“Taniela mo Hono Ngaahi Kaungāme‘á,” Ngaahi Talanoa ʻo e Fuakava Motu‘á (2022)
“Taniela mo Hono Ngaahi Kaungāme‘á,” Ngaahi Talanoa ʻo e Fuakava Motuʻá
Taniela 1
Taniela mo Hono Ngaahi Kaungāmeʻá
Ko e ʻikai loto ke kai he meʻakai ʻa e tuʻí
Na‘e ikunaʻi ‘e he puleʻanga ‘o Pāpiloné ʻa Selusalema. Na‘a nau ʻave ‘a e kau talavou poto mo mālohi tahá mei honau ngaahi fāmili ʻi Selusalemá pea ‘omi kinautolu ki Pāpilone ke nau tauhi ki he tu‘í.
Ne kau ʻa Taniela mo hono ngaahi kaungāme‘á ʻi he niʻihi ‘o e kau talavou ko ʻení. Naʻe fili kinautolu ke hoko ko ha kau faifaleʻi mo e tokoni ʻa e tuí pea hoko ko ʻene kau tangata poto.
Na‘e foaki ʻe he tu‘í kia Taniela mo hono ngaahi kaungāme‘á ha uaine. Ka na‘e ʻikai ke nau kai ‘a e meʻakai ‘a e tuʻí pe inu ‘a e uainé. Naʻe fepaki ia mo e ngaahi fekau ‘a e ʻOtuá.
Naʻe hoko ʻeni ke ilifia ai ‘a e tamaioʻeiki ‘a e tuʻí ki heʻene moʻuí. Na‘á ne tokangaʻi ‘a Taniela mo hono ngaahi kaungāmeʻá, pea na‘á ne pehē kapau te nau fakafisingaʻi ‘a e meʻakai ‘a e tuʻí, te nau hoko ʻo vaivai ange ‘i he kau talavou kehé. Pea ‘e houhau e tuʻí pea tāmate‘i ai ʻa e tamaio‘eikí.
Ka naʻe falala ʻa Taniela ki he ‘Otuá peá ne fie talangofua ki Heʻene ngaahi fekaú. Na‘e kole ʻe Taniela ki he tamaio‘eikí ke ʻoange maʻanautolu e vai mo e kēleni ʻi ha ‘aho ʻe 10 pea fakafehoanaki ‘enau moʻui leleí mo e mo‘ui lelei ʻa e kau talavou kehé. Naʻe loto-lelei ki ai e tamaioʻeikí.
ʻI he ʻosi e ‘aho ʻe 10, naʻe moʻui lelei ange ʻa Taniela mo hono ngaahi kaungāme‘á ʻi he kotoa ʻo e kau talavou kehé. Na‘e muimui ʻa Taniela mo hono ngaahi kaungāme‘á ki he ngaahi fekau ʻa e ‘Otuá, pea ne tāpuekina kinautolu ʻe he ʻOtuá ke nau hoko ko e kau tangata poto taha ‘i he kau faifaleʻi mo e tokoni ʻa e tu‘í.