“Ko Noa mo Hono Fāmilí,” Ngaahi Talanoa ʻo e Fuakava Motuʻá (2022)
“Ko Noa mo Hono Fāmilí,” Ngaahi Talanoa ʻo e Fuakava Motuʻá
Sēnesi 6–9; Mōsese 8
Ko Noa mo Hono Fāmilí
Ko ha ‘aʻake, lōmaki, mo e ngaahi talaʻofa ʻa e ‘Eikí
Na‘e talangofua ʻa Noa mo hono fāmilí ki he ‘Eikí. Na‘e faiangahala ʻaupito ‘a e toenga ʻo e kakaí kotoa. Na‘e folofola ʻa e ‘Eikí kia Noa ‘e kāpui ʻe ha lōmaki ‘a e māmaní kapau he ‘ikai fakatomala ʻa e kakaí.
Na‘e akoʻi ‘e Noa ki he kakaí, ʻoku ‘ofeina kinautolu ʻe he ‘Eikí peá Ne finangalo ke nau fakatomala pea tui kia Sīsū Kalaisi. Naʻe ʻikai ke nau fie fanongo.
Na‘e loto-mamahi ʻa Noa he ‘ikai fakatomala ʻa e kakaí. Naʻe folofola ʻa e ʻOtuá kia Noa ke ne foʻu ha vaka lahi ne ui ko ha ʻaʻake. ʻE maluʻi ʻe he ʻaʻaké ʻa e fāmili ʻo Noá he lolotonga ʻa e lōmakí.
Na‘e ʻomi ‘e he fāmili ʻo Noá ‘a e meʻakai ki he ‘aʻaké. Na‘e fekauʻi ‘e he ʻEikí ha monumanu ʻe ua ‘o e faʻahinga kotoa pē kia Noa. Na‘e hū ‘a e fanga monumanú ki he ʻa‘aké, pea hili ha ʻaho ‘e fitu mei ai naʻe kamata ke ‘uha.
Hangē pē ko e fakatokanga ‘a e ʻEikí, na‘e ʻuha ‘i he ʻaho mo e pō ‘e 40. Naʻe kāpui ʻe ha tāfea ʻa e māmaní.
Na‘e tētē malu ʻa e fāmili ʻo Noá mo e fanga monumanu kotoa pē ‘i he ʻa‘aké he fukahi vaí.
‘I he ʻosi ‘a e lōmakí, naʻe hake ʻa e ʻa‘aké ʻi he kelekele mōmoá. Na‘e langa ʻe Noa mo hono fāmilí ha ‘esi feilaulau ke lotu ki he ʻEikí mo fakafeta‘i kiate Ia ʻi hono malu‘i kinautolú. Na‘e palōmesi ‘a e ʻEikí he ‘ikai ke toe lōmakiʻi ʻa e māmaní. Na‘á Ne tuku mai ha ‘umata ko ha fakamanatu ʻo ‘Ene palōmesí.