“ʻĪsaia ko e Palōfitá,” Ngaahi Talanoa ʻo e Fuakava Motuʻá (2022)
“ʻĪsaia ko e Palōfitá,” Ngaahi Talanoa ʻo e Fuakava Motuʻá
ʻĪsaia 6–7; 9; 53–54
ʻĪsaia ko e Palōfitá
Ngaahi kikite fekauʻaki mo e ʻEiki ko Sīsū Kalaisí
Naʻe tuʻo lahi hono ikunaʻi ʻo e kakai ʻIsilelí pea naʻa nau fie maʻu ke maluʻi kinautolu ʻe he ʻEikí. ʻI he ʻaho ʻe taha he temipalé, ne ui ʻe he ʻEikí ha tangata ko hono hingoá ko ʻĪsaia ke akoʻi e kakaí fekauʻaki mo e hāʻele mai ʻa Sīsū Kalaisí. Naʻe ʻofa ʻa ʻĪsaia ʻi he kakaí peá ne akoʻi kinautolu fekauʻaki mo e founga ʻe lava ai ʻe Kalaisi ʻo fakamoʻui kinautolú.
Naʻe ʻilo ʻe ʻĪsaia ʻe hāʻele mai ʻa Sīsū Kalaisi ʻi ha ʻaho ke fakahaofi Hono kakaí mei he angahalá. Ka he ʻikai ʻiloʻi ʻe he taha kotoa ko honau Fakamoʻuí Ia. Naʻe loto mamahi ʻaupito ʻa ʻĪsaia koeʻuhí naʻá ne ʻiloʻi he ʻikai tui ha kakai tokolahi kia Sīsū Kalaisi.
Ka naʻe kikiteʻi foki ʻe ʻĪsaia e Hāʻele ʻAnga Ua Mai ʻa Sīsū Kalaisí. ʻE liuaki mai ʻa Sīsū Kalaisi pea hoko ko e Tuʻi ʻo e māmaní kotoa. Te Ne toe hāʻele mai ʻo fakahoko e palani ʻa ʻEne Tamaí ʻaki ʻEne ʻomi ʻa e angaʻofá mo e melinó ʻo taʻengata. Naʻe pehē ʻe ʻĪsaia ʻe ʻiloʻi ʻe he taha kotoa ko Sīsū Kalaisi ʻa honau Fakamoʻuí.