Parau poro’i nā te Peresidenira’a Mātāmua

Te mau taea’e ’e te mau tuahine here ē :

’Ua parau te Fatu : « ’O tā’u ’ōpuara’a ïa ’ia hōro’a i te faufa’a nā tō’u feiā mo’a » (Te Ha’api’ira’a Tumu ’e te mau Fafaura’a 104:15). « Teie heheura’a, e parau fafau ïa nō ’ō mai i te Fatu ra ē, e hōro’a mai ’oia i te mau ha’amaita’ira’a, ’e e ’īriti mai ho’i ’oia i te ’ūputa nō te fa’arava’ira’a iāna iho, ’oia ho’i, te ti’ara’a nō tātou ’ia ’imi i te mau mea e tītauhia nō te orara’a, nō tātou iho ’e nō te mau melo o tō tātou ’utuāfare.

’Ua fa’aineinehia teie buka ’ohipa nō te tauturu i te mau melo o te ’Ēkālesia ’ia ’apo mai ’e ’ia fa’a’ohipa i te mau parau tumu nō te fa’aro’o, te ha’api’ira’a, te ’ohipa-itoito-ra’a ’e te ti’aturira’a i ni’a i te Fatu. Nā te fāri’ira’a ’e te orara’a i teie mau parau tumu e tauturu maita’i atu ia ’oe ’ia fāri’i i te pūai tei parau-fafau-hia mai e te Fatu.

Tē ani nei mātou ia ’oe ’ia fa’aitoito i te tuatāpapa i teie mau parau tumu ’e ’ia ha’api’i i te reira i te mau melo o te ’oe ’utuāfare. ’A rave ai ’oe i te reira, e ha’amaita’ihia tō ’oe orara’a. E ha’api’i ’oe nāhea i te ’ohipa i ni’a i tō ’oe ’ē’a ē tae atu ai i te fa’arava’ira’a ia ’oe iho. E ha’amaita’ihia ’oe i te ti’aturira’a rahi , te hau ’e te haerera’a i mua.

’Ia ’ite pāpū ’oe ē, e tamari’i ’oe nā te Metua i te Ra’i. ’Ua here ’oia ia ’oe ’e e’ita roa atu ’oia e fa’aru’e ia ’oe. ’Ua ’ite ’oia ia ’oe ’e ’ua ineine ho’i ’oia nō te fa’atae atu ia ’oe i te mau ha’amaita’ira’a pae vārua ’e i te pae tino nō te fa’arava’ira’a iāna iho.

Ma te aroha mau,

Te Peresidenira’a Mātāmua