2 Ngaahi Tuʻi 5

Fakamoʻui ʻe ʻIlaisa ʻa Neamaní

Founga naʻe hoko ai ha mana maʻongoʻonga ʻi he tui faingofuá

Naʻe nofo ʻi Sīlia ha tangata naʻe ui ko Neamani. Naʻá ne hoko ko ha kapiteni lahi ʻi he kau tau Sīliá. Ka naʻe ʻi ai ha mahaki kili fakamamahi ʻo Neamani naʻe ui ko e kiliá.

2 Ngaahi Tuʻi 5:1

Ko ha kiʻi taʻahine ʻIsileli ʻa e sevāniti ʻo e uaifi ʻo Neamaní. Naʻe tui e kiʻi taʻahiné ki he ʻEikí. Naʻá ne pehē kapau ʻe lava ʻa Neamani ʻo ʻaʻahi ki he palōfita ko ʻIlaisá, ʻe fakamoʻui ʻa Neamani mei hono mahakí.

2 Ngaahi Tuʻi 5:2–4

Naʻe fononga lōloa ʻa Neamani ke kumi ʻa ʻIlaisa. Naʻe fakakaukau ʻa Neamani ʻe fakamoʻui ia ʻe ha mana maʻongoʻonga.

2 Ngaahi Tuʻi 5:5–8

Naʻe ʻalu ʻa Neamani ki he ʻapi ʻo ʻIlaisá mo ʻene kau tamaioʻeikí, fanga hōsí, mo e salioté. Naʻe fekauʻi atu ʻe ʻIlaisa ʻene tamaioʻeikí ke ʻoange kia Neamani e ngaahi fakahinohino ʻa e ʻEikí. ʻE fakamoʻui ʻe he ʻEikí ʻa Neamani kapau te ne kaukau tuʻo fitu ʻi he Vaitafe Soataní.

2 Ngaahi Tuʻi 5:9–10

Naʻe ʻita ʻa Neamani koeʻuhí he naʻá ne fie maʻu e palōfita ʻa e ʻEikí ke hū mai ki tuʻa ʻo fakamoʻui vave ia. Naʻe lāunga ʻa Neamani naʻe ʻikai ke lelei tatau ʻa e Vaitafe Soataní mo e ngaahi vaitafe lalahi ʻi Sīliá.

2 Ngaahi Tuʻi 5:11–12

Ka naʻe fehuʻia ʻe he kau tamaioʻeiki ʻa Neamaní ʻa e ʻuhinga ne ʻikai ke fai ai ʻe Neamani ha kiʻi ngāue faingofua peheé. Neongo naʻe ʻikai mahino kia Neamani, naʻe kole ange ʻe he palōfita ʻa e ʻEikí ke ne fakahoko ia.

2 Ngaahi Tuʻi 5:13

Naʻe tuku e hīkisia ʻa Neamaní kae fakafanongo ki heʻene kau tamaioʻeikí. Naʻá ne kaukau tuʻo fitu ʻi he Vaitafe Soataní. Pea naʻe fakamoʻui leva ʻe he ʻEikí ʻa Neamani, ʻo hangē ko e lea ʻa ʻIlaisá. Naʻe ʻiloʻi ʻe Neamani ko ha palōfita ʻa ʻIlaisa pea ʻoku moʻoni ʻa e ʻEikí.

2 Ngaahi Tuʻi 5:14–15