Суралц—Дээд талын хугацаа: 45 минут

1 . Ур чадвараа хурцал

Унш.Амжилттай ажил хайх загвар бол:

Итгэлээр үйлдэх + Шаргуу хөдөлмөрлөх + Ухаалаг хөдөлмөрлөх = Амжилт

Тунгаан бод.Та хүссэн амжилтандаа хүрэхгүй байгаа бол ажил хайхдаа энэ загварын аль хэсэг эсвэл хэсгүүдийг орхигдуулсан байж магадгүй вэ?

Та хийх ёстой зүйлээ хийж байгаа хэрнээ амжилтгүй байвал ажил хайх ур чадвартаа дүн шинжилгээ хий. Ажил хайж буй хүмүүс ажил хайхдаа ямар нэг зүйлийг хийж чадахгүй байх нь хэвийн бөгөөд ажил хайх ур чадваруудыг хөгжүүлэхэд хугацаа шаардагддаг. Та яг юуг хийж чадахгүй байгаагаа мөн энэ талаар юу хийж чадахаа танин мэдэх нь чухал.

Үйл ажиллагаа (10–15 минут)

Ажил хайхад тохиолддог нийтлэг асуудлуудыг даван туулахад тань туслахын тулд та нарын хүн нэг бүр дараах хүснэгтэд байгаа түгээмэл бэрхшээлүүдээс нэгийг сонго. Сонгосон бэрхшээлээ бүлгийнхэндээ эсвэл үйлдэх хамтрагчдаа тайлбарла. Дараа нь, санал болгосон ур чадваруудаас нэгийг эсвэл хэд хэдийг хамтдаа давт. Та мөн тухайн долоо хоногийн туршид холбогдох бүлгийг дахин судлах эсвэл илүү олон удаа давтлага хийхийг хүсэж болох юм.

Түгээмэл бэрхшээлүүд	Дадлага хийх ур чадварууд
1. Би ямар ажил хүсэж байгаагаа мэдэхгүй байна.	1-р бүлэг: Үндсэн ойлголт Нэгээс гурван ажилд төвлөр (х. 7)
2. Би ажлын байрны зар мэдээллийг олохгүй байна.	2-р бүлэг: Танилын сүлжээ үүсгэх Өөрийнхөө тухай 30 секундэд (х. 29)
3. Би танилын сүлжээтэй болж чадахгүй байна.	2-р бүлэг: Танилын сүлжээ үүсгэх Өөрийнхөө тухай 30 секундэд (х. 29)
4. Би ажлын ярилцлагад уригдахгүй байна.	2, 3, 4-р бүлгүүдэд байгаа Ур чадвараа нийцүүлэх нь (х. 48) Ажлын намтар (х. 79) Өргөдөл (х. 85) Өргөдөл (х. 88)
5. Би ажлын ярилцлагад уригдаж байгаа ч ажлын санал ирэхгүй байна.	3–8-р бүлэг Ур чадвараа нийцүүлэх нь (х. 48) Давуу талуудын тухай тодорхойлолтоо ашиглах (х. 63) Ярилцлагын өмнө бэлтгэх (х. 100) Ярилцлагыг үр дүнтэй эхлүүлэх (х. 101) Өөрийнхөө тухай 30 секундэд (х. 101) Сөрөг зүйлсийг эерэг болгох (х. 118) Асуулт тавих (х. 121)