’u i ha’api’i mai i teie mahana ? (E nehenehe te reira e riro tā ’oe parau fafau nō teie hepetoma. Mai te mea ’aita e roa’a ra ia ’oe ’ia feruri i te hō’ē parau fafau, tē vai ra i raro nei te tahi mau mana’o ri’i faufa’a roa).

Mana’o nō te mau parau fafau :

• ’A fa’a’ohipa i Tā’u fa’anahora’a nō te fa’aiti i te urupu’upu’u ’e te ahoaho (i roto i te ’ohipa 4 i roto i te tuha’a « Ha’api’i »).

• ’A tāmata i te hō’ē o te mau ’ohipa tāmarūra’a i te tino i roto i te tuha’a te mau « Rāve’a tauturu » o te pene 4.

• E fa’a’ohipa i te mana’o ha’avā hope ’aore rā e ora i teie mahana.