កិច្ចការព្រះវិហារបរិសុទ្ធ និងពង្សប្រវត្តិ

សេចក្ដីផ្ដើម

អ្នកត្រៀមខ្លួនធ្វើជាអ្នកផ្សព្វផ្សាយសាសនា និងអ្នកផ្សព្វផ្សាយសាសនាពេញម៉ោង អាចពន្លឿនកិច្ចការនៃសេចក្ដីសង្គ្រោះតាមរយៈការរៀនសូត្រអំពីកិច្ចការព្រះវិហារបរិសុទ្ធ និងពង្សប្រវត្តិ បន្ទាប់មកជួយអ្នកដទៃឲ្យទទួលបទពិសោធន៍អារម្មណ៍នៃព្រះវិញ្ញាណដែលមានក្នុងកិច្ចការនេះ ។ ពង្សប្រវត្តិអាចជាមធ្យោបាយដ៏មានអានុភាពក្នុងការស្វែងរកមនុស្សបង្រៀន ហើយពង្រឹងសេចក្ដីជំនឿរបស់អ្នកផ្លាស់ប្រែចិត្តជឿថ្មីៗ និងសមាជិកមិនសូវសកម្ម ។ ការចូលរួមនៅក្នុងកិច្ចការពង្សប្រវត្តិ បង្វែរដួងចិត្តរបស់មនុស្សទៅរកជីដូនជីតារបស់ពួកគេ និងទៅរកព្រះអម្ចាស់ ។ ពង្សប្រវត្តិគឺជាឧបករណ៍មួយដែលអ្នកផ្សព្វផ្សាយសាសនាអាចប្រើដើម្បីអញ្ជើញអ្នកដទៃឲ្យមករកព្រះគ្រីស្ទ និងដើម្បីទទួលពិធីបរិសុទ្ធនៃសេចក្ដីសង្គ្រោះ ។

ការរៀបចំទុកជាមុន

សូមសិក្សា គោលលទ្ធិ និង សេចក្ដីសញ្ញា ១០៩:២២-២៣,១១០:១៣-១៦,១៣៨:២៩-៣៥ និង យ៉ូសែប ស្ម៊ីធ--ប្រវត្តិ ១:៣៨-៣៩ ។
សូមសិក្សា ប្រកាសដំណឹងល្អរបស់យើង ទំព័រ ៨៥-៨៦,១៦៣–៦៥ ។
សូមរៀបចំបង្ហាញវីដេអូ «The Time Is Now » ( ៣:២០ ) ដែលមាននៅលើគេហទំព័រ LDS.org ។
សូមរៀបចំបង្ហាញវីដេអូ « Family History and Missionary Work—Finding » ( ៣:៥៣ ) ដែលមាននៅលើគេហទំព័រ LDS.org ។
សូមរៀបចំបង្ហាញវីដេអូ « Family History and Missionary Work—Finding » ( ៣:០៥ ) ដែលមាននៅលើគេហទំព័រ LDS.org ។
សូមថតចម្លងតារាងមួយដែលបោះពុម្ពមកពី FamilySearch.org ។
សូមរៀនស្គាល់នូវឧបករណ៍ស្រាវជ្រាវមូលដ្ឋាននៅលើ FamilySearch.org ឬអញ្ជើញអ្នកផ្ដល់ប្រឹក្សាពង្សប្រវត្តិវួដ ឬសាខា ដើម្បីបង្រៀនអំពីឧបករណ៍ទាំងនោះអំឡុងមេរៀន ។
សូមរៀបចំបង្ហាញរូបភាពព្រះវិហារបរិសុទ្ធដែលនៅជិតអ្នក ។
សូមថតចម្លង តារាងពង្សាវលីបួនជំនាន់ ដែលទំនេរ ( ដែលមាននៅចុងមេរៀន ) សម្រាប់សិស្សម្នាក់ៗ ។

យោបល់សម្រាប់ការបង្រៀន

សារៈសំខាន់នៃអំណោយទានពិសិដ្ឋក្នុងព្រះវិហារបរិសុទ្ធ

សូមដាក់បង្ហាញរូបភាពនៃព្រះវិហារបរិសុទ្ធដែលនៅជិតជិតខាងប្រទេសអ្នក បន្ទាប់មកអានពាក្យដកស្រង់ដូចខាងក្រោមមកពីប្រធាន ហាវើដ ដបុលយូ ហឹនធើរ ៖

« ចូរយើងរៀបចំអ្នកផ្សព្វផ្សាយសាសនាគ្រប់រូប ឲ្យទៅព្រះវិហារបរិសុទ្ធដោយមានភាពសក្ដិសម និងដើម្បីធ្វើឲ្យបទពិសោធន៍នោះជាបទពិសោធន៍គួរឲ្យចងចាំ ជាងការទទួលបានការហៅបម្រើបេសកកម្ម » (« Follow the Son of God » Ensign ខែ វិច្ឆិកា ឆ្នាំ ១៩៩៤ ទំព័រ ៨៨ ) ។

ដើម្បីបញ្ជាក់ពីសារៈសំខាន់ អ្នកអាចនឹងអានពាក្យដកស្រង់ម្ដងទៀត បន្ទាប់មកសួរសិស្ស ៖

តើការទៅព្រះវិហារបរិសុទ្ធនឹងជាការ « គូសចំណាំកាន់តែអស្ចារ្យ » ជាងការទទួលការហៅបម្រើបេសកកម្មតាមរបៀបណា ? ( ចម្លើយដែលអាចមាន អាចរួមមានដូចខាងក្រោម ៖ ដោយហេតុថាបេសកកម្មគឺជាការបណ្ដោះអាសន្ន នោះសេចក្ដីសញ្ញាទាំងឡាយដែលយើងធ្វើនៅក្នុងព្រះវិហារបរិសុទ្ធគឺអស់កល្បជានិច្ច ពរជ័យព្រះវិហារបរិសុទ្ធ នាំមកនូវព្រះចេស្ដាចំពោះអ្នកផ្សព្វផ្សាយសាសនាដែលសក្ដិសម ) ។

សូមឲ្យសិស្សអានកថាកណ្ឌទីមួយនៅក្រោមចំណងជើង ព្រះវិហារបរិសុទ្ធ និងពង្សប្រវត្តិ នៅទំព័រ ៨៧ នៅក្នុង ប្រកាសដំណឹងល្អរបស់យើង ។ បន្ទាប់មក សូមសួរ ៖

តើពរជ័យណាខ្លះដែលយើងអាចទទួលនៅក្នុងព្រះវិហារបរិសុទ្ធ ?
តើពរជ័យទាំងនេះអាចជួយមនុស្សម្នាក់ដែលកំពុងព្យាយាមមករកព្រះគ្រីស្ទយ៉ាងដូចម្ដេច ?

ដើម្បីមើលឃើញពីរបៀបដែលអ្នកផ្សព្វផ្សាយសាសនាត្រូវបានប្រទានពរដោយការចូលរួមក្នុងព្រះវិហារបរិសុទ្ធពីមុនការបម្រើផ្សព្វផ្សាយសាសនា ចូរសុំឲ្យសិស្សក្នុងថ្នាក់បើកទៅគោលលទ្ធិ និង សេចក្ដីសញ្ញា ១០៩:២២-២៣ហើយពន្យល់ថា ខគម្ពីរទាំងនេះ គឺជាចំណែកនៃការអធិស្ឋានឧទ្ទិសឆ្លងព្រះវិហារបរិសុទ្ធទីក្រុងខឺតឡង់ ។ សូមឲ្យសិស្សម្នាក់អានខគម្ពីរទាំងឡាយឮៗ ខណៈដែលសិស្សក្នុងថ្នាក់អានតាម ហើយរកមើលពរជ័យនៃព្រះវិហារបរិសុទ្ធដែលអ្នកបម្រើរបស់ព្រះអម្ចាស់ទទួល ។ បន្ទាប់មកជួយសិស្សស្វែងរកគោលការណ៍មួយ ដែលបង្រៀននៅក្នុងខគម្ពីរទាំងនេះ ដោយការសួរដូចខាងក្រោម ៖

តើខគម្ពីរទាំងនេះជួយអ្នកយល់ពីរបៀបដែលវាសំខាន់យ៉ាងខ្លាំងចំពោះអ្នកផ្សព្វផ្សាយសាសនាដើម្បីទទួលពរជ័យព្រះវិហារបរិសុទ្ធមុនពេលចេញទៅបេសកកម្មមួយយ៉ាងដូចម្ដេចខ្លះ ? ( ចម្លើយរបស់សិស្ស អាចត្រូវបានសង្ខេបដោយគោលការណ៍នេះ ៖ ការទទួលពរជ័យព្រះវិហារបរិសុទ្ធអាចឲ្យអ្នកផ្សព្វផ្សាយសាសនាទៅមុខក្នុងពិភពលោកដោយមានជំនួយ និងព្រះចេស្ដាព្រះ ។ សូមគិតពីការសរសេរគោលការណ៍នេះនៅលើក្ដារខៀន ) ។

សូមបង្ហាញសេចក្ដីថ្លែងការណ៍ខាងក្រោមដោយអែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់ ហើយសូមឲ្យសិស្សម្នាក់អានវាឮៗ ៖

« វាសំខាន់ណាស់ដែលអ្នកត្រូវយល់ថា ការទៅព្រះវិហារបរិសុទ្ធដើម្បីទទួលអំណោយទានពិសិដ្ឋរបស់អ្នកផ្ទាល់ …[គឺជា] ផ្នែកដ៏សំខាន់មួយនៃការរៀបចំខ្លួនចេញបេសកកម្មរបស់អ្នក ។ … [ អ្នកគួរតែ ] យល់អំពីសារៈសំខាន់នៃសេចក្ដីសញ្ញាព្រះវិហារបរិសុទ្ធទាំងឡាយ [ ហើយ ] ជាតំណយ៉ាងមាំរវាងអំណោយទានពិសិដ្ឋរបស់អ្នក និងជោគជ័យក្នុងការផ្សព្វផ្សាយសាសនារបស់អ្នក ។ ជាការពិតណាស់ពាក្យថា អំណោយទានពិសិដ្ឋ បង្ហាញនូវខ្លឹមសារនៃទំនាក់ទំនងដ៏សំខាន់នោះ ។ អំណោយទានពិសិដ្ឋ គឺជាអំណោយមួយ ។ …

« អ្នកដឹងហើយថា អ្នកមិនអាចធ្វើកិច្ចការនេះតែម្នាក់ឯងបានទេ ។ យើងត្រូវការជំនួយពីស្ថានសួគ៌ យើងត្រូវតែមាននូវ អំណោយ ទានទាំង ឡាយមកពីព្រះ ។ … កិច្ចការនេះ គឺជាកិច្ចការដ៏សំខាន់ ហើយការប្រឆាំងរបស់មារសត្រូវចំពោះកិច្ចការនេះក៏ខ្លាំងក្លាណាស់ដែរ ដែលធ្វើឲ្យយើងត្រូវការអំណាចដ៏ទេវភាព ដើម្បីជួយដល់កិច្ចប្រឹងប្រែងរបស់យើង ហើយជំរុញសាសនាចក្រទៅមុខដោយមិនផ្លាស់ប្តូរ » (« Keeping Covenants: A Message for Those Who Will Serve a Mission» New Era ខែ មករា ឆ្នាំ ២០១២ ទំព័រ ៣–៤) ។

សូមសួរ ៖

តើសេចក្ដីថ្លែងការណ៍របស់អែលឌើរ ហូឡិន ជួយបន្ថែមទៅលើអ្វីដែលត្រូវបានបង្រៀននៅក្នុង គោលលទ្ធិ និង សេចក្ដីសញ្ញា ១០៩:២២-២៣យ៉ាងដូចម្ដេច ?

ចូរពន្យល់ថា ពីមុនទទួលបានអំណោយទានពិសិដ្ឋក្នុងព្រះវិហារបរិសុទ្ធ សមាជិកសក្ដិសម ត្រូវតែទទួលបណ្ណចូលព្រះវិហារបរិសុទ្ធមួយ មកពីពួកអ្នកដឹកនាំបព្វជិតភាពក្នុងមូលដ្ឋានរបស់ពួកគេ ។ បន្ទាប់មកសូមបង្ហាញសេចក្ដីថ្លែងការណ៍ដូចខាងក្រោម ហើយអញ្ជើញសិស្សម្នាក់ឲ្យអានវាឮៗទៅដល់សិស្សក្នុងថ្នាក់ ៖

« ប័ណ្ណចូលព្រះវិហារបរិសុទ្ធមានន័យថា យើងមានភាពសក្ដិសមតាមរយៈការសម្ភាសមួយជាមួយនឹងសមាជិកមួយរូបនៃគណៈប៊ីស្សព ឬប្រធានសាខារបស់យើង ហើយក៏បានសម្ភាសជាមួយនឹងសមាជិកមួយរូបនៃគណៈប្រធានស្ដេក ឬគណៈប្រធានបេសកកម្មរបស់យើងដែរ ។ ការសម្ភាសទទួលបណ្ណចូលព្រះវិហារបរិសុទ្ធ គឺជាឱកាសសម្រាប់យើងត្រួតពិនិត្យមើលភាពសក្ដិសមរបស់យើងឡើងវិញ ។ នៅក្នុងការសម្ភាសនីមួយៗ នោះថ្នាក់ដឹកនាំបព្វជិតភាពរបស់យើងនឹងសួរយើងអំពីទង្វើ និងជំនឿផ្ទាល់ខ្លួនរបស់យើង ។ ថ្នាក់ដឹកនាំបព្វជិតភាពរបស់យើងរក្សាការសម្ភាសនេះជាការសម្ងាត់ និងឯកជន ។ …

« ខាងក្រោមនេះ គឺជាប្រធានបទមួយចំនួនដែលថ្នាក់ដឹកនាំបព្វជិតភាពរបស់អ្នកនឹងសួរអំពីអ្នក ៖

ទីបន្ទាល់របស់អ្នកអំពីព្រះវរបិតាសួគ៌ ព្រះយេស៊ូវគ្រីស្ទ និង ព្រះវិញ្ញាណបរិសុទ្ធ ។

ហើយតើអ្នកគាំទ្រដល់ប្រធានសាសនាចក្រឬទេ ។

ថាតើអ្នករស់នៅតាមច្បាប់ព្រហ្មចារីយភាព ថ្វាយដង្វាយមួយភាគក្នុងដប់ ស្មោះត្រង់នឹងអ្នកដទៃ ហើយរក្សាពាក្យសម្ដីនៃប្រាជ្ញាវាងវៃឬទេ ។

ថាតើអ្នកព្យាយាមចូលរួមក្នុងព្រះវិហារ រក្សាសេចក្ដីសញ្ញាដែលអ្នកបានធ្វើ ហើយរក្សាជីវិតរបស់អ្នកឲ្យសមតាមបទបញ្ញត្តិនៃដំណឹងល្អឬទេ » ( « Being Worthy to Enter the Temple » Ensign ខែ សីហា ឆ្នាំ ២០១០ ទំព័រ ៨–៩ ឬ Liahona ខែសីហា ឆ្នាំ ២០១០ទំព័រ ១២–១៣) ។

តើតម្រូវការសម្រាប់ភាពសក្ដិសមជួយអ្នកយល់ពីភាពពិសិដ្ឋនៃព្រះវិហារបរិសុទ្ធ និងការហៅរបស់អ្នកក្នុងនាមជាអ្នកផ្សព្វផ្សាយសាសនាតាមរបៀបណា ?
ប្រសិនបើវាពុំពិសិដ្ឋ ឬផ្ទាល់ខ្លួនខ្លាំងពេក តើបទពិសោធន៍ណាខ្លះ ដែលអ្នកអាចចែកចាយ ដែលបានជួយអ្នកយល់ និងដឹងពីសារៈសំខាន់អំពីព្រះវិហារបរិសុទ្ធ និងកិច្ចការដែលធ្វើនៅក្នុងនោះ ?

ចូរឲ្យសិស្សពិចារណាអំពីអ្វីដែលពួកគេនឹងចាំបាច់ត្រូវធ្វើដើម្បីទទួលបានអំណោយទានពិសិដ្ឋក្នុងព្រះវិហារបរិសុទ្ធដោយសក្ដិសម ។

កំណត់ចំណាំ ៖ សូមលើកទឹកចិត្តសិស្សឲ្យមានភាពសក្ដិសម ហើយទទួលប័ណ្ណចូលព្រះវិហារបរិសុទ្ធ ។ អ្នកក៏អាចផ្ដល់យោបល់ឲ្យពួកគេរៀបចំខ្លួនចេញបេសកកម្មមួយដោយការចូលរួមក្នុងព្រះវិហារបរិសុទ្ធជាញឹកញាប់តាមដែលកាលៈទេសៈហុចឲ្យដើម្បីធ្វើកិច្ចការសម្រាប់ជីដូនជីតារបស់ពួកគេ និងអ្នកដទៃ ។

ពីមុនបន្ដទៅមុខទៀត អ្នកអាចចង្អុលបង្ហាញដល់សិស្សរបស់អ្នកថា ក្នុងនាមជាអ្នកផ្សព្វផ្សាយសាសនា ពួកគេគប្បីខិតខំអស់ពីលទ្ធភាពដើម្បីលើកទឹកចិត្តអ្នកផ្លាស់ប្រែចិត្តជឿថ្មីឲ្យរៀបចំខ្លួនទៅព្រះវិហារបរិសុទ្ធ ។ អ្នកផ្លាស់ប្រែចិត្តជឿថ្មីដែលទៅព្រះវិហារបរិសុទ្ធធ្វើពិធីបុណ្យជ្រមុជទឹកជំនួសជីដូនជីតារបស់ពួកគេ គឺទំនងជានៅសកម្មច្រើនជាង ហើយក្រោយមកទៅព្រះវិហារបរិសុទ្ធដើម្បីទទួលអំណោយទានពិសិដ្ឋ និងការផ្សារភ្ជាប់របស់ពួកគេ ។ សូមបញ្ចប់ចំណុចនេះក្នុងមេរៀនដោយការចែកចាយទីបន្ទាល់អំពីព្រះវិហារបរិសុទ្ធ និងកម្លាំងខាងវិញ្ញាណដែលអ្នកបានទទួលមកពីការថ្វាយបង្គំនៅទីនោះ ។

ផែនការរបស់ព្រះដើម្បីប្រោសលោះមនុស្សស្លាប់

សូមរំឭកសិស្សថា បន្ទាប់ពីការសុគតរបស់ព្រះយេស៊ូវ ទ្រង់បានយាងទៅពិភពវិញ្ញាណ ( សូមមើលពេត្រុសទី ១ ៣:១៨-២០,៤:៦) ។ សូមអញ្ជើញសិស្សឲ្យបើកទៅ គោលលទ្ធិ និងសេចក្ដីសញ្ញា ១៣៨:២៩-៣៥ ។ ចូរពន្យល់ថាចំណុចនេះមាននូវដំណើររឿងការនិមិត្តរបស់ប្រធាន យ៉ូសែប អេហ្វ ស៊្មីធ អំពីពិភពវិញ្ញាណ ។ សូមអញ្ជើញសិស្សពីរបីនាក់ឲ្យប្ដូរវេនគ្នាអានខទាំងនោះឲ្យឮៗ ។ បន្ទាប់មក សូមសួរ ៖

តើព្រះអង្គសង្គ្រោះបានធ្វើអ្វីខ្លះ ដើម្បីរៀបចំការផ្សាយដំណឹងល្អទៅដល់មនុស្សស្លាប់នៅក្នុងពិភពវិញ្ញាណ ?
តើខ ៣៣-៣៥ជួយយើងយល់អំពីអត្ថន័យថា អ្នកទាំងឡាយដែល ទទួលយកដំណឹងល្អនៅក្នុងពិភពវិញ្ញាណ អាចទទួលពិធីបរិសុទ្ធនៃសេចក្ដីសង្គ្រោះបានយ៉ាងដូចម្ដេច ? ( អ្នកទាំងឡាយដែលទទួលយកសារលិខិតដំណឹងល្អអាចមានពិធីបរិសុទ្ធនៃការសង្គ្រោះធ្វើឡើងជំនួសពួកគេ ) ។

សូមឲ្យសិស្សពីរបីនាក់ផ្លាស់វេណគ្នាអានកថាកណ្ឌពីរចុងក្រោយនៅក្នុងចំណុច« ព្រះវិហារបរិសុទ្ធ និងពង្សប្រវត្តិ »នៅទំព័រ ៨៦ នៃសៀវភៅប្រកាសដំណឹងល្អរបស់យើង ។ បន្ទាប់មក សូមសួរ ៖

តើផែនការរបស់ព្រះអម្ចាស់ផ្ដល់ដល់មនុស្សដែលបានស្លាប់ដោយពុំបានទទួលពិធីបរិសុទ្ធសំខាន់ៗនៃដំណឹងល្អយ៉ាងដូចម្ដេច ? (មនុស្សរស់អាចធ្វើពិធីបរិសុទ្ធនៃការសង្គ្រោះជំនួសឲ្យអ្នកទាំងឡាយដែលបានស្លាប់ទៅ )។

បេសកកម្មរបស់អេលីយ៉ា

ចូរពន្យល់ថា អេលីយ៉ា គឺជាព្យាការីក្នុងគម្ពីរសញ្ញាចាស់ដែលរស់នៅប្រហែជា ៩០០មុន គ.ស. ។ ព្យាការី ម៉ាឡាគី បានព្យាករថា អេលីយ៉ា នឹងត្រឡប់ទៅកាន់ផែនដីវិញ ( សូមមើលមរ៉ូណៃ ៤:៥-៦) ហើយនៅពេលមរ៉ូណៃបានលេចមក យ៉ូសែប ស៊្មីធ នៅក្នុងឆ្នាំ ១៨២៣ នោះគាត់បានប្រាប់ម្ដងទៀតថា អេលីយ៉ានឹងត្រឡប់មកវិញ ។ សូមឲ្យសិស្សម្នាក់អានយ៉ូសែប ស្ម៊ីធ--ប្រវត្តិ ១:៣៨-៣៩ខណៈដែលសិស្សក្នុងថ្នាក់ផ្ទៀងតាម ហើយរកមើលនូវអ្វីដែលមរ៉ូណៃបានបង្រៀនអំពីអេលីយ៉ា ។ សូមសួរ ៖

តើយ៉ូសែប ស្ម៊ីធ បានរៀនអ្វីអំពី អាលីយ៉ា ? ( ទោះជាពួកគេអាចនឹងប្រើពាក្យផ្សេងក្ដី ក៏សិស្សគួតែយល់ថាពីមុនការយាងមកជាលើកទីពីររបស់ព្រះយេស៊ូវគ្រីស្ទ នោះអេលីយ៉ានឹងត្រឡប់មកផែនដីវិញ ហើយបង្វែរដួងចិត្តកូនទៅរកឪពុករបស់ពួកគេ )។
តើពាក្យដែលថា ដួងចិត្តរបស់កូននឹងបង្វែរទៅរកពួកឪពុករបស់ពួកគេមានន័យយ៉ាងណា ? ( បុគ្គលម្នាក់ៗនឹងចាប់អារម្មណ៍ ហើយបារម្ភទៅលើសុខុមាលភាពដ៏អស់កល្បជានិច្ចរបស់ក្រុមគ្រួសារពួកគេទាំងអតីតកាល បច្ចុប្បន្នកាល និងអនាគតកាល ។ ចំណាប់អារម្មណ៍នេះគឺមានចំណែកក្នុងការលើកទឹកចិត្តមនុស្សឲ្យស្វែងរកកំណត់ត្រារបស់មរណជនពួកគេ ហើយចូលរួមនៅក្នុងពិធីបរិសុទ្ធផ្សេងៗជំនួសពួកគាត់ ) ។

ចូរពន្យល់ថា ក្នុងរយៈពេលមួយសប្ដាហ៍បន្ទាប់ពីព្រះវិហារបរិសុទ្ធខឺតឡង់ត្រូវបានឧទ្ទិសឆ្លងឡើងវិញនៅក្នុងឆ្នាំ ១៨៣៦ នោះព្រឹត្តការណ៍ពិសេសៗបានកើតឡើង ដែលបានកត់ត្រានៅក្នុងគោលលទ្ធិ និង សេចក្ដីសញ្ញា ១១០។ សូមអញ្ជើញសិស្សម្នាក់ឲ្យអានគោលលទ្ធិ និង សេចក្ដីសញ្ញា ១១០:១៣-១៦ឮៗ ខណៈដែលសិស្សក្នុងថ្នាក់ផ្ទៀងតាម ហើយរកមើលអ្វីដែលអេលីយ៉ាបានស្ដារមកលើផែនដីវិញ ។ សូមសួរសិស្ស ៖

តើអេលីយ៉ាងបានស្ដារកូនសោអ្វីខ្លះដល់យ៉ូសែប ស្ម៊ីធ ? ( តាមចាំបាច់ សូមអញ្ជើញសិស្សឲ្យមើលគោលលទ្ធិ និង សេចក្ដីសញ្ញា ១១០:១៦ លេខយោងកដើម្បីជួយពួកគេយល់ថា អេលីយ៉ាបានស្ដារឡើងវិញនូវកូនសោការផ្សារភ្ជាប់នៃបព្វជិតភាព ) ។

ដើម្បីជួយសិស្សយល់ថាតើកូនសោផ្សារភ្ជាប់នៃបព្វជិតភាពប្រទានពរដល់ក្រុមគ្រួសារដោយរបៀបណា ចូរសុំឲ្យសិស្សម្នាក់អានកថាកណ្ឌទីមួយនៅក្នុងចំណុចដែលមានចំណងជើងថា« អាពាហ៍ពិពាហ៍អស់កល្បជានិច្ច »នៅក្នុងសៀវភៅប្រកាសដំណឹងល្អរបស់យើងទំព័រ ៨៥ ឮៗ ។ បន្ទាប់មក សូមសួរ ៖

ស្របតាមកថាកណ្ឌនេះ តើគោលបំណងនៃកូនសោផ្សាភ្ជាប់ដែលអេលីយ៉ាបានស្ដារឡើងវិញមកកាន់ផែនដី គឺជាអ្វី ? ( សិស្សអាចនឹងប្រើពាក្យផ្សេង ប៉ុន្តែពួកគេគួរលើកឡើងគោលលទ្ធិដូចខាងក្រោមនេះ ៖ តាមរយៈកូនសោការផ្សារភ្ជាប់នៃបព្វជិតភាព នោះពិធីបរិសុទ្ធពិសិដ្ឋអាចត្រូបានធ្វើឡើងនៅក្នុងព្រះវិហារបរិសុទ្ធទាំងឡាយដែលចងក្រុមគ្រួសារជាមួយគ្នាសម្រាប់ភាពអស់កល្បជានិច្ច )។
តើកូនសោទាំងនេះ បានប្រទានពរដល់អ្នក គ្រួសារអ្នក សាច់ញាតិរបស់អ្នក ឬមិត្តភក្ដិរបស់អ្នកយ៉ាងដូចម្ដេច ?

សូមដាក់បង្ហាញពាក្យដកស្រង់ ។ នៅពេលណាអាចធ្វើទៅបាន វាគឺជាគំនិតល្អមួយដើម្បីដាក់បង្ហាញពាក្យដកស្រង់ដែលត្រូវអានឮៗ ។ ជាញឹកញាប់ នៅពេលអ្នករៀនអានផង មើលឃើញផង ហើយស្ដាប់ឮពាក្យដកស្រង់ផង នោះពួកគេយល់កាន់តែល្អប្រសើរអំពីអ្វីដែលត្រូវបានបង្រៀន ។ ទាំងការដាក់បង្ហាញផង និងការអានពាក្យដកស្រង់ឮៗ ផង ក៏អាចនាំឲ្យសិស្សដែលអសមត្ថភាពយល់បានកាន់តែល្អប្រសើរអំពីសម្ភារដែលបានដាក់បង្ហាញនោះ ។

សូមសរសេរ « វិញ្ញាណនៃអេលីយ៉ា » នៅលើក្តារខៀន ។ សូមដាក់បង្ហាញពាក្យដកស្រង់ដូចខាងក្រោម ហើយអញ្ជើញសិស្សពីរបីនាក់ឲ្យអានវាឮៗទៅដល់សិស្សក្នុងថ្នាក់ ៖

អែលឌើរ រ័សុល អិម ណិលសុន បានឲ្យនិយមន័យថា វិញ្ញាណនៃអេលីយ៉ា គឺជា « ការបើកសម្តែងរបស់ព្រះវិញ្ញាណបរិសុទ្ធដែលធ្វើទីបន្ទាល់ពីលក្ខណៈដ៏ទេវភាពនៃក្រុមគ្រួសារ » ( « A New Harvest Time, » Ensign ខែ ឧសភា ឆ្នាំ ១៩៩៨ ទំព័រ ៣៤ ) ។

អែលឌើរ ដាវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ បានផ្ដល់នូវគំនិតបន្ថែមអំពីរបៀបដែលវិញ្ញាណនៃអេលីយ៉ាមានឥទ្ធិពលដល់បុគ្គលម្នាក់ៗ ៖ « ព្រះចេស្ដានៃព្រះវិញ្ញាណបរិសុទ្ធដ៏វិសេសនេះ ទាក់ទាញចិត្តមនុស្សឲ្យស្វែងរក ហើយស្រឡាញ់ដូនតាពួកគេ និងសមាជិកគ្រួសារ—ទាំងអតីតកាល និងបច្ចុប្បន្នកាល ។

« វិញ្ញាណនៃអេលីយ៉ាជះឥទ្ធិពលដល់មនុស្សទាំងក្នុង និងខាងក្រៅសាសនាចក្រ ។ ទោះជាយ៉ាងណាក៏ដោយ ក្នុងនាមជាសមាជិកសាសនាចក្រ ដែលត្រូវបានស្ដារឡើងវិញរបស់ព្រះគ្រីស្ទនេះ យើងមានទំនួលខុសត្រូវដោយសេចក្ដីសញ្ញាក្នុងការស្រាវជ្រាវរកជីដូនជីតារបស់យើង ហើយធ្វើពិធីបរិសុទ្ធការសង្គ្រោះនៃដំណឹងល្អសម្រាប់ពួកលោក ។ …

« ដោយសារតែមូលហេតុនេះហើយ ទើបយើងធ្វើការស្រាវជ្រាវពង្សប្រវត្តិ កសាងព្រះវិហារបរិសុទ្ធ និង ធ្វើពិធីបរិសុទ្ធជំនួសមនុស្សដែលបានចែកឋានទៅ ។ ដោយសារហេតុផលនេះ អេលីយ៉ា ត្រូវបានបញ្ជូនឲ្យទៅស្ដារអំណាចផ្សារភ្ជាប់ ចំណងនៅលើផែនដី និងនៅស្ថានសួគ៌ » ( « The Hearts of the Children Shall Turn » Ensign ឬ លីអាហូណា ខែ វិច្ឆិកា ឆ្នាំ ២០១១ ទំព័រ ២៥-២៦ ) ។

សូមជួយសិស្សឲ្យស្គាល់ និងយល់គោលលទ្ធិដែលបានបង្រៀនដោយអែលឌើរ ណិលសុន និងអែលឌើរ បែតណា ដោយការសួរថា ៖

តើយើងចង់មានន័យយ៉ាងណា នៅពេលយើងសំដៅទៅលើ « វិញ្ញាណនៃអេលីយ៉ា » ?
តើព្រះវិញ្ញាណអាចជះឥទ្ធិពលលើអារម្មណ៍របស់យើងអំពីគ្រួសារតាមរបៀបណា ? ( វិញ្ញាណនៃអេលីយ៉ា ដែលជាឥទ្ធិពលដ៏ច្បាស់នៃព្រះវិញ្ញាណបរិសុទ្ធ បានធ្វើជាសាក្សីអំពីលក្ខណៈដ៏ទេវភាពនៃគ្រួសារ ហើយជួយយើងរីករាយនឹងសមាជិកគ្រួសាររបស់យើង ទាំងអតីតកាល និងបច្ចុប្បន្នកាល ។ វាក៏ដិតជាប់នៅក្នុងខ្លួនយើងនូវបំណងប្រាថ្នាមួយដើម្បីផ្ដល់ពិធីបរិសុទ្ធនៃការសង្គ្រោះដល់ជីដូនជីតារបស់យើងផងដែរ ) ។
តើអ្នកធ្លាប់មានអារម្មណ៍បង្វែរទៅជីដូនជីតារបស់អ្នកតាមរបៀបណាមួយឬទេ ? ប្រសិនបើមាន តើអ្វីដែលបានបំផុសអ្នកឲ្យមានចិត្តដូច្នោះ ? ( បើចាំបាច់ សូមរំឭកសិស្សអំពីមេរៀនមុនៗនៅក្នុងវគ្គសិក្សាអំពីរបៀបដែលព្រះវិញ្ញាណបរិសុទ្ធទំនាក់ទំនងជាមួយនឹងយើង ) ។

ការចូលរួមចំណែកក្នុងកិច្ចការពង្សប្រវត្តិ ។

កំណត់ចំណាំ ៖ នៅពេលអ្នកបង្រៀនវគ្គនេះក្នុងមេរៀន អ្នកនឹងចាំបាច់ ( ១) បំពេញតារាងពង្សាវល្លីបួនជំនាន់ តារាងរូបកង្ហារដែលបោះពុម្ពចេញមកពីFamilySearch.orgឬទាំងដើម្បីបង្ហាញដល់សិស្សក្នុងថ្នាក់ (២) តារាងពង្សាវល្លីទំនេរមួយដើម្បីផ្ដល់ទៅឲ្យសិស្សម្នាក់ៗ និង (៣) រឿងមួយអំពីជីដូនជីតាម្នាក់របស់អ្នកដើម្បីចែកចាយជាមួយនឹងសិស្សក្នុងថ្នាក់ ។

សូមបង្ហាញដល់សិស្សនូវតារាងពង្សាវល្លីបួនជំនាន់ ឬតារាងរូបកង្ហារដែលបោះពុម្ពចេញមកពីFamilySearch.org។ ចូរសុំឲ្យសិស្សពន្យល់អំពីព័ត៌មានដែលឯកសារទាំងនេះមាន ។

សូមចែកតារាងពង្សាវល្លីបួនជំនាន់ទំនេរដល់សិស្សម្នាក់ៗ ។ សូមផ្ដល់ឱកាសដល់សិស្សមួយសន្ទុះដើម្បីពិនិត្យមើលតារាងពង្សាវល្លី ហើយបំពេញឈ្មោះរបស់ជីដូនជីតាពួកគេអស់ពីលទ្ធភាពរបស់ពួកគេ ។

សូមសួរសិស្ស ៖

តើអ្នកអាចស្វែងរកព័ត៌មានដែលចាំបាច់ដើម្បីបំពេញក្នុងតារាងពង្សាវល្លី ឬតារាងរូបកង្ហារនៅកន្លែងណា ? ( សូមរំឭកសិស្សថា ពួកគេគប្បីស្វែងរកជំនួយពីឪពុកម្ដាយ ជីដូនជីតា ឬសមាជិកគ្រួសារដទៃទៀតជាមុនសិន ។ អ្នកប្រឹក្សាខាងពង្សប្រវត្តិវួដ ឬសាខា ក៏អាចជាជំនួយដ៏ខ្លាំងនៅក្នុងការស្រាវជ្រាវពង្សប្រវត្តិផងដែរ ។ បន្ថែមពីលើនោះ សិស្សគួរតែដឹងជាមុនអំពីវិបសាយរបស់សាសនាចក្រសម្រាប់ការស្រាវជ្រាវពង្សប្រវត្តិFamilySearch.org) ។

ចូរសួរដល់សិស្សប្រសិនបើពួកគេចង់ចែកចាយបទពិសោធន៍របស់ពួកគេដោយប្រើកម្មវិធី FamilySearch ដើម្បីរៀនអំពីជីដូនជីតារបស់ពួកគេ ។ ប្រសិនបើសិស្សពុំប្រើកម្មវិធី FamilySearch ទេ សូមផ្ដល់នូវការបង្ហាញដោយខ្លីៗអំពីអ្វីដែលពួកគេអាចស្វែងរកនៅក្នុងនោះ ។ អ្នកក៏អាចបើកFamilySearch.orgនៅក្នុងកុំព្យូទ័រ ហើយធ្វើការស្រាវជ្រាវមួយដោយប្រើឈ្មោះជីដូនជីតារបស់សិស្សដែលបានស្លាប់ទៅម្នាក់ ។ សូមគូសបញ្ជាក់ថា FamilySearch គឺជាឧបករណ៍មួយដែលជួយយើងស្វែងរកជីដូនជីតារបស់យើង ហើយរៀបចំព័ត៌មានរបស់ពួកគាត់ដើម្បីបញ្ជូនទៅកាន់ព្រះវិហារបរិសុទ្ធសម្រាប់ពិធីបរិសុទ្ធផ្សេងៗ ។

ចូរពន្យល់ដល់សិស្សថា វិធីមួយទៀតដើម្បីមានបទពិសោធន៍អំពីពង្សប្រវត្តិគឺប្រមូលរឿងរ៉ាវអំពីជីដូនជីតា និងសមាជិកគ្រួសាររបស់ពួកគេ ។ រឿងពង្សប្រវត្តិអាចជួយយើងមានអារម្មណ៍វិញ្ញាណនៃអេលីយ៉ា ហើយបង្កើនសេចក្ដីស្រឡាញ់ និងអំណរគុណដល់សមាជិកគ្រួសារដែលបានចែកឋានទៅពីមុនយើង ។ សូមពិចារណាធ្វើការចែកចាយរឿងខ្លីមួយអំពីជីដូនជីតាម្នាក់របស់អ្នក ។ បន្ទាប់មក សូមសួរ ៖

តើរឿងពង្សប្រវត្តិអាចជះឥទ្ធិពលលើអារម្មណ៍របស់អ្នកចំពោះសមាជិកគ្រួសាររបស់អ្នកយ៉ាងដូចម្ដេច ?
តើពួកគេបានជួយអ្នកឲ្យយល់កាន់តែប្រសើរអំពីខ្លួនអ្នកជានរណា ហើយអ្នកអាចប្រែក្លាយជាមនុស្សយ៉ាងណា ដោយរបៀបណា ?

សូមបង្ហាញវីដេអូ«The Time Is Now»( ៣:២០) ។ នៅពេលពួកគេមើលការពិភាក្សាជាមួយអែលឌើរ ដេវីឌ អេ បែដណា នៃកូរ៉ុមនៃពួកសាវកដប់ពីរនាក់ សូមលើកទឹកចិត្តសិស្សឲ្យពិចារណាអំពីមូលហេតុដែលពួកគេបានចាប់ផ្ដើម ឬចង់ចាប់ផ្ដើមចូលរួមក្នុងកិច្ចការពង្សប្រវត្តិ ។

តើអ្នកបានរៀនអ្វីខ្លះអំពីកិច្ចការពង្សប្រវត្តិមកពីអែលឌើរ បែដណា និងយុវវ័យនៅក្នុងវីដេអូនេះ ?
តើមនុស្សវ័យក្មេងទាំងនេះមានអារម្មណ៍យ៉ាងណា នៅពេលពួកគេបានចូលរួមក្នុងពង្សប្រវត្តិ ?

សូមប្រាប់សិស្សថា អែលឌើរ បែដណា បានធ្វើការសន្យាមួយដល់យុវវ័យដែលចូលរួមក្នុងកិច្ចការព្រះវិហារបរិសុទ្ធ និងពង្សប្រវត្តិ ។ សូមបង្ហាញពាក្យដកស្រង់ដូចខាងក្រោម ហើយអញ្ជើញសិស្សម្នាក់ឲ្យអានវាឮៗ ៖

« នៅពេលអ្នកឆ្លើយតបដោយសេចក្ដីជំនឿទៅលើការអញ្ជើញនេះ [ដើម្បីចូលរួមនៅក្នុងកិច្ចការពង្សប្រវត្តិ ហើយធ្វើពិធីបុណ្យជ្រមុជទឹកជំនួសជីដូនជីតារបស់អ្នក] នោះដួងចិត្តអ្នកនឹងបង្វែរទៅរកពួកឪពុក ។ សេចក្ដីសន្យាទាំងឡាយដែលបានធ្វើឡើងជាមួយនឹងអ័ប្រាហាំ អ៊ីសាក និងយ៉ាកុប នឹងត្រូវបានបណ្ដុះនៅក្នុងដួងចិត្តរបស់អ្នក ។ ពរជ័យអយ្យកោរបស់អ្នក ជាមួយនឹងសេចក្ដីប្រកាសរបស់វាអំពីខ្សែស្រឡាយ នឹងភ្ជាប់អ្នកទៅនឹងអយ្យកោទាំងនេះ និងមានន័យកាន់តែខ្លាំងចំពោះអ្នក ។ សេចក្ដីស្រឡាញ់របស់អ្នក និងការដឹងគុណចំពោះដូនតារបស់អ្នកនឹងកើនឡើង ។ ទីបន្ទាល់របស់អ្នក និងការប្រែចិត្តទៅរកព្រះអង្គសង្គ្រោះនឹងមានកាន់តែជ្រាលជ្រៅ និងមាំមួន ។ ហើយខ្ញុំសូមសន្យាដល់អ្នកថា អ្នកនឹងត្រូវបានការពារប្រឆាំងនឹងឥទ្ធិពលដ៏ខ្លាំងនៃឧបសគ្គនានា ។ នៅពេលអ្នកប្រឡូក ហើយស្រឡាញ់កិច្ចការដ៏បរិសុទ្ធនេះ នោះអ្នកនឹងមានសុវត្ថិភាពនៅក្នុងយុវវ័យ និងពេញមួយជីវិតរបស់អ្នក » ( « The Hearts of the Children Shall Turn » Ensign ឬ Liahona ខែ វិច្ឆិកា ឆ្នាំ ២០១១ ទំព័រ ២៦–២៧ ) ។

សូមសួរសិស្ស ៖

តើពរជ័យដែលអែលឌើរបែដណា បានប្រាប់ ដែលចង់ឲ្យអ្នកទទួលមានអ្វីខ្លះ ហើយហេតុអ្វី? ( ចម្លើយអាចរួមមានគោលការណ៍ថាការចូលរួមក្នុងកិច្ចការពង្សប្រវត្តិជួយពង្រឹងដល់ការផ្លាស់ប្រែចិត្តជឿរបស់យើងចំពោះព្រះអង្គសង្គ្រោះ ហើយនាំមកនូវការការពារខាងវិញ្ញាណទាស់នឹងឥទ្ធិពលរបស់មារសត្រូវ) ។

ការចែកចាយបទពិសោធន៍ ។ នៅពេលសិស្សចែកចាយបទពិសោធន៍ផ្ទាល់ខ្លួន ជាញឹកញាប់ នោះព្រះវិញ្ញាណបរិសុទ្ធថ្លែងទីបន្ទាល់អំពីសេចក្ដីពិតនៃអ្វីដែលពួកគេបានរៀនតាមរយៈបទពិសោធន៍ ។ អត្ថប្រយោជន៍នៃការចែកចាយបទពិសោធន៍ផ្សេងទៀត គឺថាសិស្ស ជាញឹកញាប់ត្រូវបានលើកទឹកចិត្ត នៅពេលពួកគេស្ដាប់ឮមិត្តភក្ដិរបស់ពួកគេ បានអនុវត្តគោលលទ្ធិ និងគោលការណ៍នៃដំណឹងល្អនៅក្នុងជីវិតរបស់ពួកគេ ។

អ្នកអាចជួយសិស្សចែកចាយបទពិសោធន៍ផ្ទាល់ខ្លួនដែលទាក់ទងនឹងកិច្ចការពង្សប្រវត្តិដោយការសួរសំណួរដូចខាងក្រោម ៖

តើអ្នកធ្លាប់មានពរជ័យដែលបានសន្យាមួយ ឬច្រើននៅក្នុងជីវិតយ៉ាងដូចម្ដេច ?
តើអ្នក ឬសមាជិកនៃគ្រួសាររបស់អ្នកណាម្នាក់ ធ្លាប់រកឃើញឈ្មោះជីដូនជីតា ហើយបានចេញទៅព្រះវិហារបរិសុទ្ធដើម្បីធ្វើបុណ្យជ្រមុជទឹកជំនួសបុគ្គលនោះឬទេ ? តើបទពិសោធន៍នោះខុសពីការធ្វើបុណ្យជ្រមុជទឹកសម្រាប់នរណាម្នាក់ ដែលពុំមែនជាសាច់ញាតិយ៉ាងដូចម្ដេច ?
ប្រសិនបើសិស្សគ្មានបទពិសោធន៍នេះទេ ចូរសួរដូចតទៅ ៖ តើអ្នកធ្លាប់មានបទពិសោធន៍ពរជ័យដែលបានសន្យាដោយការធ្វើបុណ្យជ្រមុជទឹកសម្រាប់អ្នកស្លាប់យ៉ាងដូចម្ដេច ?

ប្រសិនបើអំឡុងពេលការពិភាក្សាជាថ្នាក់របស់អ្នក អ្នកអាចដឹងជាមុនអំពីសិស្សម្នាក់ ឬច្រើននាក់ ដែលបានចូលរួម ហើយមានអារម្មណ៍ខ្លាំងក្លាអំពីពង្សប្រវត្តិ នោះអ្នកអាចសួរពួកគេអំពីដំបូន្មានដែលពួកគេបានផ្ដល់ទៅឲ្យនរណាម្នាក់ដែលមានអាយុស្របាលពួកគេ ដែលពុំទាន់បានចាប់ផ្ដើមធ្វើកិច្ចការពង្សប្រវត្តិនៅឡើយនោះ ។

ការប្រើពង្សប្រវត្តិដើម្បីអញ្ជើញអ្នកដទៃឲ្យមករកព្រះគ្រីស្ទ

សូមប្រាប់សិស្សថា ការស្រាវជ្រាវព័ត៌មានពង្សប្រវត្តិបានក្លាយជាសកម្មភាពដ៏មានប្រជាប្រិយភាពនៅក្នុងពិភពលោកសព្វថ្ងៃ ។ សូមឲ្យសិស្សម្នាក់អានឲ្យឮៗនូវសេចក្ដីថ្លែងការណ៍ដូចខាងក្រោម ដោយប្រធាន ហ្គរដុន ប៊ី ហ៊ិងគ្លី ៖

« មានមនុស្សរាប់លាននាក់នៅជុំវិញពិភពលោកដែលកំពុងធ្វើការទៅលើកំណត់ត្រាពង្សប្រវត្តិ ។ ហេតុអ្វី ? ហេតុអ្វីក៏ពួកគេកំពុងធ្វើវាដូច្នេះ ? ខ្ញុំជឿថា ដោយសារតែពួកគេត្រូវបានទទួលឥទ្ធិពលមកពីវិញ្ញាណនៃកិច្ចការនេះ ជាអ្វីមួយដែលយើងហៅថា វិញ្ញាណនៃអេលីយ៉ា ។ វាគឺជាការបង្វែរចិត្តកូនមកឯឪពុក ។ ពួកគេភាគច្រើនពុំយល់ពីគោលបំណងពិតនៅក្នុងកិច្ចការនេះទេ ឯអ្នកដទៃទៀតប្រហែលជាមកពីការចង់ដឹងចង់ឮខ្លាំង ។

« ការចំណាយពេលវេលា និងប្រាក់ដ៏ច្រើននេះ ច្បាស់មានគោលបំណង ។ គោលបំណងនោះ ជាអ្វីដែលយើងធ្វើជាសាក្សីដ៏ឧឡារិក គឺដើម្បីស្គាល់ជំនាន់នៃមរណជន ដើម្បីឲ្យពិធីបរិសុទ្ធទាំងឡាយអាចត្រូវបានធ្វើឡើងជំនួសពួកគាត់សម្រាប់ពរជ័យ និងការរីកចម្រើនដ៏នៅអស់កល្ប និងជានិរន្ដរ៍ របស់ពួកគាត់ » (« A Century of Family History Service » Ensign ខែ មិនា ឆ្នាំ ១៩៩៥ ទំព័រ ៦២) ។

សូមសួរ ៖

តើអ្នកផ្សព្វផ្សាយសាសនាអាចប្រើប្រាស់ចំណាប់អារម្មណ៍ទៅលើពង្សប្រវត្តិដ៏រីកចម្រើន និងជាសាកលនេះដើម្បីណែនាំអ្នកដទៃទៅកាន់ដំណឹងល្អបានយ៉ាងដូចម្ដេច ?

ចូរសុំឲ្យសិស្សអានឮៗកថាកណ្ឌបីដំបូង ហើយនឹងកថាកណ្ឌចុងក្រោយនៃចំណុចក្រោមចំណងជើងថា « ពង្សប្រវត្តិ »នៅក្នុងសៀវភៅប្រកាសដំណឹងល្អរបស់យើងទំព័រ ១៦៣-៦៥ ។ ចូរឲ្យពួកគេរកមើលថាហេតុអ្វីក៏ការនិយាយអំពីកិច្ចការពង្សប្រវត្តិជាមួយអ្នកដែលពុំមែនជាសមាជិកគឺជាវិធីសាមញ្ញមួយ ហើយជាវិធីដែលគ្មានការគម្រាមគំហែងចំពោះអ្នកផ្សព្វផ្សាយសាសនាដើម្បីចាប់ផ្ដើមការសន្ទនាមួយនោះ ។ បន្ទាប់ពីអានកថាណ្ឌលទាំងនេះ ចូរសួរថា ៖

តើការនិយាយទៅកាន់អ្នកដទៃអំពីកិច្ចការពង្សប្រវត្តិ អាចជាឧបករណ៍ដ៏មានប្រសិទ្ធភាពមួយសម្រាប់អ្នកផ្សព្វផ្សាយសាសនាស្វែងរកមនុស្សបង្រៀនយ៉ាងដូចម្ដេច ? ( សិស្សគប្បីយល់ថាពង្សប្រវត្តិ អាចជាធនធានដ៏មានអានុភាពមួយដើម្បីប្រើនៅក្នុងការស្វែងរកអ្នកទាំងឡាយដែលព្រះអម្ចាស់កំពុងរៀបចំដើម្បីទទួលដំណឹងល្អ )។

បន្ទាប់ពីសិស្សឆ្លើយតប សូមបង្ហាញវីដេអូ« Family History and Missionary Work—Finding »( ៣:៥៣) ។ នៅពេលពួកគេមើល ចូរឲ្យសិស្សពិចារណាអំពីរបៀបដែលពួកគេអាចប្រើប្រធានបទពង្សប្រវត្តិដើម្បីចាប់ផ្ដើមការសន្ទនាជាមួយអ្នកដទៃ ។

បន្ទាប់ពីមើលរួច សូមសួរ ៖

តើអ្នកផ្សព្វផ្សាយសាសនានៅក្នុងវីដេអូបានធ្វើអ្វីខ្លះ ដើម្បីចាប់ផ្ដើមការសន្ទនាជាមួយអ្នកដទៃអំពីកិច្ចការពង្សប្រវត្តិ ?
តើការសន្ទនាអំពីកិច្ចការពង្សប្រវត្តិមានឥទ្ធិពលអ្វីខ្លះ ទៅលើសាសនាគន់ការីដ៏មានសក្ដានុពល ?

សូមប្រាប់សិស្សថា ឥឡូវនេះ ពួកគេនឹងហាត់រៀនប្រើតារាងពង្សាវល្លីដើម្បីអញ្ជើញនរណាម្នាក់ឲ្យរៀនបន្ថែមអំពីសាសនាចក្រ ។ ( តាមជម្រើស អ្នកអាចឲ្យសិស្សពិចារណាអំពីរបៀបដែលពួកគេអាចប្រើរឿងមួយអំពីជីដូនជីតាម្នាក់របស់ពួកគេដើម្បីចាប់ផ្ដើមការសន្ទនាអំពីដំណឹងល្អ ) ។ ដើម្បីជួយសិស្សមានជោគជ័យនៅក្នុងកិច្ចការនេះ ចូរសួរសិស្សអំពីរបៀបដើម្បីប្រើតារាងពង្សាវល្លី ( ឬរឿងមួយអំពីជីដូនជីតាម្នាក់ ) ដើម្បីចាប់ផ្ដើមការសន្ទនាមួយអំពីកិច្ចការពង្សប្រវត្តិ និងរបៀបដែលវាអាចនាំទៅរកសារលិខិតអំពីដំណឹងល្អដែលបានស្ដារឡើងវិញរបស់ព្រះយេស៊ូវគ្រីស្ទ ។ ពេលសិស្សឆ្លើយ សូមសរសេរយោបល់របស់ពួកគេនៅលើក្ដារខៀន ។

សូមលើកយកយោបល់មួយចំនួនរបស់ពួកគេឡើងមក ហើយបង្ហាញដល់សិស្សក្នុងថ្នាក់អំពីរបៀបប្រើប្រាស់តារាងពង្សប្រវត្តិដើម្បីចាប់ផ្ដើមការសន្ទនាជាមួយនឹងនរណាម្នាក់អំពីដំណឹងល្អ ។ បន្ទាប់មក សូមចាប់ដៃគូសិស្សជាមួយនឹងសមាជិកផ្សេងទៀតក្នុងថ្នាក់ ហើយឲ្យពួកគេហាត់រៀនធ្វើដូចគ្នានេះ ។ បន្ទាប់ពីសិស្សម្នាក់ៗមានឱកាសបង្រៀនសមាជិកក្នុងថ្នាក់ផ្សេងទៀត ចូរសួរសំណួរតាមដានដូចតទៅ ៖

តើអ្នកគិតថាអ្វីខ្លះបានដំណើរការបានល្អនៅក្នុងការហាត់រៀនបង្រៀននេះ ?
តើអ្នកចង់ធ្វើអ្វីខ្លះឲ្យល្អប្រសើរជាងនេះ ?

ប្រសិនបើមានពេល សូមពន្យល់ដល់សិស្សថា នៅក្នុងតំបន់ជាច្រើនដែលពួកគេនឹងបម្រើ អ្នកផ្សព្វផ្សាយសាសនាត្រូវបានសុំជំនួយឲ្យពង្រឹងសេចក្ដីជំនឿ និងការតាំងចិត្តរបស់សមាជិកសាសនាចក្រដែលមិនសូវសកម្ម ។ ពង្សប្រវត្តិអាចជាឧបករណ៍ដ៏មានតម្លៃមួយដើម្បីជួយបុគ្គលទាំងនេះទទួលអារម្មណ៍ព្រះវិញ្ញាណបរិសុទ្ធ ហើយមករកព្រះគ្រីស្ទ ។ បន្ទាប់មក បង្ហាញវីដេអូ« Family History and Missionary Work—Activation »(នាទីទី ៣:០៥) ហើយឲ្យសិស្សរកមើលរបៀបដែលកិច្ចការពង្សប្រវត្តិអាចត្រូវបានប្រើដើម្បីជួយដល់សមាជិកមិនសូវសកម្មឲ្យសកម្មឡើងវិញ ៖

បន្ទាប់ពីមើលរួច សូមសួរ ៖

តើការនិយាយអំពីកិច្ចការពង្សប្រវត្តិ និងគោលលទ្ធិអំពីក្រុមគ្រួសារអស់កល្បជានិច្ច អាចជួយពង្រឹងដល់សេចក្ដីជំនឿរបស់សមាជិកមិនសូវសកម្មបានយ៉ាងដូចម្ដេច ?

សូមផ្ដល់ពេលដល់សិស្សមួយសន្ទុះគិតពិចារណាអំពីអ្វីដែលពួកគេអាចធ្វើនាពេលឥឡូវនេះ និងអ្វីដែលពួកគេអាចធ្វើក្នុងនាមជាអ្នកផ្សព្វផ្សាយសាសនា ដើម្បីប្រើកិច្ចការពង្សប្រវត្តិជាឧបករណ៍មួយដើម្បីអញ្ជើញអ្នកដទៃឲ្យមករកព្រះគ្រីស្ទ ។ ( នៅពេលបានបំផុសគំនិតដោយព្រះវិញ្ញាណ អ្នកអាចហៅឲ្យសិស្សពីរបីនាក់ចែកចាយចម្លើយរបស់ពួកគេជាមួយសិស្សក្នុងថ្នាក់ ) ។ សូមចែកចាយទីបន្ទាល់របស់អ្នកអំពីគោលការណ៍ទាំងឡាយ ដែលបានបង្រៀននៅក្នុងមេរៀននេះ ។

ការអញ្ជើញឲ្យធ្វើសកម្មភាព ៖

សូមអញ្ជើញសិស្សឲ្យចូលរួមក្នុងពេលឥឡូវនេះនៅក្នុងកិច្ចការនៃសេចក្ដីសង្គ្រោះ តាមរយៈសកម្មភាពមួយ ឬច្រើនដូចខាងក្រោមនេះ ៖

សូមបង្កើតគណនី អិល.ឌី.អេស ដើម្បីអ្នកអាចចូលទៅក្នុងFamilySearch.org ។ ប្រសិនបើអាចធ្វើទៅបាន សូមបង្កើត ហើយបោះពុម្ពតារាងពង្សាវល្លីបួនជំនាន់ ឬតារាងរូបកង្ហារដោយមានព័ត៌មានរបស់គ្រួសារអ្នក ។
សូមបង្ហាញតារាងពង្សាវល្លីបួនជំនាន់របស់អ្នកទៅមិត្ត ឬអ្នកជិតខាងម្នាក់ ហើយអញ្ជើញឲ្យពួកគាត់រៀនបន្ថែមអំពីពង្សប្រវត្តិ ។ សូមដាក់កាលបរិច្ឆេទមួយដើម្បីនាំមិត្តរបស់អ្នកទៅជួបអ្នកប្រឹក្សាខាងពង្សប្រវត្តិ ឬទៅមើលបណ្ណាល័យពង្សប្រវត្តិ ។
សូមប្រើFamilySearch.org បង្ហាញពីជីដូនជីតាម្នាក់ ឬច្រើននាក់របស់អ្នក ដែលត្រូវការពិធីបរិសុទ្ធក្នុងព្រះវិហារបរិសុទ្ធធ្វើឡើងជំនួសពួកគាត់ ។ បើអាចធ្វើទៅបាន សូមរៀបចំព័ត៌មានសម្រាប់កិច្ចការក្នុងព្រះវិហារបរិសុទ្ធរបស់ពួកគេ ដើម្បីត្រូវបានធ្វើឡើង ហើយបំពេញពិធីបរិសុទ្ធនៃបុណ្យជ្រមុជទឹក និងពិធីបញ្ជាក់ជំនួសពួកគាត់ ។