បុព្វកថាសៀវភៅសម្រាប់គ្រូបង្រៀន ថ្នាក់រៀបចំខ្លួនធ្វើជាអ្នកផ្សាយសាសនា ( សាសនា ១៣០ )

គោលបំណងរបស់យើង

គោលបំណងរបស់ថ្នាក់សិក្ខាសាលា និង ថ្នាក់វិទ្យាស្ថានសាសនា ៖

« គោលបំណងរបស់យើង គឺដើម្បីជួយយុវវ័យ និងយុវមជ្ឈិមវ័យឲ្យយល់ និងពឹងផ្អែកលើការបង្រៀន និងដង្វាយធួនរបស់ព្រះយេស៊ូវគ្រីស្ទ ឲ្យមានភាពសក្តិសមសម្រាប់ពរជ័យទាំងឡាយនៃព្រះវិហារបរិសុទ្ធ ហើយរៀបចំខ្លួនពួកគេ ក្រុមគ្រួសារពួកគេ និងអ្នកដទៃទៀត សម្រាប់ជីវិតដ៏នៅអស់កល្បជានិច្ចជាមួយនឹងព្រះវរបិតារបស់ពួកគេដែលគង់នៅឋានសួគ៌ » ( ការបង្រៀន និងការរៀនដំណឹងល្អ ៖ A Handbook for Teachers and Leaders in Seminaries and Institutes of Religion[ឆ្នាំ ២០១២] ១ ) ។

ក្នុងនាមជាគ្រូបង្រៀនថ្នាក់វិទ្យាស្ថានមួយរូប អ្នកអាចជួយសម្រេចគោលបំណងនេះ នៅពេលអ្នកបង្រៀនដំណឹងល្អប្រកបដោយប្រសិទ្ធភាព ៖ « យើងបង្រៀនសិស្សអំពីគោលលទ្ធិ និង គោលការណ៍ទាំងឡាយនៃដំណឹងល្អ ដូចដែលមាននៅក្នុងព្រះគម្ពីរ និង ពាក្យសម្តីរបស់ព្យាការីទាំងឡាយ ។ គោលលទ្ធិ និង គោលការណ៍ទាំងនេះគឺត្រូវបានបង្រៀនតាមរបៀបមួយដែលដឹកនាំឲ្យមានការយល់ដឹង និង ការស្អាងឡើង ។ យើងជួយសិស្សទាំងឡាយ ឲ្យបំពេញតួនាទីរបស់ពួកគេនៅក្នុងដំណើរការនៃការរៀនសូត្រ និង រៀបចំពួកគេឲ្យបង្រៀនដំណឹងល្អដល់អ្នកដទៃទៀត » (Gospel Teaching and Learningទំព័រ x) ។

មូលដ្ឋានគ្រឹះនៃការបង្រៀន និង ការរៀនសូត្រដំណឹងល្អនឹងជួយទាំងអ្នក និងសិស្សរបស់អ្នកបំពេញតាមគោលបំណងរបស់ថ្នាក់សិក្ខាសាលា និងថ្នាក់វិទ្យាស្ថានសាសនា នៅពេលអ្នកសិក្សាបទគម្ពីរ ពាក្យសម្ដីរបស់ពួកព្យាការី និងសៀវភៅប្រកាសដំណឹងល្អរបស់យើងជាមួយគ្នា ។ មូលដ្ឋានគ្រឹះទាំងនេះ គឺមានដូចខាងក្រោម ៖

បង្រៀន និង រៀនសូត្រដោយព្រះវិញ្ញាណ ។
បង្កើតបរិយាកាសរៀនសូត្រដែលពោរពេញដោយសេចក្តីស្រឡាញ់ ការគោរព និង មានគោលបំណង ។
សិក្សាព្រះគម្ពីរ និង អានមេរៀននៃវគ្គសិក្សារៀងរាល់ថ្ងៃ ។
យល់ពីបរិបទ និង មាតិកានៃព្រះគម្ពីរ ព្រមទាំងពាក្យសម្តីរបស់ព្យាការីទាំងឡាយ ។
ស្វែងរក យល់ ដឹងពីសេចក្តីពិត និង សារៈសំខាន់នៃដំណឹងល្អ ហើយអនុវត្តគោលលទ្ធិ និង គោលការណ៍ទាំងឡាយនៃដំណឹងល្អ ។
ពន្យល់ ចែកចាយ និង ថ្លែងទីបន្ទាល់អំពីគោលលទ្ធិ និង គោលការណ៍ទាំងឡាយនៃដំណឹងល្អ ។
ចេះស្ទាត់នូវវគ្គបទគម្ពីរសំខាន់ៗ និង គោលលទ្ធិគ្រឹះ ទាំងឡាយ ។

« នៅពេលបានអនុវត្តដោយវៃឆ្លាត និង ដោយភាពចុះសម្រុងគ្នា នោះមូលដ្ឋានគ្រឹះទាំងនេះ ផ្តល់សមត្ថភាពដល់សិស្សដើម្បីយល់ព្រះគម្ពីរ និង គោលលទ្ធិ និង គោលការណ៍ដែលព្រះគម្ពីរមាន ។ មូលដ្ឋានគ្រឹះទាំងនេះក៏លើកទឹកចិត្តដល់សិស្សឲ្យបំពេញមុខងារដ៏សកម្មមួយផងដែរ នៅក្នុងការរៀនសូត្រដំណឹងល្អ និង បង្កើនសមត្ថភាពរបស់សិស្សក្នុងការរស់នៅតាមដំណឹងល្អ ហើយ បង្រៀនមូលដ្ឋានគ្រឹះនេះដល់អ្នកដទៃ » (ការបង្រៀន និង ការរៀនដំណឹងល្អ ១០) ។ មូលដ្ឋានគ្រឹះទាំងនេះ គួរតែត្រូវបានលេចចេញជាលទ្ធផល ជាជាងវិធីសាស្ត្រនៃការបង្រៀន ( សូមមើលការបង្រៀន និង ការរៀនដំណឹងល្អ១០ ) ។ យោបល់សម្រាប់ការបង្រៀននៅក្នុងសៀវភៅសិក្សានេះ តំណាងឲ្យរបៀបដើម្បីសម្រេចលទ្ធផលទាំងនេះនៅក្នុងការបង្រៀនរបស់អ្នក ។

គោលបំណងនៃវគ្គសិក្សានេះ

សាសនា ១៣០ ៖ ការរៀបចំអ្នកផ្សព្វផ្សាយសាសនា ត្រូវបានរៀបចំឡើងដើម្បីជួយរៀបចំសិស្សសម្រាប់ការបម្រើផ្សព្វផ្សាយសាសនាពេញម៉ោង ដោយការផ្ដោតទៅលើគោលលទ្ធិ គោលការណ៍ និងដំបូន្មានដែលមាននៅក្នុងបទគម្ពីរ ពាក្យសម្ដីរបស់ពួកព្យាការី និងសៀវភៅប្រកាសដំណឹងល្អរបស់យើង ។ សៀវភៅសិក្សានេះ បទគម្ពីរ និងសៀវភៅប្រកាសដំណឹងល្អរបស់យើងគឺជាអត្ថបទសំខាន់របស់អ្នក នៅពេលអ្នករៀបចំ និងបង្រៀនវគ្គសិក្សានេះ ។ សៀវភៅប្រកាសដំណឹងល្អរបស់យើងបម្រើជាសៀវភៅសិក្សាសម្រាប់សិស្សក្នុងវគ្គសិក្សានេះ ដូច្នេះអ្នកគួរតែលើកទឹកចិត្តសិស្សឲ្យមានវាមួយច្បាប់ផ្ទាល់ខ្លួនដើម្បីសិក្សាខ្លួនឯង ហើយប្រើនៅក្នុងថ្នាក់ ។ អ្នកនឹងប្រទានពរដល់ជីវិតសិស្សរបស់អ្នក នៅពេលអ្នកជួយពួកគេឲ្យស្គាល់វា ហើយប្រើវាក្នុងការរៀបចំខ្លួនដើម្បីបម្រើបេសកកម្មរបស់ពួកគេ ។

របៀបដែលមេរៀនត្រូវបានរៀបចំ

សៀវភៅសិក្សានេះ ត្រូវបានរៀបចំឡើងដើម្បីជួយដល់គ្រូបង្រៀនដែលបានហៅថ្មីៗ ក៏ដូចជាគ្រូបង្រៀនដែលមានបទពិសោធន៍ផងដែរ ។ វគ្គសិក្សានេះ ត្រូវបានរៀបចំឡើងសម្រាប់រយៈពេលមួយត្រីមាស ហើយវាត្រូវបានបំបែកទៅជា១៥ មេរៀន ។ មេរៀននីមួយៗ ត្រូវបានរៀបចំឡើងដើម្បីបង្រៀនក្នុងថ្នាក់ដែលមានរយៈពេល ៩០ នាទី ។ ប្រសិនបើថ្នាក់របស់អ្នក មានរយៈពេលតិចជាង ៩០ នាទី នោះអ្នកអាចជ្រើសរើសដើម្បីបង្រួមមេរៀន ឬបំបែកវាជាច្រើនផ្នែក ដើម្បីបង្រៀនពីរដង ឬច្រើនដង ។

មេរៀននីមួយៗនៅក្នុងសៀវភៅសិក្សាមានប្រាំផ្នែក ៖

សេចក្ដីផ្ដើម
ការរៀបចំទុកជាមុន
យោបល់សម្រាប់ការបង្រៀន
ជំនួយក្នុងការបង្រៀន
ការអញ្ជើញឲ្យអនុវត្ត

សេចក្ដីផ្ដើម

មេរៀននីមួយៗចាប់ផ្ដើមដោយសេចក្ដីណែនាំជាសង្ខេបមួយ ដែលសង្ខេបអំពីគោលលទ្ធិ គោលការណ៍ និងគំនិតចម្បងក្នុងមេរៀន ។

ការរៀបចំទុកជាមុន

វគ្គនេះរួមមាននូវធនធានសំខាន់ៗដើម្បីសិក្សា ហើយក៏មានរៀបរាប់អំពីធនធានទាំងឡាយផងដែរ ( ឧទាហរណ៍ វីដេអូ ឯកសារចែកចាយ ជាដើម ) ដែលត្រូវបានប្រើនៅក្នុងគម្រោងមេរៀននីមួយៗ ហើយដែលអ្នកនឹងចាំបាច់ត្រូវរៀបចំទុកជាមុន ។ ឧទាហរណ៍ នៅពេលមេរៀនផ្ដល់យោបល់ឲ្យបង្ហាញវីដេអូ នោះវានឹងឆ្លាតវៃជាងដើម្បីទាញយកមក ឬរៀបចំវីដេអូឲ្យបានមុនពេល ។

យោបល់សម្រាប់ការបង្រៀន

វគ្គនេះផ្ដល់យោបល់សម្រាប់ការបង្រៀនដែលបានពិពណ៌នាអំពីប្រធានបទវគ្គសិក្សា ។ ក្នុងនាមជាគ្រូបង្រៀន អ្នកគួរតែសិក្សាវគ្គនេះដោយយកចិត្តទុកដាក់ ។ យោបល់សម្រាប់ការបង្រៀននៅក្នុងសៀវភៅសិក្សានេះ ធ្វើតាមលំនាំដែលបានពិពណ៌នានៅក្នុងជំពូក ៣នៃការបង្រៀន និង ការរៀនដំណឹងល្អ ។ វាបង្ហាញអំពីរបៀបដែលដាក់បញ្ចូលមូលដ្ឋានគ្រឹះនៃការបង្រៀន និងការរៀនដំណឹងល្អនៅក្នុងការបង្រៀនរបស់អ្នក ដើម្បីជួយសិស្សយល់ និងអនុវត្តគោលការណ៍ដំណឹងល្អ ហើយបង្កើនការផ្លាស់ប្រែចិត្តជឿផ្ទាល់ខ្លួនពួកគេ ។

នៅក្នុងតួសេចក្ដីនៃមេរៀននីមួយៗ អ្នកនឹងរកឃើញគោលលទ្ធិ គោលការណ៍ និងសេចក្ដីពិតសំខាន់ៗជាច្រើន ដែលត្រូវបានដាក់ជាអក្សរដិតខ្មៅ ។ គោលលទ្ធិ និង គោលការណ៍ទាំងនេះត្រូវបានរកឃើញនៅក្នុងកម្មវិធីសិក្សាដោយសារ (១) វាឆ្លុះបញ្ចាំងពីសេចក្ដីពិតសំខាន់ ដែលមាននៅក្នុងគម្ពីរ និងសៀវភៅប្រកាសដំណឹងល្អរបស់យើង (២) វាអាចត្រូវបានអនុវត្តជាពិសេសចំពោះសេចក្តីត្រូវការ និង ស្ថានភាពនានារបស់អ្នកត្រៀមខ្លួនធ្វើជាអ្នកផ្សព្វផ្សាយសាសនា ឬ(៣) វាគឺជាសេចក្តីពិតគន្លឹះដែលអាចជួយសិស្សឲ្យមានទំនាក់ទំនងកាន់តែខ្លាំងឡើងជាមួយព្រះអម្ចាស់ ហើយរៀបចំពួកគេសម្រាប់ការបម្រើផ្សព្វផ្សាយសាសនាពេញម៉ោង ។ ប្រធាន ហិនរី ប៊ី អាវរិង នៃគណៈប្រធានទីមួយបានទូន្មាន ៖ « នៅពេលអ្នករៀបចំមេរៀនមួយ សូមរកមើលគោលការណ៍ផ្លាស់ប្រែចិត្តនៅក្នុងនោះ ។ … គោលការណ៍ផ្លាស់ប្រែចិត្តមួយ គឺជាគោលការណ៍មួយដែលនាំទៅរកការគោរពប្រតិបត្តិតាមព្រះទ័យរបស់ព្រះ » (« Converting Principles » [address to CES religious educators ថ្ងៃទី ២ខែ កុម្ភៈ ឆ្នាំ ១៩៩៦ ] ទំព័រ១, si.lds.org) ។ សូមជម្រាបថា សៀវភៅសិក្សានេះ ពុំបានប្រាប់គ្រប់គោលលទ្ធិ និងគោលការណ៍ដែលអាចត្រូវបានបង្រៀននៅក្នុងមេរៀនមួយនោះទេ ហើយអ្នកអាចនឹងត្រូវបានដឹកនាំដោយព្រះវិញ្ញាណដើម្បីបង្រៀនអំពីគោលការណ៍ និងគោលលទ្ធិផ្សេងៗទៀត ដែលពុំមានថ្លែងនៅក្នុងសម្ភារមេរៀន ។ សម្រាប់គំនិតបន្ថែមនៅក្នុងមេរៀនសម្របសម្រួល សូមមើលចំណុច« សម្រេចចិត្តថាត្រូវបង្រៀនអ្វី និងដោយរបៀបណា » ខាងក្រោម ។

ជំនួយក្នុងការបង្រៀន

ជំនួយក្នុងការបង្រៀន លេចឡើងនៅក្នុងប្រអប់ក្នុងមេរៀន ហើយវាផ្ដល់នូវការណែនាំស្ដីពីវិធីសាស្ត្របង្រៀន ជំនាញ និងបច្ចេកទេសបង្រៀនផ្សេងៗជាច្រើន ។ វាត្រូវបានរៀបចំឡើងដើម្បីផ្ដល់គំនិតបន្ថែមទៅលើគោលការណ៍មូលដ្ឋានគ្រឹះនៃការអប់រំផ្នែកសាសនា ។ សូមរកមើលរបៀបដើម្បីអនុវត្តអ្វីៗទាំងនេះ ជួយឲ្យការបង្រៀនរបស់អ្នកមានប្រសិទ្ធភាព និងភាពខ្ជាប់ខ្ជួន ។

ការអញ្ជើញឲ្យអនុវត្ត

អែលឌើរ ដេវីឌ អេ. បែដណា ក្នុងកូរ៉ុមនៃពួកសាវកដប់ពីរនាក់បានបង្រៀន ៖ « សេចក្ដីសង្ឃឹមដ៏ស្មោះអស់ពីចិត្តរបស់ខ្ញុំចំពោះប្អូនយុវជនម្នាក់ៗ [ អ្នកត្រៀមខ្លួនធ្វើជាអ្នកផ្សព្វផ្សាយសាសនា]គឺថា ប្អូននឹងមិនគ្រាន់តែចេញបេសកកម្មតាមធម្មតានោះទេ ផ្ទុយទៅវិញគឺថា ប្អូននឹងក្លាយជាអ្នកផ្សព្វផ្សាយសាសនាមុនតាំងពីពេលប្អូនដាក់ពាក្យសុំចេញបេសកកម្មរបស់ប្អូនទៅទៀត វាយូរពីមុនប្អូនទទួលការហៅឲ្យបម្រើ ពីមុនត្រូវបានញែកចេញដោយប្រធានស្តេករបស់ប្អូន និង ពីមុនប្អូនចូលទៅក្នុង អិម.ធី.ស៊ី » ( « ecoming a Missionary » Ensign ឬ Liahona ខែ វិច្ឆិកា ឆ្នាំ ២០០៥ ទំព័រ ៤៥ ) ។ ស្របជាមួយនឹងគោលគំនិតនេះ មេរៀននីមួយៗមាននូវសកម្មភាពដែលបានផ្ដល់ជាយោបល់ ដើម្បីលើកទឹកចិត្តដល់អ្នកត្រៀមខ្លួនធ្វើជាអ្នកផ្សព្វផ្សាយសាសនាឲ្យគិត ធ្វើសកម្មភាព ហើយបម្រើដូចជាអ្នកផ្សព្វផ្សាយសាសនា ពីមុនពួកគេបានចូលទៅក្នុងមជ្ឈមណ្ឌលបំពាក់បំប៉នអ្នកផ្សព្វផ្សាយសាសនា ។ សកម្មភាពមាននៅក្នុងវគ្គនេះ លើកទឹកចិត្តដល់សមាជិកក្នុងថ្នាក់ដើម្បីដាក់ការអនុវត្តនៅផ្ទះអំពីអ្វីដែលពួកគេបានរៀននៅក្នុងថ្នាក់ មានរបៀបផ្សេងៗគ្នាដើម្បីចាត់ ឬផ្ដល់យោបល់សកម្មភាពទាំងនេះ ។ ឧទាហរណ៍ អ្នកអាចចែកឯកសារចែកចាយអំឡុងថ្នាក់តំបូងដែលរៀបរាប់នូវសកម្មភាពដែលបានចេញអនុសាសន៍សម្រាប់សប្ដាហ៍នីមួយៗនៅក្នុងត្រីមាស ។ អ្នកក៏អាចសរសេរបញ្ជីសកម្មភាពប្រចាំសប្ដាហ៍នៅលើក្ដារខៀន ឬផ្ញើអត្ថបទ ឬសារអ៊ីម៉ែលទៅសិស្សរបស់អ្នកប្រចាំសប្ដាហ៍ផងដែរ ។

សម្រេចចិត្តថាត្រូវបង្រៀនអ្វី និងដោយរបៀបណា

សូមជ្រើសរើសគំនិតសម្រាប់ការបង្រៀនដែលបំពេញសេចក្ដីត្រូវការរបស់សិស្ស

នៅពេលអ្នករៀបចំដើម្បីបង្រៀន អ្នកអាចសួរខ្លួនអ្នកនូវសំណួរដូចនេះ ៖ តើមានវិធីសាស្ត្រ ឬ សកម្មភាពរៀនសូត្រអ្វីខ្លះដែលនឹងជួយសិស្សរបស់ខ្ញុំយល់ពីអ្វីដែលពួកគេចាំបាច់ត្រូវតែដឹង ? តើអ្វីនឹងជួយសិស្សរបស់អ្នកស្វែងរក យល់ ហើយពន្យល់គោលលទ្ធិ និងគោលការណ៍គន្លឹះ ? តើខ្ញុំអាចធ្វើអ្វីខ្លះ ដើម្បីជួយសិស្សឲ្យទទួលអារម្មណ៍ពីសេចក្តីពិត និង សារៈសំខាន់នៃគោលលទ្ធិ និង គោលការណ៍ទាំងឡាយ ? តើខ្ញុំអាចជួយសិស្សអនុវត្តគោលលទ្ធិ និងគោលការណ៍ទាំងនេះនៅក្នុងជីវិតផ្ទាល់ខ្លួនរបស់ពួកគេយ៉ាងដូចម្ដេច ?

សៀវភៅសិក្សានេះ ត្រូវបានរៀបចំឡើងដើម្បីជួយអ្នកក្នុងដំណើរការរៀបចំផែនការមេរៀន ។ សូមរំឭកសម្ភារមេរៀនដោយប្រុងប្រយ័ត្ន សូមជ្រើសរើសគំនិតសម្រាប់ការបង្រៀនដែលបំពេញតម្រូវការសិស្សរបស់អ្នកល្អបំផុត ហើយដាក់វាទៅជារបៀបនៃការបង្រៀនមួយៗរបស់អ្នក ។ ព្រះវិញ្ញាណបរិសុទ្ធនឹងដឹកនាំអ្នកនៅក្នុងដំណើរការនេះ ។ អ្នកអាចជ្រើសរើសប្រើប្រាស់យោបល់ណែនាំអំពីកម្មវិធីសិក្សា ឬអ្នកអាចកែសម្រួលគំនិតដែលបានណែនាំទៅតាមតម្រូវការ និង ស្ថានភាពក្នុងថ្នាក់របស់អ្នក ។ នៅពេលអ្នកកំណត់អំពីរបៀបដើម្បីកែសម្រួលសម្ភារមេរៀន សូមចងចាំថាត្រូវរៀបចំដោយហ្មត់ចត់ ហើយក៏អនុញ្ញាតឲ្យព្រះវិញ្ញាណដឹកនាំអ្នក ។ សូមពិចារណាអំពីដំបូន្មាននេះ មកពី អែលឌើរ ដាល្លិន អេក អូក ក្នុងកូរ៉ុមនៃពួកសាវកដប់ពីរនាក់ ៖ « ដំបូងយើងទទួលយក បន្ទាប់មកយើងកែសម្រួល ។ ប្រសិនបើយើងចេះច្បាស់នៅក្នុងមេរៀនដែលបានពិពណ៌នា ដែលយើងនឹងបង្រៀន នោះយើងអាចធ្វើតាមព្រះវិញ្ញាណដើម្បីកែសម្រួលវា » (« A Panel Discussion with Elder Dallin H. Oaks » [ Seminaries and Institutes of Religion satellite broadcast ថ្ងៃទី ៧ ខែ សីហា ឆ្នាំ ២០១២ ] គេហទំព័រ ៦, sis.lds.org) ។

ផ្ដល់ឱកាសបង្រៀនដល់សិស្ស

រឿងមួយសំខាន់បំផុតដែលអ្នកអាចធ្វើក្នុងនាមជាគ្រូបង្រៀននៃវគ្គសិក្សានេះ គឺដើម្បីផ្ដល់ដល់សិស្សនូវឱកាសជាច្រើនដើម្បីហាត់បង្រៀន ហើយថ្លែងទីបន្ទាល់ អំឡុងពេលរៀន ពីព្រោះមនុស្សវ័យក្មេងជាច្រើនខ្វះទំនុកចិត្តនៅក្នុងការបង្រៀនគោលលទ្ធិ និងគោលការណ៍ដំណឹងល្អ ។ សូមផ្ដល់ឱកាសដល់សិស្សឆ្លើយតបសំណួរ ពន្យល់សេចក្ដីពិតដំណឹងល្អដល់សមាជិកក្នុងថ្នាក់ដទៃទៀត ហើយបង្រៀនមេរៀនផ្សព្វផ្សាយសាសនាដែលមាននៅក្នុងសៀវភៅប្រកាសដំណឹងល្អរបស់យើង ។ នៅពេលអ្នកត្រៀមខ្លួនធ្វើជាអ្នកផ្សព្វផ្សាយសាសនា យល់អំពីរបៀបដែលគោលលទ្ធិ និងគោលការណ៍ដំណឹងល្អនាំទៅកាន់សេចក្ដីសង្គ្រោះ នោះពួកគេនឹងបង្រៀនដំណឹងល្អដោយបំណងចិត្ត និងអានុភាពកាន់តែខ្លាំង ។

បន្ថែមពីលើការរៀននិយាយ និងរៀនធ្វើ នោះអ្នកដែលត្រៀមខ្លួនធ្វើជាអ្នកផ្សព្វផ្សាយសាសនា ត្រូវតែរៀនផ្ដោតទៅលើតម្រូវការរបស់សាសនាគន់ការី ហើយយល់ដោយព្រះវិញ្ញាណអំពីតម្រូវការរបស់សាសនាគន់ការីម្នាក់ៗមានដើម្បីបន្ដនៅលើផ្លូវទៅកាន់ការផ្លាស់ប្រែចិត្តជឿ ។ សូមជួយសិស្សយល់ថា ការផ្លាស់ប្រែចិត្តជឿយូរអង្វែងរបស់សាសនាគន់ការីម្នាក់ មិនសូវពឹងផ្អែកទៅលើអ្វីដែលអ្នកផ្សព្វផ្សាយសាសនានិយាយ និងធ្វើនោះទេ តែទៅលើថាតើសាសនាគន់ការីធ្វើទង្វើនៅក្នុងសេចក្ដីជំនឿវិញទេតើ ។ អ្នកផ្សព្វផ្សាយសាសនាដែលមានប្រសិទ្ធភាពបំផុត ផ្ដោតចំណាប់អារម្មណ៍ទៅលើអ្វីដែលសាសនាគន់ការីនិយាយ និងធ្វើ បន្ទាប់មកជួយពួកគេដោយក្ដីស្រឡាញ់រីកចម្រើនឆ្ពោះទៅរកការផ្លាស់ប្រែចិត្តជឿ ។

កំណត់ការរំពឹងទុករបស់សិស្ស

យោបល់ដូចខាងក្រោម អាចមានប្រយោជន៍ នៅពេលអ្នករៀបចំ និងបង្រៀនមេរៀន ៖

សូមចាត់សិស្សឲ្យអានចំនុចដែលអនុវត្តនៅក្នុងសៀវភៅប្រកាសដំណឹងល្អរបស់យើងឬសារលិខិតសន្និសីទទូទៅពីមុនមេរៀននីមួយៗ ។ សូមពិចារណាធ្វើការផ្ដល់ឲ្យសិស្សនូវគម្រោងវគ្គសិក្សា ឬការសង្ខេបនៃវគ្គសិក្សា នៅពេលចាប់ផ្ដើមវគ្គសិក្សា ដែលពន្យល់ពីអ្វីដែលនឹងត្រូវបង្រៀននៅក្នុងមេរៀននីមួយៗ និងអ្វីដែលសិស្សគួរអាននៅក្នុងការរៀបចំខ្លួនសម្រាប់មេរៀននីមួយៗ ។ សិស្សដែលរៀបចំខ្លួនពួកគេជាមុន នឹងទំនងជាត្រូវបានបង្រៀនដោយព្រះវិញ្ញាណអំឡុងមេរៀនច្រើនជាង ។
រំពឹងថាសិស្សបំពេញតួនាទីរបស់ពួកគេក្នុងនាមជាអ្នករៀនសូត្រ ( សូមមើលGospel Teaching and Learningទំព័រ ៦, ១៥, ៥៥ ) ។
អនុញ្ញាតឲ្យសិស្សរកឃើញសេចក្ដីពិតដំណឹងល្អដោយខ្លួនគេ ។ សិស្សទាំងឡាយ ត្រូវបានស្អាងឡើង នៅពេលអ្នកដឹកនាំពួកគេឆ្លងកាត់ដំណើរការរៀនសូត្រមួយ ដែលស្រដៀងគ្នានឹងអ្វីដែលអ្នកមានបទពិសោធន៍ក្នុងការរៀបចំមេរៀន ។ នៅពេលសិស្សរកឃើញគោលលទ្ធិ និងគោលការណ៍ដោយខ្លួនគេ នោះពួកគេមានឱកាសពន្យល់អំពីសេចក្ដីពិតទាំងនេះតាមសម្ដីពួកគេផ្ទាល់ ហើយចែកចាយ និងថ្លែងទីបន្ទាល់អំពីអ្វីដែលពួកគេដឹង អារម្មណ៍របស់ពួកគេជាយ៉ាងណា និងអ្វីដែលពួកគេរៀបចំផែនការដើម្បីធ្វើ ។
សូមបង្កើតបរិយាសដែលសិស្សអាចមានអារម្មណ៍នៃព្រះវិញ្ញាណនៃព្រះអម្ចាស់ នៅពេលពួកគេបង្រៀន និងរៀនគ្នាទៅវិញទៅមក ( សូមមើលគ. និង ស. ៨៨:៧៨, ១២២) ។
សូមលើកទឹកចិត្តសិស្សឲ្យយកគម្ពីរផ្ទាល់ខ្លួនពួកគេ និងសៀវភៅប្រកាសដំណឹងល្អរបស់យើងនិងកំណត់ហេតុការសិក្សារបស់ពួកគេមកថ្នាក់រៀន ។ ចូរពន្យល់ថាសៀវភៅកំណត់ហេតុជាអ្វី និងពន្យល់ពីរបៀបប្រើប្រាស់វា ។

នៅពេលអ្នកសម្រេចចិត្តថាត្រូវបង្រៀនអ្វី និងដោយរបៀបណាហើយនោះ សូមចងចាំក្នុងចិត្តនូវពាក្យសម្ដីទាំងនេះ ដោយអែលឌើរ ដាវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ ៖

« ខ្ញុំបានសង្កេតឃើញនូវលក្ខណៈទូទៅមួយក្នុងចំណោមគ្រូបង្រៀនដែលមានឥទ្ធិពលដ៏អស្ចារ្យនៅក្នុងជីវិតរបស់ខ្ញុំ ។ ពួកគាត់បានជួយខ្ញុំស្វែងរកការរៀនសូត្រដោយសេចក្ដីជំនឿ ។ ពួកគាត់មិនផ្ដល់ចម្លើយងាយស្រួលដល់ខ្ញុំចំពោះសំណួរពិបាកនោះទេ ។ តាមពិត ពួកគាត់ពុំផ្ដល់ចម្លើយដល់ខ្ញុំសោះ ។ តែពួកគាត់បានចង្អុលបង្ហាញផ្លូវ ហើយជួយខ្ញុំបោះជំហានទៅស្វែងរកចម្លើយដោយខ្លួនឯង ។ ពិតណាស់ ជានិច្ចកាល ខ្ញុំមិនសូមរីករាយចំពោះមធ្យោបាយនេះទេ ប៉ុន្តែបទពិសោធន៍នោះបានជួយខ្ញុំយល់ថា ចម្លើយដែលត្រូវបានផ្ដល់ឲ្យដោយនរណាម្នាក់ទៀត តាមធម្មតាខ្ញុំចាំពុំសូវបានយូរទេ បើតាមខ្ញុំចាំនោះ ។ ប៉ុន្តែចម្លើយមួយដែលយើងរកឃើញ ឬទទួលបានតាមរយៈការអនុវត្តសេចក្ដីជំនឿ ត្រូវបានចងចាំមួយជីវិត » (« Seek Learning by Faith » [an evening with Elder David A. Bednar ថ្ងៃទី ៣ ខែ កុម្ភៈ ឆ្នាំ ២០០៦], ៥; si.lds.org) ។

សកម្មភាពសម្រាប់ការបង្រៀន

មានរបៀបជាច្រើនដើម្បីបង្កើតសកម្មភាពបង្រៀនក្នុងថ្នាក់រៀននៅក្នុងគម្រោងមេរៀន ។ វាជាជំនួយទូទៅចំពោះការបង្កើតសកម្មភាពផ្សេងៗ ដើម្បីជួយរក្សាសិស្សឲ្យមានចំណាប់អារម្មណ៍ និងផ្ដោតអារម្មណ៍ ។ ឧទាហរណ៍ អំឡុងពេលសម្ដែង ចូរពិចារណាធ្វើការអញ្ជើញសិស្សឲ្យផ្លាស់វេនគ្នាធ្វើទាំងជាអ្នកផ្សព្វផ្សាយសាសនា និងសាសនាគន់ការី ហើយជាអ្នកវាយតម្លៃបើអាចធ្វើបាន ។ អ្នកក៏អាចមានចំណែកក្នុងតួណាមួយក៏បានពេលចាំបាច់ ។

អ្នកផ.= អ្នកផ្សព្វផ្សាយសាសនា , ស= សាសនាគន់ការី, អ្នកវ.=អ្នកវាយតម្លៃ

គំរូនៃការបំពាក់បំប៉ន

គំរូការបំពាក់បំប៉នដែលបានប្រើនៅក្នុងកម្មវិធី អិម.ធី.ស៊ី អាចត្រូវបានសម្របសម្រួលដើម្បីប្រើប្រាស់នៅក្នុងវគ្គសិក្សានេះ ដើម្បីជួយសិស្សបង្កើតជំនាញ និងសមត្ថភាព ។ ធាតុទាំងឡាយនៃគំរូនេះអាចត្រូវបានប្រើតាមលំដាប់លំដោយ ហើយធ្វើឡើងវិញដើម្បីសម្រេចគោលដៅបានល្អបំផុតក្នុងការជួយសិស្សឲ្យរីកចម្រើននៅក្នុងការហាត់រៀន ។

ពន្យល់—សម្ដែង—ហាត់រៀន—វាយតម្លៃ—ហាត់រៀនឡើងវិញ

ពន្យល់

សូមពន្យល់អំពីគោលគំនិត និងជំនាញដែលសិស្សគួរដឹង ហើយបង្រៀនពួកគេអំពីរបៀបដែលជំនាញ និងគោលគំនិតទាំងនេះ ជួយបំពេញគោលបំណងរបស់អ្នកផ្សព្វផ្សាយសាសនា ។

ការសម្ដែង

សូមផ្ដល់ឧទាហរណ៍មួយអំពីអ្វីដែលសិស្សត្រូវធ្វើ ។ នេះអាចត្រូវបានសម្រេចដោយការសម្ដែងផ្ទាល់ វីដេអូ និងមធ្យោបាយផ្សេងៗទៀត ។

ការហាត់រៀន

ឲ្យសិស្សហាត់រៀនជំនាញជាដៃគូ ឬជាក្រុម ។

វាយតម្លៃ

ដោយមានការផ្ដល់គំនិតពីសិស្ស សូមប្រាប់នូវអ្វីដែលពួកគេធ្វើបានល្អ និងរបៀបដែលពួកគេអាចកែលម្អជំនាញរបស់ពួកគេ ។ សូមផ្ដល់ការលើកទឹកចិត្តដល់ពួកគេ ។

ហាត់រៀនឡើងវិញ

នៅពេលអាចធ្វើទៅបាន សូមទុកពេញសម្រាប់ការហាត់រៀនឡើងវិញ ។

កិច្ចការផ្សព្វផ្សាយសាសនាតាមអ៊ិនធើរណិត

ក្នុងនាមជាអ្នកផ្សព្វផ្សាយសាសនាពេញម៉ោង សិស្សរបស់អ្នកនឹងប្រើអ៊ិនធើរណិតជាឧបករណ៍ផ្សាយសាសនា ដើម្បីស្វែងរក និងទាក់ទងនឹងសាសនាគន់ការី ទំនាក់ទំនងនឹងសមាជិក ធ្វើការជាមួយអ្នកដឹកនាំបេសកកម្ម និងអ្នកដឹកនាំបព្វជិតភាពក្នុងមូលដ្ឋាន ឆ្លើយសំណួរ ទទួល និង ទាក់ទងអ្នករៀនថ្មី តាមដានលើការតាំងចិត្ត បញ្ជាក់ការណាត់ជួប និងបង្រៀនគោលការណ៍ទាំងឡាយចេញមកពីសៀវភៅប្រកាសដំណឹងល្អរបស់យើង ។ យោបល់ផ្សេងៗនៅក្នុងសៀវភៅសិក្សានេះ នឹងជួយអ្នកលើកទឹកចិត្តសិស្សឲ្យចាប់ផ្ដើមការចែកចាយដំណឹងល្អដោយប្រើឧបករណ៍តាមអ៊ិនធើរណិត ។

ក្នុងនាមជាគ្រូបង្រៀនក្នុងវគ្គសិក្សានេះ អ្នកអាចឆ្លៀតឱកាសប្រើឧបករណ៍អេឡិចត្រូនិកដោយការទាក់ទងនឹងសិស្សរបស់អ្នក អំឡុងសប្ដាហ៍ដោយការប្រើសារជាអក្សរ ឬប្រព័ន្ធផ្សព្វផ្សាយសង្គម ដើម្បីតាមដានកិច្ចការសាលា ដើម្បីលើកទឹកចិត្តពួកគេសិក្សាពីមុនពួកគេមកថ្នាក់រៀន ឬដើម្បីរំឭកពួកគេឲ្យអានគម្ពីរមរមនជាប្រចាំថ្ងៃ ។

ការសម្របសៀវភៅសិក្សាទៅតាមអ្នកទាំងឡាយដែលអសមត្ថភាព

នៅពេលបង្រៀនសិស្សដែលអសមត្ថភាព នោះគ្រូបង្រៀនអាចសម្របមេរៀនដើម្បីត្រូវតាមលទ្ធភាពរបស់សិស្ស ។ ឧទាហរណ៍ ដើម្បីសម្របមេរៀនសម្រាប់សិស្សទាំងឡាយ ដែលពុំអាចអានបាន នោះអ្នកអាចនឹងពិចារណាធ្វើការអានដោយខ្លួនអ្នកឮៗ ឲ្យសិស្សអាន ឬប្រើសម្ភារដែលបានថតសំឡេងជាមុន ( ដូចជាគម្ពីរជាសំឡេង ឬវីដេអូ នៃសៀវភៅ ប្រកាសដំណឹងល្អរបស់យើងនិងសុន្ទរកថាសន្និសីទទូទៅ ) ។ នៅពេលមេរៀនប្រាប់ឲ្យឆ្លើយដោយការសរសេរ នោះអ្នកអាចលើកទឹកចិត្តសិស្សឲ្យឆ្លើយផ្ទាល់មាត់ជំនួសវិញ ។ សិស្សផ្សេងៗទៀត ក៏អាចជួយដល់អ្នកទាំងឡាយដែលអសមត្ថភាពផងដែរ ដោយការអានឯកសារឲ្យពួកគេ ឬសរសេរចម្លើយឲ្យពួកគេ ។

សម្រាប់គំនិត និងធនធានបន្ថែម សូមរកមើលព័ត៌មានក្នុងទំព័រធនធានជនពិការ( Disability Resources ) នៅគេហទំព័រ disabilities.lds.org និងសៀវភៅសិក្សាគោលនយោបាយ ស & វ ផ្នែកដែលមានចំណងជើងថា « Adapted Classes and Programs for Students with Disabilities » ។