“ʻIlaisa mo e Kau Tau ʻa e ʻEikí,” Ngaahi Talanoa ʻo e Fuakava Motuʻá (2022)
“ʻIlaisa mo e Kau Tau ʻa e ʻEikí,” Ngaahi Talanoa ʻo e Fuakava Motuʻá
ʻIlaisa mo e Kau Tau ʻa e ʻEikí
Ko e ngaahi saliote afi ʻa e ʻEikí
Naʻe ʻikai saiʻia e kakai Sīliá ʻi he kau ʻIsilelí. Naʻe fekauʻi atu ʻe he tuʻi Sīliá ʻene kau taú ke puke pōpula ʻa ʻIlaisa ko e palōfitá. ʻI he poʻulí, naʻe ʻātakaiʻi ʻe he kau taú e kolo naʻe ʻi ai ʻa ʻIlaisá.
Naʻe ʻā hake e tamaioʻeiki kei talavou ʻa ʻIlaisá ʻo ne mamata ki he kau tau Sīliá. Naʻá ne fehuʻi kia ʻIlaisa pe ko e hā e meʻa ʻoku totonu ke na faí. Naʻe talaange ʻe ʻIlaisa ki he kiʻi talavoú ke ʻoua ʻe manavahē. Naʻá ne pehē ʻoku tokolahi ange e kau tau ʻoku tau maʻanautolú ʻi he kau tau ʻoku nau tauʻi kinautolú.
Naʻe kole ʻa ʻIlaisa ki he ʻEikí ke fakahā ki he talavoú ʻa e meʻa naʻe mamata ki ai ʻa ʻIlaisá. Naʻe fakahā ange ʻe he ʻEikí ha kau tau fakalangi mo ha fanga hoosi mo ha saliote afi ke maluʻi kinautolu. Naʻe fakakuihi ʻa e kau tau Sīliá ʻe he mālohi ʻo e ʻOtuá. Naʻe ʻikai ke nau toe tauʻi e kakai ʻIsilelí.