“Selemaia ko e Palōfitá,” Ngaahi Talanoa ʻo e Fuakava Motuʻá (2022)
“Selemaia ko e Palōfitá,” Ngaahi Talanoa ʻo e Fuakava Motuʻá
Selemaia ko e Palōfitá
Uiuiʻi kimuʻa pea fāʻeleʻi iá
Naʻe nofo ʻa Selemaia ʻi Selusalema ʻi heʻene kei siʻí. Naʻe hā e ʻEikí kia Selemaia ʻi ha ʻaho ʻe taha ʻo ui ia ke ne hoko ko ha palōfita. Naʻe fakahā ʻe he ʻEikí kia Selemaia naʻe fili ia ke hoko ko ha palōfita ʻi he teʻeki fāʻeleʻi iá. Naʻe ʻafioʻi ʻe he ʻEikí ʻe faingataʻa e moʻui ʻa Selemaiá. Ka naʻá Ne talaʻofa ange kia Selemaia te Ne ʻiate ia maʻu pē.
Naʻe ʻikai tauhi ʻe he kakai ʻi Selusalemá ʻenau ngaahi palōmesi mo e ʻEikí. Koeʻuhí ko ʻenau faiangahalá, naʻe fakatokanga ʻa Selemaia ki he kakaí ʻe ikunaʻi kinautolu. Naʻe folofola e ʻEikí kapau te nau tauhi ʻa e ʻaho Sāpaté ke māʻoniʻoni, he ʻikai fakaʻauha ʻa e kolo ko Selusalemá. Ka naʻe ʻikai fanongo e kakaí.
Selemaia 6:1–19; 8–9; 17:21–27
Ne akoʻi ʻe Selemaia e kakaí ʻi ha ngaahi taʻu lahi. Ka naʻe ʻikai ke nau fakatomala. Ne nau fakamamahiʻi ʻa Selemaia pea lī ia ki he fale fakapōpulá.
Selemaia 20:2; 26:8–9; 37:15–18; 38:6
Naʻe ʻofa ʻa Selemaia ʻi he kakaí. Naʻá ne tangi koeʻuhí ko ʻenau ngaahi angahalá. Fakatatau ki heʻene leá, naʻe fakaʻauha ʻa Selusalema, pea naʻe puke pōpula ʻa e kakaí.
Selemaia 9:1–8; 25:9–12; 52:1–10
Naʻe ʻave ʻa Selemaia ki ʻIsipite. Naʻe fakahā ange ʻe he ʻEikí ke ne hiki ʻene ngaahi kikité. Naʻe talangofua ʻa Selemaia ki he ʻEikí neongo e faingataʻá. Naʻe hokohoko atu ʻene talaange ki hono kakaí ke tauhi ʻenau ngaahi palōmesi mo e ʻEikí.