2 Ngaahi Tuʻi 2; 4

Palōfita ko ʻIlaisá

Ngaahi Mana ʻa e ʻEikí

Na‘e teuteuʻi ‘e he ʻEikí ʻa ʻIlaisa ʻo fakafou ʻi he palōfita ko ʻIlaisiaá, ke ne hoko ko e palōfita hono hokó. Hili iá na‘e ʻave ‘e he ʻEikí ‘a ʻIlaisiā ki he langí.

2 Ngaahi Tuʻi 2:1–15

Na‘e tokoniʻi ‘e he ʻEikí ‘a ʻIlaisa ke ne fakahoko ha ngaahi mana lahi. Naʻe tuʻo taha hono tāpuakiʻi ʻe ‘Ilaisa ʻa e lolo ʻa ha fefine masiva ʻo lava ke fakafonu ai ha ʻū hina lahi. Hili ia pea fakatau atu ‘e he fefiné e loló ke totongi ʻaki hono ngaahi moʻuá.

2 Ngaahi Tuʻi 4:1–7

‘I ha taimi ʻe taha, ne tokoniʻi ʻe ha fefine tui faivelenga ʻa ʻIlaisa pea naʻá ne fuʻu angalelei lahi kiate ia. Naʻe fehuʻi ange ʻe ‘Ilaisa pe ko e hā te ne lava ‘o fai ke tokoniʻi ai ia. Na‘á ne fakaʻamu ke ʻi ai haʻane fānau. Na‘e tāpuakiʻi ʻe ‘Ilaisa ia mo hono husepānití ke maʻu haʻana foha.

2 Ngaahi Tuʻi 4:8–17

Ka naʻe ʻosi atu ha ngaahi taʻu siʻi, naʻe puke ‘a e fohá peá ne mate. Na‘e ʻalu ‘a e fefiné ʻo kumi ʻa ‘Ilaisa koeʻuhi na‘á ne tui te ne lava ʻo fakamoʻui ‘a hono fohá. Naʻe haʻu ‘a ʻIlaisa ʻo tāpuaki‘i ʻa e ki‘i tamasiʻí, pea na‘á ne toe moʻui. Na‘e tokoniʻi ‘e he ʻEikí ‘a ʻIlaisa ke ne fakahoko ha ngaahi mana lahi. Naʻá ne hoko ko ha palōfita maʻongoʻonga ʻa e ʻEikí.

2 Ngaahi Tuʻi 4:18–37