“Mōsese mo e Ngata Palasá,” Ngaahi Talanoa ʻo e Fuakava Motuʻá (2022)
“Mōsese mo e Ngata Palasá,” Ngaahi Talanoa ʻo e Fuakava Motuʻá
Mōsese mo e Ngata Palasá
Ko e ako ke tui ki he ʻEikí
Lolotonga e fononga ʻa e kakai ʻIsilelí ʻi he toafá, naʻe faʻa ngalo ʻiate kinautolu e ʻEikí pea nau lāunga. Naʻe ʻohifo ʻe he ʻEikí ha fanga ngata ke tokoni ke nau loto fakatōkilalo mo manatu kiate Ia. Naʻe huhu ʻe he fanga ngatá e kakaí, pea naʻe mate ha tokolahi ʻo e kakaí.
Naʻe ʻikai fuoloa kuo fakatomala e kakaí. Ne nau kole kia Mōsese ke lotu ke toʻo ʻe he ʻEikí e fanga ngatá. Naʻe ʻikai toʻo ʻe he ʻEikí e fanga ngatá. Ka naʻá Ne teuteu ha founga ke fakahaofi ai e kakaí kapau ʻe uʻu kinautolu.
Naʻe folofola e ʻEikí kia Mōsese ke ngaohi ha ngata mei he palasá pea fokotuʻu ia ki ha fuʻu pou. ʻI he taimi ne uʻu ai e kakaí pea nau mamata ki he ngata palasá, naʻe fakahaofi kinautolu ʻe he ʻEikí. Naʻe tokoniʻi ʻe he ʻEikí e kakai ʻIsilelí ke nau loto fakatōkilalo mo falala kiate Ia.