ការបង្រៀនដំណឹងល្អនៃព្រះយេស៊ូវគ្រីស្ទ ( ភាគ ១ )

សេចក្ដីផ្ដើម

ដំណឹងល្អនៃព្រះយេស៊ូវគ្រីស្ទ រួមបញ្ចូលទាំងគោលលទ្ធិ គោលការណ៍ ក្រឹត្យវិន័យ សេចក្តីសញ្ញា និង ពិធីបរិសុទ្ធដ៏អស់កល្ប ដែលតម្រូវឲ្យមនុស្សលោកទទួលយកដើម្បីបានចូលទៅក្នុងវត្តមានរបស់ព្រះ ហើយបានលើកតម្កើងឡើងនៅក្នុងនគរសេឡេស្ទាល ។ គោលការណ៍ ទីមួយ និង ពិធីបរិសុទ្ធនៃដំណឹងល្អមានដូចជា ជំនឿលើព្រះយេស៊ូវគ្រីស្ទ ការប្រែចិត្ត ពិធីបុណ្យជ្រមុជទឹកដោយការពន្លិច និង អំណោយព្រះវិញ្ញាណបរិសុទ្ធ ។ អ្នកដែលត្រៀមខ្លួនធ្វើជាអ្នកផ្សព្វផ្សាយសាសនា គួរតែត្រៀមខ្លួនជួយសាសនាគន់ការីឲ្យមានជំនឿលើព្រះយេស៊ូវគ្រីស្ទ ហើយប្រែចិត្តពីអំពើបាបរបស់ខ្លួន ពីមុនពួកគេទទួលពិធីបុណ្យជ្រមុជទឹក ហើយទទួលព្រះវិញ្ញាណបរិសុទ្ធ ។

ការរៀបចំទុកជាមុន

សូមសិក្សា ម៉ូសាយ ៣:១៩, ៤:១–៣, ៥:២ និង អាលម៉ា ៣៦ ។
សូមសិក្សា ប្រកាសដំណឹងល្អរបស់យើង ទំព័រ ៦០-៦៣ ។
សូមរៀបចំបង្ហាញរូបភាព ការប្រែចិត្តជឿរបស់អាលម៉ាជាកូន (សៀវភៅរូបភាពដំណឹងល្អ [ ឆ្នាំ ២០០៩ ] លេខ ៧៧ ) ឬ រូបភាពស្រដៀងនឹងនេះ ។
សូមរៀបចំបង្ហាញវីដេអូ « Jesus Christ Is the Way » ( នាទីទី ៥:០២ ) ដែលមាននៅលើគេហទំព័រ LDS.org ។
សូមថតចម្លងក្រដាសចែកចំណងជើង « ការប្រែចិត្ត » ដែលមាននៅចុងមេរៀននេះ ដើម្បីប្រើជាមួយគំនិតសម្រាប់ការបង្រៀនអំពីការប្រែចិត្ត ( ធ្វើក៏បានមិនធ្វើក៏បាន ) ។

យោបល់សម្រាប់ការបង្រៀន

តាមរយៈព្រះយេស៊ូវគ្រីស្ទ យើងអាចបានស្អាតស្អំពីអំពើបាប

ការត្រៀមខ្លួនរួចរាល់ដើម្បីរៀន ។ គ្រូអាចជួយឲ្យគំនិតរបស់សិស្សផ្តោតទៅលើ បទពិសោធន៍នៃការរៀនសូត្រដោយការចាប់ផ្តើមមេរៀននីមួយៗ តាមរបៀបមួយ ដែលទាញយកចំណាប់អារម្មណ៍របស់សិស្ស ។ ឧទាហរណ៍ គ្រូម្នាក់អាចសរសេរសំណួរដែលទាក់ទង់នឹងរឿងមួយ ដាក់នៅលើក្តារខៀន ឬ បង្ហាញវត្ថុមួយ ឬ រូបភាពមួយដែលទាក់ទាញចំណាប់អារម្មណ៍របស់សិស្សនៅពេលពួកគេដើរចូលក្នុងថ្នាក់ ។

ដើម្បីជួយសិស្សត្រៀមខ្លួនរៀនចេញពីមេរៀននេះ សូមសរសេរសំណួរនេះនៅលើក្ដារខៀនពីមុនចាប់ផ្ដើមបង្រៀន ៖

តើបទដ្ឋានត្រឹមត្រូវ និង មិនត្រឹមត្រូវរបស់លោកិយ ខុសគ្នាទៅនឹងបទដ្ឋានរបស់ព្រះវរបិតាសួគ៌យ៉ាងដូចម្ដេច ?

បន្ទាប់ពីចាប់ផ្ដើមបង្រៀនហើយ សូមឲ្យសិស្សឆ្លើយសំណួរនៅលើក្ដារខៀន ។ បន្ទាប់ពីសិស្សពីរបីនាក់បានឆ្លើយហើយ សូមឲ្យសិស្សម្នាក់អានឮៗ « អំពើបាប » នៅទំព័រ ៦២ នៅក្នុង ប្រកាសដំណឹងល្អរបស់យើង ។ បន្ទាប់មក សូមសួរ ៖

ហេតុអ្វីបានជាសំខាន់ដែលសាសនាគន់ការីត្រូវយល់ថាអំពើបាបគឺជាអ្វី និង លទ្ធផលរបស់វា ពីមុនរៀនអំពីដំណឹងល្អនៃព្រះយេស៊ូវគ្រីស្ទ ?

សូមសរសេរសំណួរខាងក្រោម ដាក់នៅលើក្ដារខៀន រួចឲ្យសិស្សស្វែងរកចម្លើយនៅពេលពួកគេសិក្សាអំពីចំណុច « តាមរយៈព្រះគ្រីស្ទយើងអាចជ្រះស្អាតពីអំពើបាប នៅទំព័រ ៦១–៦២ នៅក្នុង ប្រកាសដំណឹងល្អរបស់យើង ៖

តើសេចក្ដីពិតណាខ្លះ ដែលមានបង្រៀននៅក្នុងចំណុចនេះដែលអាចជួយសាសនាគន់ការី ឲ្យមានបំណងប្រាថ្នាខិតទៅកាន់តែជិតព្រះយេស៊ូវគ្រីស្ទ ?

បន្ទាប់ពីទុកពេលគ្រប់គ្រាន់ឲ្យសិស្សអានហើយ សូមឲ្យសិស្សចែកចាយអ្វីដែលពួកគេបានរកឃើញ។ ចម្លើយរបស់ពួកគេអាចរួមមានសេចក្ដីពិតដួចខាងក្រោម ៖

ព្រះបានបញ្ជូនបុត្រាដ៏ជាទីស្រឡាញ់របស់ទ្រង់ គឺព្រះយេស៊ូវគ្រីស្ទ ឲ្យមកកាន់ពិភពលោកនេះ ដើម្បីឲ្យយើងអាចមានលទ្ធភាពត្រឡប់ទៅរស់នៅក្នុងវត្តមានរបស់ទ្រង់វិញបន្ទាប់ពីយើងបានស្លាប់ទៅ ។
តាមរយៈព្រះគុណ និង សេចក្ដីមេត្តាករុណារបស់ព្រះអង្គសង្គ្រោះប៉ុណ្ណោះ ទើបយើងអាចបានស្អាតពីអំពើបាបបាន ។
តាមរយៈដង្វាយធួន និង ការមានព្រះជន្មរស់ឡើងវិញរបស់ព្រះយេស៊ូវគ្រីស្ទ មនុស្សលោកទាំងអស់នឹងត្រូវបាននាំត្រឡប់ទៅវត្តមាននៃព្រះអម្ចាស់វិញ ដើម្បីទទួលការជំនុំជម្រះ ។
គ្មានអ្វីដែលមិនស្អាតអាចអាស្រ័យនៅក្នុងវត្តមានរបស់ព្រះបានឡើយ ។
ព្រះយេស៊ូវគ្រីស្ទបានស្ថិតក្នុងស្ថានភាពរបស់យើង ហើយរងទុក្ខជំនួសអំពើបាបយើង ។
ព្រះយេស៊ូវគ្រីស្ទអត់ទោសអំពើបាបរបស់យើង នៅពេលយើងទទួលយកទ្រង់ ប្រែចិត្ត ហើយគោរពប្រតិបត្តិតាមព្រះបញ្ញត្តិទាំងឡាយ ។

បន្ទាប់មក សូមផ្ដល់ពេលវេលាឲ្យសិស្សបន្តិចដើម្បីសិក្សា ឬ គូសចំណាំវគ្គបទគម្ពីរមួយចំនួន ដែលមានរាយក្នុងបញ្ជី នៅក្នុងកថាខណ្ឌដែលពួកគេទើបតែបានអាន ឬ នៅក្នុងប្រអប់ ការសិក្សាព្រះគម្ពីរ នៅទំព័រ ដែលបង្ហាញអំពីគោលការណ៍នានាដែលពួកគេទើបតែបានរកឃើញ ។ សូមគិតដល់ការឲ្យសិស្សពាក់កណ្ដាលថ្នាក់ជ្រើសរើសវគ្គបទគម្ពីរនៅក្នុងកថាខណ្ឌដែលពួកគេទើបតែបានអាន និង សិស្សពាក់កណ្ដាលថ្នាក់ទៀតជ្រើសរើសវគ្គបទគម្ពីរនៅក្នុងប្រអប់ការសិក្សាព្រះគម្ពីរ ។ សូមឲ្យសិស្សត្រៀមខ្លួនពន្យល់អំពីរបៀបដែលពួកគេអាចប្រើវគ្គបទគម្ពីរនេះមួយ ឬ ច្រើន ដើម្បីជួយសាសនាគន់ការីយល់ ហើយមានអំណរគុណចំពោះអ្វីដែលព្រះវរបិតាសួគ៌ និង ព្រះរាជបុត្រាទ្រង់គឺព្រះយេស៊ូវគ្រីស្ទបានធ្វើ ដើម្បីជួយយើងយកឈ្នះលើឥទ្ធិពលនៃអំពើបាប ។ បន្ទាប់ពីពីរបីនាទីមក សូមឲ្យសិស្សពីរបីនាក់ ពន្យល់អ្វីដែលពួកគេបានរៀន ។

សេចក្តីជំនឿលើព្រះយេស៊ូវគ្រីស្ទ

សូមរំឮកជាមួយសិស្សអំពី សេចក្ដីថ្លែងស្ដីពីគោលបំណងរបស់អ្នកផ្សព្វផ្សាយសាសនា « គោលបំណងរបស់អ្នក » នៅទំព័រ ១ នៅក្នុង ប្រកាសដំណឹងល្អរបស់យើង ។ បន្ទាប់មក សូមសួរ ៖

តើមានភាពខុសគ្នាដូចម្ដេចរវាង (១) ការជួយនរណាម្នាក់ឲ្យ « មករកព្រះគ្រីស្ទ » ហើយប្រែចិត្តជឿទៅលើដំណឹងល្អដែលបានស្ដារឡើងវិញ និង (២) ការគ្រាន់តែជួយនរណាម្នាក់ឲ្យក្លាយទៅជាសមាជិកនៃសាសនាចក្រ ?
ហេតុអ្វីបានជាវាកាន់តែសំខាន់ទៅទៀតដែលអ្នកផ្សព្វផ្សាយត្រូវជួយមនុស្សឲ្យមករកព្រះគ្រីស្ទ ប្រសើរជាងជួយពួកគេឲ្យក្លាយជាសមាជិកនៃសាសនាចក្រ ?

សូមឲ្យសិស្សសិក្សាកថាខណ្ឌទីមួយ នៅក្នុងចំណុចក្រោមចំណងជើង « សេចក្ដីជំនឿនៅក្នុងព្រះយេស៊ូវគ្រីស្ទ » នៅទំព័រ ៦២ នៅក្នុង ប្រកាសដំណឹងល្អរបស់យើង ។ នៅពេលពួកគេសិក្សា សូមឲ្យសិស្សស្វែងរករបៀបដែលសេចក្ដីជំនឿលើព្រះយេស៊ូវគ្រីស្ទ អាចជួយបុគ្គលម្នាក់ឲ្យក្លាយជាអ្នកប្រែចិត្តជឿលើដំណឹងល្អដែលបានស្ដារឡើងវិញ ។ បន្ទាប់មក សូមសួរ ៖

ចេញពីអ្វីដែលអ្នកបានអាន តើការមានសេចក្តីជំនឿលើព្រះយេស៊ូវគ្រីស្ទ មានន័យដូចម្ដេច ?
តើសេចក្ដីជំនឿលើព្រះយេស៊ូវគ្រីស្ទ ដឹកនាំមនុស្សម្នាក់ឲ្យប្រែចិត្តជឿលើដំណឹងល្អដែលបានស្ដារឡើងវិញយ៉ាងដូចម្ដេច ?

សូមសរសេរនៅលើក្ដារខៀន ៖ សេចក្ដីជំនឿលើព្រះយេស៊ូវគ្រីស្ទ នាំទៅរកការប្រព្រឹត្ត ។ សូមឲ្យសិស្សបញ្ចប់នៅក្នុងចំណុច « សេចក្ដីជំនឿនៅក្នុងព្រះយេស៊ូវគ្រីស្ទ » នៅទំព័រ ៦២–៦៣ នៅក្នុង ប្រកាសដំណឹងល្អរបស់យើង ។ នៅពេលពួកគេអាន សូមឲ្យពួកគេគូសចំណាំការប្រព្រឹត្តមួយចំនួន ដែលបង្ហាញអំពីសេចក្ដីជំនឿរបស់បុគ្គលម្នាក់លើព្រះយេស៊ូវគ្រីស្ទ និង ដង្វាយធួនរបស់ទ្រង់ ។ លុះពីរបីនាទីក្រោយមក សូមសួរ ៖

តើការប្រព្រឹត្តណាខ្លះ ដែលអាចបង្ហាញថា សាសនាគន់ការីកំពុងបង្កើនសេចក្ដីជំនឿលើព្រះយេស៊ូវគ្រីស្ទ ? ( ចម្លើយអាចរួមមាន ៖ ការប្រែចិត្ត ការរៀន និង ការប្រែក្លាយដូចជាព្រះអង្គសង្គ្រោះ ការគោរពប្រតិបត្តិតាមព្រះបញ្ញត្តិទាំងឡាយ ការចៀសវាងពីអំពើបាប ការអធិស្ឋានទូលសុំភាពរឹងមាំដើម្បីឈ្នះលើការល្បួង ការរៀនអំពីព្រះបន្ទូលរបស់ព្រះ និង ការរក្សាការតាំងចិត្តក្នុងការធ្វើតាមគោលការណ៍ទាំងឡាយនៃដំណឹងល្អ ) ។
យោងតាមអ្វីដែលអ្នកបានអាន នៅពេលយើងប្រើសេចក្ដីជំនឿលើព្រះយេស៊ូវគ្រីស្ទ តើទ្រង់ប្រទានពរដល់យើងនៅក្នុងជីវិតប្រចាំថ្ងៃយ៉ាងដូចម្ដេច ? ( ចម្លើយអាចរួមមាន ៖ ទ្រង់ប្រទានអំណាចឲ្យយើងប្រឈមមុខនឹងឧបសគ្គនានាក្នុងជីវិត ទ្រង់ជួយយើងផ្លាស់ប្ដូរបំណងនៃដួងចិត្ត ទ្រង់ប្រោសយើងទាំងខាងសាច់ឈាម និង ខាងវិញ្ញាណ ) ។

សូមឲ្យសិស្សសរសេរចម្លើយទាំងឡាយ នៅក្នុងសៀវភៅកំណត់ហេតុការសិក្សារបស់ខ្លួន ៖

តើសេចក្ដីជំនឿរបស់អ្នកលើព្រះយេស៊ូវគ្រីស្ទ បានជំរុញចិត្តអ្នកឲ្យប្រព្រឹត្តទៅតាមរបៀបដែលមានពិពណ៌នានៅក្នុងចំណុចនេះយ៉ាងដូចម្ដេច ?
តើអ្នកអាចធ្វើអ្វីទៀត ដើម្បីបង្ហាញឲ្យបានកាន់តែច្បាស់ថា អ្នកមានសេចក្ដីជំនឿលើព្រះយេស៊ូវគ្រីស្ទ ?

សូមបែងចែកសិស្សជាដៃគូ ។ សូមឲ្យដៃគូទាំងអស់រៀបចំមេរៀនរយៈពេលពីរបីនាទី អំពីសេចក្ដីជំនឿលើព្រះយេស៊ូវគ្រីស្ទ ។ នៅពេលពួកគេរៀបចំមេរៀន សូមឲ្យសិស្សប្រើធនធានដែលមាននៅក្នុង ប្រកាសដំណឹងល្អរបស់យើង នៅទំព័រ ៦២–៦៣ រួមទាំងវគ្គបទគម្ពីរចេញពីប្រអប់ ការសិក្សាព្រះគម្ពីរ ។ សិស្សក៏អាចប្រើកូនសៀវភៅអ្នកផ្សព្វផ្សាយសាសនាចំណងជើង ដំណឹងល្អនៃព្រះយេស៊ូវគ្រីស្ទដែរ ។ បន្ទាប់ពីសិស្សបានមានពេលគ្រប់គ្រាន់ដើម្បីរៀបចំហើយ សូមចាត់ដៃគូជាក្រុមៗដែលមានសមាជិកបួននាក់ ( ពីរដៃគូក្នុងក្រុមនីមួយៗ ) ។ សូមចាត់ដៃគូមួយឲ្យបង្រៀនដៃគូមួយទៀត ។ សូមពន្យល់ថាពួកគេគួរតែប្រើពាក្យពេចន៍ផ្ទាល់ខ្លួន ហើយសាមញ្ញ និង ច្បាស់លាស់នៅពេលពួកគេបង្រៀន ។

នៅពេលសិស្សបញ្ចប់បទពិសោធន៍បង្រៀនរបស់ពួកគេហើយ សូមឲ្យក្រុមតូចៗពិភាក្សាគ្នាអំពីអ្វីដែលបានដំណើរការទៅដោយរលូន អំពីអ្វីដែលពួកគេបានទទួលអារម្មណ៍ថាមានការលំបាកក្នុងបង្រៀនព្រមទាំងមូលហេតុរបស់វា និង អំពីរបៀបដែលការបង្រៀនរបស់ពួកគេបានជួយដល់អ្នកដែលពួកគេបង្រៀនឲ្យដឹងអំពីសារៈសំខាន់នៃការមានសេចក្ដីជំនឿលើព្រះយេស៊ូវគ្រីស្ទ ។

ក្រោយមក សូមប្ដូរតួនាទី ហើយអនុញ្ញាតឲ្យដៃគូមួយទៀតបង្រៀន ។ សូមប្រាកដថា អ្នកក៏ផ្ដល់ពេលឲ្យពួកគេទទួលមតិកែលម្អដែរ ។

នៅចុងបញ្ចប់នៃសកម្មភាពអនុវត្តនេះ សូមសួរសិស្សថាតើពួកគេមានចម្ងល់អ្វីខ្លះ ឬ ថាតើពួកគេបានបង្កើនការយល់ដឹងដូចម្ដេចខ្លះ ។ ប្រសិនបើសិស្សស្ទាក់ស្ទើរក្នុងការឆ្លើយ អ្នកអាចសួរថា « តើអ្នកចូលចិត្តអ្វីខ្លះ អំពីអ្វីដែលអ្នកបានឮពីមនុស្សដែលអ្នកបានបង្រៀន ? សូមសួរថាតើមានសិស្សណាខ្លះ ចង់ចែកចាយជាមួយមិត្តរួមថ្នាក់ អំពីបទពិសោធន៍មួយចេញពីជីវិតរបស់ពួកគេនៅពេលពួកគេត្រូវបានប្រទានពរ ដោយសារការមានសេចក្ដីជំនឿលើព្រះយេស៊ូវគ្រីស្ទដែរឬទេ ។

ការប្រែចិត្ត

សូមបង្ហាញរូបភាព អាលម៉ា និង បុត្រារបស់ម៉ូសាយ ( សូមមើល សៀវភៅរូបភាពដំណឹងល្អ ទំព័រ ៧៧ ) រួចឲ្យសិស្សសង្ខេបយ៉ាងខ្លីអំពីដំណើររឿងនៃការប្រែចិត្តជឿរបស់អាលម៉ាជាកូន ( សូមមើល អាលម៉ា ៣៦:៦–២៤ ) ។ បន្ទាប់មក សូមឲ្យសិស្សពីរបីនាក់ដាក់វេនគ្នាអានៗនៅក្នុង អាលម៉ា ៣៦:១៣, ១៧–២១ និង ២៣–២៥ ។

ទេវតាជាមួយនឹងអាលម៉ា និង បុត្រារបស់ម៉ូសាយ

បន្ទាប់មក សូមសួរ ៖

តើអាលម៉ាបានបង្ហាញថា គាត់មានសេចក្ដីជំនឿលើព្រះយេស៊ូវគ្រីស្ទយ៉ាងដូចម្ដេច ?
តើអ្វីបានកើតឡើងជាលទ្ធផលមកពី ការបង្ហាញសេចក្ដីជំនឿរបស់អាលម៉ា ?
តើលទ្ធផលមកពីការប្រែចិត្តដ៏ស្មោះរបស់អាលម៉ា ស្ដែងចេញជាអ្វីខ្លះ ?

ចម្លើយវិជ្ជមាន ។ នៅពេលសិស្សឆ្លើយ គ្រូគួរតែទទួលស្គាល់តាមរបៀបមួយដ៏វិជ្ជមាន ។ ការធ្វើបែបនេះអាចជាការពោលពាក្យថា « សូមអរគុណ » ដោយសាមញ្ញ ឬផ្ដល់យោបល់មួយដែលអាចទទួលយកបានទាក់ទងនឹងចម្លើយនោះ ។ នៅពេលសិស្សឆ្លើយខុស គ្រូអាចសួរសំណួរឡើងវិញ ដើម្បីផ្ដល់ឱកាសឲ្យសិស្សឆ្លើយម្ដងទៀត ។ គ្រូគួរតែបង្កើតបរិយាកាសថ្នាក់រៀនដែលមានទំនុកចិត្ត ដើម្បីឲ្យសិស្សទាំងអស់មានអារម្មណ៍កក់ក្ដៅ ក្នុងការចែកចាយគំនិត និង អារម្មណ៍របស់ខ្លួន ។

សូមផ្ដល់ពេលវេលាបន្តិចឲ្យសិស្សសរសេរនៅក្នុងសៀវភៅកំណត់ហេតុការសិក្សារបស់ខ្លួន នូវឃ្លាមួយប្រយោគអំពីនិយមន័យនៃការប្រែចិត្ត ។ សូមឲ្យសិស្សបីបួននាក់អានប្រយោគរបស់ពួកគេដល់មិត្តរួមថ្នាក់ ។ ដើម្បីជួយសិស្សចងចាំនៅក្នុងគំនិតរបស់ខ្លួនអំពីនិយមន័យដ៏សាមញ្ញនៃការប្រែចិត្ត សូមបង្ហាញសេចក្ដីថ្លែងការណ៍ខាងក្រោម ដោយ អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ រួចឲ្យសិស្សម្នាក់អានវាឮៗ ៖

« នៅពេលយើងប្រព្រឹត្តបាប យើងបែកឆ្ងាយចេញពីព្រះ ។ នៅពេលយើងប្រែចិត្ត យើងត្រឡប់មករកព្រះវិញ ។ …

« … ការប្រែចិត្តគឺជាការបែកឆ្ងាយពីកិច្ចការមួយចំនួនដូចជា ភាពមិនស្មោះត្រង់ ភាពឆ្មើងឆ្មៃ សេចក្ដីក្រោធ និង គំនិតមិនស្អាតស្អំ ហើយបែរទៅរកកិច្ចការមួយចំនួនវិញមានដូចជា ការមានសណ្ដានចិត្តល្អ ភាពមិនអាត្មានិយម ការអត់ធ្មត់ និង ជីវភាពខាងផ្លូវវិញ្ញាណ ។ វាគឺជា « ការត្រឡប់ទៅរកព្រះ » វិញ ( « Repent … That I May Heal You » Ensign ឬ Liahona ខែ វិច្ឆិកា ឆ្នាំ ២០០៩ ទំព័រ ៤០–៤១ ) ។

តើនិយមន័យដ៏សាមញ្ញនេះ អាចជួយអ្នកឲ្យពន្យល់អំពីអត្ថន័យនៃការប្រែចិត្តបានយ៉ាងដូចម្ដេច ? ( បន្ទាប់ពីសិស្សឆ្លើយរួច សូមសរសេរគោលការណ៍នេះនៅលើក្ដារខៀន ៖ ការប្រែចិត្តគឺជាការត្រឡប់ទៅរកព្រះវិញ ) ។

ដើម្បីជួយសិស្សឲ្យយល់កាន់តែច្បាស់អំពីដំណើរការ និង លទ្ធផលនៃការប្រែចិត្ត សូមគិតដល់ការឲ្យសិស្សសិក្សា ម៉ូសាយ ៣:១៩, ៤:១–៣ និង ៥:២ ។ នៅពេលពួកគេសិក្សា សូមឲ្យសិស្សស្វែងរកពាក្យ និង ឃ្លាដែលជួយកំណត់អត្ថន័យថាតើការប្រែចិត្តមានន័យដូចម្ដេច ? បន្ទាប់ពីបានទុកពេលឲ្យគ្រប់គ្រាន់ហើយ សូមឲ្យសិស្សពីរបីនាក់ពន្យល់ដល់មិត្តរួមថ្នាក់អំពីអ្វីដែលពួកគេបានរកឃើញ ។ បន្ទាប់មក សូមសួរ ៖

តើមានភស្ដុតាងអ្វីដែលអ្នកឃើញនៅក្នុងខគម្ពីរទាំងនេះ ដែលបង្ហាញថាប្រជារាស្ត្ររបស់ស្ដេចបេនយ៉ាមីនបានអនុវត្តសេចក្ដីជំនឿលើព្រះយេស៊ូវគ្រីស្ទ ដើម្បីឲ្យបានទទួលការអត់ទោសនៅទីបំផុត ?

សូមចែកក្រដាសដែលមានតារាងដូចខាងក្រោម ឬ គូរតារាងនេះនៅលើក្ដារខៀន រួចឲ្យសិស្សចម្លងចូលទៅក្នុងសៀវភៅកំណត់ហេតុការសិក្សារបស់ពួកគេ ៖

តើការប្រែចិត្តគឺជាអ្វី ?	តើយើងប្រែចិត្តតាមរបៀបណា ?	តើផលផ្លែ ឬ ភស្ដុតាងនៃការប្រែចិត្តគឺជាអ្វី ?
ផ្លាស់ប្ដូរក្នុងគំនិត ជំនឿ អាកប្បកិរិយា	មានអារម្មណ៍វិប្បដិសារី និង សោកស្ដាយដ៏ធំ	ទទួលយកសេចក្ដីមេត្តាករុណារបស់ព្រះគ្រីស្ទ

សូមឲ្យសិស្សសិក្សាចំណុចក្រោមចំណងជើង « ការប្រែចិត្ត » នៅទំព័រ ៦៣–៦៤ នៅក្នុង ប្រកាសដំណឹងល្អរបស់យើង ។ នៅពេលពួកគេអាន សូមឲ្យសិស្សបំពេញតារាងរបស់ពួកគេ ក្រដាសចែកដោយប្រើពាក្យ ឃ្លា ឬ ប្រយោគចេញពី ប្រកាសដំណឹងល្អរបស់យើង ។ ដើម្បីជួយសិស្សឃើញប្រភេទនៃឃ្លាដែលពួកគេអាចសរសេរបញ្ចូល មានឧទាហរណ៍មួយត្រូវបានផ្ដល់ឲ្យនៅក្នុងតារាងនីមួយៗ ។ នៅពេលធ្វើចប់ហើយ តារាងរបស់ពួកគេអាចមើលទៅដូចខាងក្រោម ៖

តើការប្រែចិត្តគឺជាអ្វី ?	តើយើងប្រែចិត្តតាមរបៀបណា ?	តើផលផ្លែ ឬ ភស្ដុតាងនៃការប្រែចិត្តគឺជាអ្វី ?
ផ្លាស់ប្ដូរក្នុងគំនិត ជំនឿ អាកប្បកិរិយា ការយល់ឃើញថ្មីអំពីខ្លួនឯង ព្រះ និង ពិភពលោក ធ្វើឲ្យជីវិតរបស់យើងសមស្របទៅនឹងព្រះឆន្ទៈរបស់ព្រះ បែរចេញឲ្យឆ្ងាយពីអំពើបាប ហើយកុំប្រព្រឹត្តវាទៀតឲ្យសោះ ។ ព្យាយាមកែប្រែពីអំពើរំលង ហើយពង្រីកពង្រឹងបន្ថែមជានិច្ច ។	មានអារម្មណ៍ថាមានវិប្បដិសារី និង សោកស្ដាយដ៏ធំ បញ្ឈប់អំពើខុសឆ្គងទាំងឡាយ បន្តធ្វើអំពើដ៏ត្រឹមត្រូវ ទទួលស្គាល់អំពើបាប សារភាពអំពើបាប សូមការអភ័យទោសបាប ដោះស្រាយបញ្ហាទាំងឡាយ ដែលអាចបណ្ដាលមកពីទង្វើរបស់យើង ចៀសវាងពីបំណងចង់ប្រព្រឹត្តបាប បង្កើនគុណសម្បត្តិដូចជាព្រះគ្រីស្ទ ពង្រីកការចេះដឹង បម្រើ បង្ហាញសេចក្ដីស្រឡាញ់ចំពោះព្រះដោយការគោរពប្រតិបត្តិ	ទទួលយកសេចក្ដីមេត្តាករុណារបស់ព្រះគ្រីស្ទ ការយល់ឃើញអំពីខ្លួនឯង ហើយពិភពលោកផ្លាស់ប្ដូរ យល់អំពីទំនាក់ទំនងរបស់យើងជាមួយព្រះ បំណងប្រាថ្នាចង់ដើរតាមព្រះ រីកចម្រើនកាន់តែខ្លាំងឡើង ទទួលអារម្មណ៍ថាបានអត់ទោសពីព្រះ ទទួលអារម្មណ៍ថាមានភាពសុខសាន្តពីព្រះ កំហុស និង ការឈឺចាប់រលាយសាបសូន្យអស់ទៅ ។ ខ្ញុំទទួលអារម្មណ៍ពីព្រះវិញ្ញាណកាន់តែបរិបូរណ៍ក្រៃលែង ត្រៀមខ្លួនកាន់តែរួចរាល់ដើម្បីទៅរស់នៅជាមួយព្រះ និង ព្រះយេស៊ូវគ្រីស្ទ ប្រែក្លាយកាន់តែដូចជាព្រះយេស៊ូវ មានអំណរ

តើការប្រែចិត្តគឺជាអ្វី ?

តើយើងប្រែចិត្តតាមរបៀបណា ?

តើផលផ្លែ ឬ ភស្ដុតាងនៃការប្រែចិត្តគឺជាអ្វី ?

ផ្លាស់ប្ដូរក្នុងគំនិត ជំនឿ អាកប្បកិរិយា

ការយល់ឃើញថ្មីអំពីខ្លួនឯង ព្រះ និង ពិភពលោក

ធ្វើឲ្យជីវិតរបស់យើងសមស្របទៅនឹងព្រះឆន្ទៈរបស់ព្រះ

បែរចេញឲ្យឆ្ងាយពីអំពើបាប ហើយកុំប្រព្រឹត្តវាទៀតឲ្យសោះ ។

ព្យាយាមកែប្រែពីអំពើរំលង ហើយពង្រីកពង្រឹងបន្ថែមជានិច្ច ។

មានអារម្មណ៍ថាមានវិប្បដិសារី និង សោកស្ដាយដ៏ធំ

បញ្ឈប់អំពើខុសឆ្គងទាំងឡាយ

បន្តធ្វើអំពើដ៏ត្រឹមត្រូវ

ទទួលស្គាល់អំពើបាប

សារភាពអំពើបាប

សូមការអភ័យទោសបាប

ដោះស្រាយបញ្ហាទាំងឡាយ ដែលអាចបណ្ដាលមកពីទង្វើរបស់យើង

ចៀសវាងពីបំណងចង់ប្រព្រឹត្តបាប

បង្កើនគុណសម្បត្តិដូចជាព្រះគ្រីស្ទ ពង្រីកការចេះដឹង បម្រើ

បង្ហាញសេចក្ដីស្រឡាញ់ចំពោះព្រះដោយការគោរពប្រតិបត្តិ

ទទួលយកសេចក្ដីមេត្តាករុណារបស់ព្រះគ្រីស្ទ

ការយល់ឃើញអំពីខ្លួនឯង ហើយពិភពលោកផ្លាស់ប្ដូរ

យល់អំពីទំនាក់ទំនងរបស់យើងជាមួយព្រះ

បំណងប្រាថ្នាចង់ដើរតាមព្រះ រីកចម្រើនកាន់តែខ្លាំងឡើង

ទទួលអារម្មណ៍ថាបានអត់ទោសពីព្រះ

ទទួលអារម្មណ៍ថាមានភាពសុខសាន្តពីព្រះ

កំហុស និង ការឈឺចាប់រលាយសាបសូន្យអស់ទៅ ។

ខ្ញុំទទួលអារម្មណ៍ពីព្រះវិញ្ញាណកាន់តែបរិបូរណ៍ក្រៃលែង

ត្រៀមខ្លួនកាន់តែរួចរាល់ដើម្បីទៅរស់នៅជាមួយព្រះ និង ព្រះយេស៊ូវគ្រីស្ទ

ប្រែក្លាយកាន់តែដូចជាព្រះយេស៊ូវ

មានអំណរ

យល់ដឹងពីគោលលទ្ធិ និង គោលការណ៍ នៅពេលសិស្សពិតជាយល់អំពីគោលលទ្ធិ និង គោលការណ៍មួយ ពួកគេអាចធ្វើកាន់តែប្រសើរជាងគ្រាន់តែផ្ដល់និយមន័យរបស់វាទៅទៀត ។ ពួកគេក៏អាចយល់អំពីរបៀបដែលគោលលទ្ធិ និង គោលការណ៍នេះអាចមានឥទ្ធិពលលើជីវិតរបស់ពួកគេដែរ ។ នៅពេលសិស្សរកឃើញ ហើយយល់គោលលទ្ធិ ឬ គោលការណ៍មួយ ពួកគេអាចអនុវត្តវាបានកាន់តែប្រសើរ ។ គ្រូអាចជួយសិស្សឲ្យយល់កាន់តែច្បាស់អំពី គោលលទ្ធិ និង គោលការណ៍នានា ដោយការសួរសំណួរ ដែលនាំឲ្យសិស្សវិភាគអ្វីដែលពួកគេបានសិក្សា ។

បន្ទាប់ពីឲ្យពេលសិស្សគ្រប់គ្រាន់ដើម្បីបំពេញតារាងខ្លួនហើយ សូមឲ្យសិស្សពិភាក្សាជាមួយគ្នាអំពីឃ្លា និង ពាក្យដែលពួកគេបានសរសរបញ្ចូលទៅក្នុងតារាងរបស់ពួកគេ ។ សូមគិតដល់ការសួរសំណួរមួយចំនួន ឬ ទាំងអស់ខាងក្រោមនេះ ដើម្បីពង្រឹងការយល់ដឹងអំពីគោលលទ្ធិ និង គោលការណ៍ដែលពួកគេបានអាន ៖

តើគោលការណ៍ដែលអ្នកបានរកឃើញនៅក្នុងតារាងទីមួយ និង ទីពីរ អាចជួយអ្នកដឹងថាតើសាសនាគន់ការីពិតជាកំពុងប្រែចិត្តតាមរបៀបណា ?
យោងតាមអ្វីដែលអ្នកបានសរសរនៅក្នុងតារាងទីបី តើពរជ័យអ្វីខ្លះ ដែលបានមកពីការប្រែចិត្ត បន្ថែមពីលើការទទួលបានការអត់ទោសបាប ?
សូមពិចារណាអំពីអ្វីៗដែលមាននៅក្នុង តារាងទីមួយ និង ទីបី ។ ហេតុអ្វីបានជាយើងត្រូវតែមានសេចក្ដីជំនឿលើព្រះគ្រីស្ទ ប្រសិនបើការណ៍ទាំងនេះពិតជាកំពុងកើតឡើងមែននោះ ?

នៅពេលសិស្សឆ្លើយ អ្នកអាចចង្អុលបង្ហាញថា អ្នកផ្សព្វផ្សាយសាសនាបង្រៀនដំណឹងល្អដើម្បីជួយមនុស្សស្ថាបនាសេចក្ដីជំនឿលើព្រះយេស៊ូវគ្រីស្ទ ហើយជំរុញចិត្តឲ្យពួកគេប្រែចិត្ត ។ សេចក្ដីជំនឿលើព្រះគ្រីស្ទ និង ការប្រែចិត្តគឺជាលក្ខខណ្ឌដើម្បីឆ្ពោះទៅរកដង្វាយធួន ។ ការប្រែចិត្តក៏នឹងជួយសាសនាគន់ការី ឲ្យខិតទៅកាន់តែជិតព្រះវរបិតាសួគ៌ និង ព្រះយេស៊ូវគ្រីស្ទដែរ ។ ដើម្បីរៀបចំសិស្សឲ្យអនុវត្តការបង្រៀនអំពីការប្រែចិត្ត សូមចែកចាយសេណារីយ៉ូដូចខាងក្រោមជាមួយសិស្ស ៖

អ្នក និង ដៃគូរបស់អ្នក បានបង្រៀនមិត្តរួមថ្នាក់ចំនួនពីរនាក់អស់រយៈពេលប្រហែលបីសប្ដាហ៍ ។ ម្នាក់ក្នុងចំណោមពួកគេ រីកចម្រើនយ៉ាងឆាប់រហ័ស ។ មិត្តរួមថ្នាក់ដទៃទៀត ហាក់ដូចជាបាត់បង់ចំណាប់អារម្មណ៍ ហើយបានចាកចេញពីថ្នាក់រៀននៅពេលអ្នកចាប់ផ្ដើមបង្រៀន ។ នៅទីបំផុត នៅពេលអ្នកមានឱកាសសួរសំណួរមិត្តរួមថ្នាក់ដែលពុំចាប់អារម្មណ៍នោះ គាត់ពន្យល់ថា គាត់ដឹងថាសព្វថ្ងៃនេះ គាត់ពុំរស់នៅស្របតាមព្រះហឬទ័យព្រះនោះទេ ប៉ុន្តែគាត់បានរស់នៅដូចនេះពេញមួយជីវិតហើយ ថែមទាំងបានកំណត់ផ្នត់គំនិតមួយថាគាត់គឺជាមនុស្សបែបនេះហើយ គ្មានអ្វីច្រើនទៀតដែលអាចកែប្រែបានឡើយ ។

សូមបែងចែកសិស្សជាដៃគូ ។ សូមផ្ដល់ពេលវេលាគ្រប់គ្រាន់ឲ្យដៃគូនីមួយៗ រៀបចំរបៀបដែលពួកគេធ្វើការជាមួយគ្នាដើម្បីបង្រៀនដៃគូមួយទៀត ក្នុងរយៈពេលខ្លីតែបីទៅបួននាទី អំពីការប្រែចិត្ត ។ សូមលើកទឹកចិត្តសិស្សឲ្យត្រៀមខ្លួនសម្ដែងការបង្រៀនដល់មិត្តរួមថ្នាក់នៅក្នុងទិដ្ឋភាពដែលបានលើកឡើង ។ សូមពន្យល់ថា ការបង្រៀនរបស់ពួកគេគួរតែសាមញ្ញ ច្បាស់លាស់ ហើយផ្ដោតអារម្មណ៍ទៅលើតម្រូវការរបស់មិត្តរួមថ្នាក់ ។ ពួកគេគួរតែពិចារណាអំពីរបៀបដែលពួកគេអាចជួយមិត្តរួមថ្នាក់ដែលពុំចាប់អារម្មណ៍នោះ ឲ្យយល់អំពីមូលហេតុដែលគាត់ត្រូវកែប្រែ ហើយអំពីរបៀបជួយគាត់ឲ្យទទួលស្គាល់ថា ដោយមានជំនួយពីព្រះអង្គសង្គ្រោះ ការប្រែចិត្តអាចកើតមានឡើងបាន ។ សូមឲ្យសិស្សប្រើធនធាននៅក្នុង ប្រកាសដំណឹងល្អរបស់យើងទំព័រ ៦៣–៦៤ ឬ កូនសៀវភៅអ្នកផ្សព្វផ្សាយសាសនាចំណងជើង ដំណឹងល្អនៃព្រះយេស៊ូវគ្រីស្ទ ។ សូមលើកទឹកចិត្តសិស្សឲ្យបញ្ចូលវគ្គបទគម្ពីរមួយ ឬ ពីរ ដើម្បីបង្ហាញអំពីសារៈសំខាន់នៃការប្រែចិត្ត ។

សូមរៀបចំសិស្សជាក្រុមតូចៗ ដោយមានដៃគូចំនួនពីរក្នុងក្រុមនីមួយៗ ។ សូមចាត់តាំងដៃគូមួយឲ្យបង្រៀនដៃគូមួយទៀត ដែលនឹងដើរតួជាមិត្តរួមថ្នាក់ដែលបានពិពណ៌នានៅក្នុងទិដ្ឋភាពនោះ ។ សូមពន្យល់សិស្សថា នៅពេលពួកគេដើរតួជាសាសនាគនការី ពួកគេគួរតែកុំស្ទាក់ស្ទើរក្នុងការបង្ហាញកង្វល់ដែលអាចមានដោយស្មោះត្រង់ ប៉ុន្តែមិនគួរព្យាយាមធ្វើឲ្យមានអារម្មណ៍សោកនាដកម្ម ឬ ជម្លោះដល់សិស្សដែលជាអ្នកបង្រៀននោះឡើយ ។

នៅពេលសិស្សបញ្ចប់ការបង្រៀនរបស់ខ្លួន សូមឲ្យក្រុមពិភាក្សាក្នុងចំណោមពួកគេអំពីអ្វីដែលដំណើរការដោយរលូន និង អ្វីដែលគ្រូអាចជួយឲ្យបានកាន់តែប្រសើរ ។

ក្រោយមក សូមឲ្យសិស្សប្ដូរតួនាទីគ្នា ដើម្បីឲ្យដៃគូមួយទៀតមានឱកាសបង្រៀនសិស្សដែលបានមានបទពិសោធន៍បង្រៀនរួចហើយម្ដង ។ សូមប្រាកដថា ពួកគេមានពេលវេលាទទួលមតិកែលម្អ ។

បន្ទាប់ពីបានដើរតួសម្ដែងហើយ សូមសួរថាតើសំណួរ ឬ ការយល់ដឹងបែបណាដែលពួកគេទទួលពីបទពិសោធន៍នៃការបង្រៀននោះ ។

ដើម្បីជួយសិស្សដឹងសេចក្ដីពិត និង សារៈសំខាន់នៃការប្រែចិត្ត គឺជាការដែលមនុស្សត្រឡប់ទៅរកព្រះវិញ សូមបង្ហាញវីដេអូ « Jesus Christ Is the Way » ( នាទីទី ៥:០២ ) ។

បន្ទាប់ពីមើលរួច សូមសួរ ៖

តើមានភស្ដុតាងអ្វីខ្លះដែលអ្នកឃើញនៅក្នុងវីដេអូនេះ ដែលបង្ហាញថាបងស្រីរូបនេះបានកែប្រែតាមរយៈការប្រែចិត្ត ហើយថាគាត់បានត្រឡប់ទៅរកព្រះវិញ ?
តើអ្នកមានអារម្មណ៍ដូចម្ដេច នៅពេលអ្នកបានឃើញរបៀបដែលសារលិខិតនៃដំណឹងល្អបានជួយបងស្រីរូបនេះកែប្រែ ហើយត្រឡប់ទៅរកព្រះវិញ ?

សូមបញ្ចប់ការបង្រៀនដោយសួរសិស្សថាតើមាននរណាម្នាក់ដែលចង់ចែកចាយទីបន្ទាល់របស់ខ្លួនអំពីអំណាចនៃសេចក្ដីជំនឿ ការប្រែចិត្ត និង ឬចង់ថ្លែងអំពីមូលហេតុដែលពួកគេចង់ចែកចាយដំណឹងល្អដែរឬទេ ។ សូមបញ្ចប់ការបង្រៀនដោយចែកចាយទីបន្ទាល់របស់អ្នកផងដែរ ។

ការអញ្ជើញឲ្យអនុវត្ត

សូមឲ្យសិស្សរៀនបន្ថែមអំពីពរជ័យនៃការមានសេចក្ដីជំនឿលើព្រះយេស៊ូវគ្រីស្ទ និង ការទទួលបានការអត់ទោសបាប និង អំណរតាមរយៈការប្រែចិត្ត ដោយធ្វើសកម្មភាពខាងក្រោមនេះមួយ ឬ ច្រើន ៖

បង្រៀនមេរៀនមួយនៅក្នុងរាត្រីជួបជុំក្រុមគ្រួសារ អំពីសារៈសំខាន់នៃសេចក្ដីជំនឿលើព្រះយេស៊ូវគ្រីស្ទ និង ការប្រែចិត្ត ។
សិក្សាវគ្គបទគម្ពីរអំពីសេចក្ដីជំនឿ ដែលមាននៅក្នុងប្រអប់ ការសិក្សាព្រះគម្ពីរ ទំព័រ៦២ នៅក្នុង ប្រកាសដំណឹងល្អរបស់យើង ។ គូសចំណាំ ឬ ផាត់ពណ៌លើវគ្គបទគម្ពីរណាដែលអ្នកចង់បង្រៀនមនុស្សទូទៅអំពីបេសកកម្មរបស់អ្នក ។
ប្រើ សេចក្ដីណែនាំដល់បទគម្ពីរទាំងឡាយ និង ប្រសាសន៍របស់ពួកព្យាការី និង សាវកសម័យទំនើប ដើម្បីសិក្សាអំពីគោលលទ្ធិនៃការប្រែចិត្ត ។ កត់ត្រាអ្វីដែលអ្នកបានរៀន ដាក់នៅក្នុងសៀវភៅកំណត់ហេតុការសិក្សារបស់អ្នក ។ ពិចារណាថាតើអ្នកមានទីបន្ទាល់អំពីគោលលទ្ធិនេះ ដែលអ្នកអាចចែកចាយជាមួយមនុស្សទូទៅក្នុងបេសកកម្មរបស់អ្នកដែរឬទេ ។ ពង្រឹងសេចក្ដីជំនឿរបស់អ្នកទៅលើគោលការណ៍នៃការប្រែចិត្ត តាមរយៈការប្រែចិត្តជារៀងរាល់ថ្ងៃ ហើយកត់ត្រាបទពិសោធន៍របស់អ្នកនៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ។
ប្រើប្រាស់ឧបករណ៍នៅលើអ៊ិនធើរណិតមានដូចជា ប្រព័ន្ធផ្សព្វផ្សាយសង្គមដើម្បីចុះផ្សាយវីដេអូ « Jesus Christ Is the Way » ( វីដេអូផ្សេងទៀតអំពីព្រះអង្គសង្គ្រោះ និង ដង្វាយធួនរបស់ទ្រង់ ) ដើម្បីឲ្យមនុស្សទូទៅអាចមើលបាន ។ សរសេរបញ្ចូលការពន្យល់មួយអំពីមូលហេតុ ដែលវីដេអូនេះមានន័យចំពោះអ្នក ។