Суралц—Дээд талын хугацаа: 45 минут

Унш.Амжилттай ажил хайлт нь дараах энгийн загвартай.

Итгэлээр үйлдэх + Шаргуу хөдөлмөрлөх + Ухаалаг хөдөлмөрлөх = Амжилт

Таныг ухаалаг хөдөлмөрлөхөд ярилцлагын ур чадварууд тусалдаг. Ярилцлага нь тун чухал тул бид дараагийн гурван бүлэгт ярилцлагын ур чадваруудыг сурч, дадлага хийх болно.

Жош ажил хайсан нь

Унш.Өөр сайхан мэдээ байна. ABC Marketing компанийн Жюли Жошийн ажлын намтар, өргөдлийг хүлээн аваад, түүнтэй утсаар ярьж, хэрэглэгчдэд үйлчлэх газрын техникчийн ажлын ярилцлагыг хоёр өдрийн дараа хийхээр төлөвлөв. Жош ажлын ярилцлагын үеэр байнга сандардаг бөгөөд Жюли өөрөөс нь юу асуух бол гэж санаа зовж байв. Тэр одоогоор ороод байгаа хоёр ярилцлагадаа тийм ч сайн байгаагүй гэдгээ мэдэж байгаа ч юуг сайжруулж болох талаар баттай мэдэхгүй байлаа. Жош бэлтгэлтэй байхыг хүсэж байв.

Ярилц.Та юугаараа Жоштой адилхан байна вэ?

Үз.“Interview ” [Ярилцлага] видео бичлэг srs.lds.org/videos дээр байгаа. (Видео бичлэг байхгүй бол 109-р хуудсыг унш.)

Унш.Ярилцлага нь ажилтай болохын өмнөх хамгийн сүүлчийн алхмуудын нэг бөгөөд ярилцлагын зорилго нь ажлын санал хүлээн авах явдал юм. Их Эзэн “хэрэв та нар бэлтгэгдэх аваас, та нар эмээх нь үгүй” хэмээн амласан (С ба Г 38:30). Та сайн бэлтгэвэл, айдсыг өөртөө итгэх итгэлээр сольж чадна.

Энэ бүлэгт та ярилцлагын дараах ур чадваруудыг хөгжүүлснээр ухаалаг хөдөлмөрлөх талаар сурч мэдэх болно.

1. Ярилцлагын өмнө бэлтгэх

2. Ярилцлагыг үр дүнтэйгээр эхлүүлэх

3. Өөрийнхөө тухай 30 секундэд танилцуулгаа ашиглах

4. Давуу талуудын тухай тодорхойлолтоо ашиглах

1. Ярилцлагын өмнө бэлтгэ

Унш.Ярилцлага дээр танд ямар асуулт тавихыг мэдэж байвал сайхан биш гэж үү?

Та мэдэж чадна.

Ярилцлага авч буй ихэнх хүн ярилцлагын түгээмэл асуултыг болон тухайн ажилд хамааралтай асуултуудыг хослуулан асуудаг. Та ажил олгогчийн хэрэгцээг хэрхэн олж тогтоохыг аль хэдийн мэддэг болсон тул тухайн ажил олгогчийн танаас асууж магадгүй зүйлийг мэдэхийн тулд тэрхүү ур чадвараа ашиглаж болно. Жишээ нь, Жошоос харилцагчийн үйлчилгээ, эвдрэл гэмтэл илрүүлэх, техникийн зүйлийг энгийн үг хэллэгээр илэрхийлэх зэргийн талаар асууна гэдэгт тэр итгэлтэй байлаа.

Үйл ажиллагаа _{(3 минут)}

Авчирсан ажлын байрны тодорхойлолтоо хар эсвэл хүсэж байгаа ажлаа бод. Ярилцлага авч буй хүний өөрөөс тань асууж магадгүй гэж бодсон хоёр асуултаа бичээд, бүлгийнхэнтэйгээ хуваалц.

1.

2.

2. Ярилцлагыг үр дүнтэй эхлүүл

Унш.Та ярилцлагыг эхлүүлэхдээ анхны сэтгэгдлийг гүн төрүүлэхийн тулд энгийн хэдэн зүйлийг хийж болно. Бүлгээрээ доор байгаа хийж болох, болохгүй зүйлсийн жагсаалтыг ээлжлэн унш.

Хийж болох зүйлс	Хийж болохгүй зүйлс
Компанийн хувцаслалтын жишгээс нэг түвшин дээгүүр хувцаслах	Хэт энгийн хувцаслах
5–10 минутын өмнө ирэх	Хоцрох эсвэл 10 минутаас дээш хугацааны өмнө ирэх
Биеийн эерэг хэлэмж ашиглах	Биеийн сөрөг хэлэмж ашиглах

Үйл ажиллагаа _{(3 минут)}

Доорх зургуудыг харьцуул. Энэ хоёр зурагт зүүн талд байгаа хүн нь ярилцлагад орж байгаа юм. Зураг бүрд байгаа ажил хайж буй хүн ямар сэтгэгдэл төрүүлж байгааг бүлгээрээ ярилц.

3. “Өөрийнхөө тухай 30 секундэд” танилцуулгаа ашигла

Унш.Ярилцлага дээр танаас олонтоо асуух эхний асуултын нэг нь “Өөрийнхөө тухай ярина уу” гэсэн асуулт байх болно. Ярилцлагад тохируулан өөрчилсөн Өөрийнхөө тухай 30 секундэд танилцуулга энэ асуултад өгөх сайхан хариулт юм. Ярилцлагад тохируулан өөрчилсөн Өөрийнхөө тухай 30 секундэд танилцуулга нь бага зэрэг ялгаатай. Жишээ нь, та нэрээ байнга хэрэглэх шаардлагагүй. Танилын сүлжээгээр дамжуулан лавлах хүн асуухын оронд энэ танилцуулгаа төгсгөхдөө тухайн компани юм уу ажлыг сонирхож байгаагаа харуулж болно.

Үйл ажиллагаа _{(4 минут)}

Ярилцлагын нээлтийн асуултад хүмүүсийн хариулж байгаа хоёр жишээг уншицгаая. Дүрээ сонгоод, дараах хэсгийг жүжигчлэн үзүүл.

Муу жишээ

Ярилцлага авч буй хүн: “Юуны түрүүнд та өөрийнхөө тухай надад бага зэрэг ярьж өгнө үү.”

Ажил хайж буй хүн: “За, би Канзаст өнөр гэр бүлд өссөн. Би гэрлэсэн, гурван хүүхэдтэй, нэг нохойтой. Бид аялах дуртай, аль болох их цагийг нууранд өнгөрүүлдэг. Саяхан өнгөрсөн жил бид шинэ завь худалдан авсан. Ажил хайж байгаагийн маань нэг учир нь энэ завь их үнэтэй байсан явдал. Би хүмүүстэй ажиллах асар их туршлагатай. Би 20 жилийн өмнө 19 настайдаа банкинд теллерээр орсноор ажлын гараагаа эхэлсэн. Тиймээс, би мөнгө санхүүгийн талаар ихийг мэднэ. Жишээ нь, банк таны мөнгийг хадгалдаггүй, таны мөнгийг аваад, хүүг нь авахаар бусдад дахин зээлдүүлдэг гэдгийг сурч мэдсэн. Юутай ч би теллерээр хэдэн жил ажиллаад, дараа нь их сургуульд сурсан. Би тийм ч сайн сурдаггүй байсан. Би сурах үнэхээр дургүй. Би найзынхаа маркетингийн бизнест ажилд орж, голдуу утасны дуудлагад хариулах, шуудан, уулзалт зэрэг удирдлагын туслахын ажил хийдэг байсан. Гэхдээ найзуудтайгаа ажиллах нь заримдаа тийм ч амжилттай байдаггүй тул би уг ажлаасаа гарч, илүү сайн ажил хайсан. За байз … би өөр хэдэн газар ажилласан билээ дээ, гэхдээ тэр газруудын нэрийг нь санахгүй байна. Өө, миний хийсэн хамгийн сайхан ажил бол би гэрээсээ хийдэг байсан харилцагчийн үйлчилгээний ажил юм. Би унтлагын хувцастайгаа ажиллаж, утсандаа хариулж, зүгээр л компьютер дээрээ ажилладаг байсан тул үнэхээр сайхан байсан. Ямар ч байсан, би ажиллах дуртай бас хүмүүстэй харьцах дуртай. Би танайд сайн ажиллах болно.”

Сайн жишээ

Ярилцлага авч буй хүн: “Юуны түрүүнд, та өөрийнхөө тухай надад бага зэрэг ярьж өгнө үү.”

Ажил хайж буй хүн: “За, би ажил мэргэжлийнхээ 20 жилийн ихэнхийг банк санхүүгийн салбарт зориулсан. Орон нутгийн банкинд теллерээс эхлүүлээд менежментийн ажил хийтлээ өсөж дэвшсэн. Би ахнаасаа л боловсролын үнэ цэнийг ойлгож, санхүүгийн зэрэг авсан. Би хүмүүсийг удирдах, зардал зохицуулах, борлуулалтын зорилгод хүрэх ажлыг удирдахдаа гарамгай. Тухайлбал би өмнө хийж байсан ажил дээрээ, асуудалтай борлуулалтын салбарыг хариуцаж аваад, 6 сарын дотор манай баг борлуулалтын зорилгоо давуулан биелүүлж байсан. Би энэ ажлыг сонирхож байгаагийн учир нь энэ нь тэр боломжтой төстэй байж магадгүй санагдсан.

Ярилц.Яагаад хоёр дахь жишээ хамгийн сайн нь вэ?

Үйл ажиллагаа _{(4 минут)}

Авчирсан ажлын байрны тодорхойлолтоо хар эсвэл хүсэж байгаа ажлынхаа тухай бод. Тэр ажилд орохын тулд хоёр өдрийн дараа ярилцлагад орно гэж төсөөл. Доорх зайд Өөрийнхөө тухай 30 секундэд танилцуулгаа “Өөрийнхөө тухай ярина уу” гэсэн хүсэлтийн хариу болгон бич. Дараа нь хос хосоороо хуваагдаж, танилцуулгаа үйлдэх хамтрагчтайгаа хуваалц.

4. Давуу талуудын тухай тодорхойлолтоо ашигла

Унш.Ярилцлагын ихэнх асуултад хариулахдаа давуу талуудын тухай тодорхойлолтоо ашиглах ёстой. Тэдгээр нь мартагдашгүй, хүчирхэг нөлөөтэй байдаг бөгөөд таныг бусдаас ялгарч, хамгийн сайн сонголт гэдгээ харуулахад тусална.

Давуу талуудын тухай тодорхойлолтын загварыг дагахаа санаарай.

Үйл ажиллагаа _{(4 минут)}

4-р бүлэгт байгаа дараах ярилцлагын жишээнүүдийг дахин уншицгаая. Дүрээ сонгоод, дараах хэсгийг жүжигчлэн үзүүл.

Ердийн жишээ

Ярилцлага авч буй хүн: “Харилцагчдад хамгийн сайн үйлчилгээ үзүүлсэн нэг тохиолдлоо надад ярина уу.”

Ажил хайж буй 2-р хүн: “Харилцагчдад үйлчилгээ үзүүлэх нь миний хувьд их чухал. Харилцагчид бол тасралтгүй амжилтын маань түлхүүр. Хэрэв та харилцагчдадаа зөв хандаж чадвал тэд таны бизнесийг цааш оршин тогтноход тусалдаг болохыг би байнга хардаг. Би харилцагчдын үйлчилгээний арвин туршлагатай бөгөөд үйлчилгээ үзүүлэхдээ ч сайн. Харилцагчид өөрсдийг нь сонсдог байхыг мөн хүмүүс өөрсдийг нь сонсож байгааг мэдэхийг хүсдэг. Бид энэ үйлчилгээг анхны оролдлогоор зөв хийх, хэрэв алдаа гаргавал аль болох хурдан засаж залруулахын тулд чадах бүхнээ хийх нь чухал. Үргэлж харилцагчдын зөв байдаг гэдэгт би итгэдэг.”

Сайн жишээ

Ярилцлага авч буй хүн: “Харилцагчдад хамгийн сайн үйлчилгээ үзүүлсэн нэг тохиолдлоо надад ярина уу.”

Ажил хайж буй 3-р хүн: “Би харилцагчдын үйлчилгээний ур чадвар сайтай. Тухайлбал, намайг YZ Sales компанид ажиллаж байхад нэгэн удаа манай байнгын үйлчлүүлэгч захиалсан зүйлээ аваагүй юм. Тэгээд тэр надтай утсаар ярихдаа уурлаж, бидэнтэй бүх бизнесийн харилцаагаа цуцална гэж сүрдүүлсэн. Би түүний нөхцөл байдлыг цаг гарган сонсож, ойлгон, түүнд тохирох шийдэл санал болгосны үр дүнд бид тухайн харилцагчийг хадгалж авч үлдсэн төдийгүй, тэрээр захиалгаа 200 хувиар нэмсэн. Би харилцагчдын үйлчилгээний эдгээр ур чадвараа танайд ч бас ашиглаж чадна гэдэгтээ итгэлтэй байна.

Ярилц.Давуу талуудын тухай тодорхойлолтоо ашигласан нь хоёр дахь жишээг хэрхэн илүү үр дүнтэй болгосон бэ?

Үйл ажиллагаа _{(6 минут)}

Та ярилцлагынхаа ид дунд байна гэж төсөөл. Ярилцлага авч буй хүн танд бусад нийтлэг асуултыг тавьж магадгүй. Доорх асуулт бүрд зориулан давуу талуудын тухай тодорхойлолтыг бич.

Таны нэг давуу тал юу вэ?

Таны ажил мэргэжилдээ гаргасан хамгийн том амжилт юу вэ?

Бид яагаад таныг ажилд авах ёстой вэ?

Үйл ажиллагаа _{(6 минут)}

Бүх зааварчилгааг бүлгээрээ уншсаныхаа дараа үйл ажиллагаагаа эхэл.

1-р алхам: Бүх хүн босоод, түргэвчилсэн дадлага хийж болох зайтай газарт оч. Хүн бүр өөр нэг хүний өөдөөс харсан байх ёстой.

2-р алхам: Эхний хүн 105-р хуудсан дээр байгаа гурван асуултын нэгийг асууна.

3-р алхам: Хоёрдугаар хүн давуу талуудын тухай тодорхойлолтоо ашиглан уг асуултад хариулна.

4-р алхам: Санал зөвлөгөө өгнө. Тухайлбал:

• Тухайн хүн жишээгээ үр дүнтэй нь хамт хуваалцсан уу?

• Танд гүн сэтгэгдэл төрсөн үү?

5-р алхам: Дүрээ сольж, дахин давт.

6-р алхам: Хамтрагчаа солилцоод, үйл ажиллагааг дахин давт.

Дүгнэлт

Ярилц.Энэ бүлгээс таны мэдэж авсан хамгийн чухал зүйл юу байсан бэ?

Унш.Ухаалаг хөдөлмөрлөхөд тань туслах ярилцлагын зарим ур чадварт та суралцаж эхэллээ.

Итгэлээр үйлдэх + Шаргуу хөдөлмөрлөх + Ухаалаг хөдөлмөрлөх = Амжилт

Та бэлтгэлтэй бол айх шаардлагагүй. Тусламж авахын төлөө залбирч, дараа нь аль болох олон удаа дадлага хийж, бэлтгэ. Дараагийн бүлэгт бид ярилцлагын илүү олон ур чадварт суралцах болно.