« លើកទឹកចិត្តសិស្សឲ្យស្គាល់ព្រះអង្គសង្គ្រោះតាមរយៈការសិក្សាដំណឹងល្អប្រចាំថ្ងៃ » ជំនាញការអភិវឌ្ឍគ្រូបង្រៀន ( ឆ្នាំ ២០២២ )
« លើកទឹកចិត្តសិស្សឲ្យស្គាល់ព្រះអង្គសង្គ្រោះតាមរយៈការសិក្សាដំណឹងល្អប្រចាំថ្ងៃ » ជំនាញការអភិវឌ្ឍគ្រូបង្រៀន
អញ្ជើញឲ្យមានការរៀនសូត្រដ៏ឧស្សាហ៍ព្យាយាម
លើកទឹកចិត្តសិស្សឲ្យស្គាល់ព្រះអង្គសង្គ្រោះតាមរយៈការសិក្សាដំណឹងល្អប្រចាំថ្ងៃ—ទំនាក់ទំនងផ្ទាល់ខ្លួន ។
ជំនាញ ៖ អភិវឌ្ឍ និងសួរសំណួរដែលជួយសិស្សឲ្យភ្ជាប់អ្វីដែលពួកគេបានរៀននៅក្នុងការសិក្សាព្រះគម្ពីរផ្ទាល់ខ្លួន និងជាក្រុមគ្រួសាររបស់ពួកគេ ទៅនឹងបទពិសោធន៍ក្នុងថ្នាក់រៀន ។
និយមន័យ
ភ្ជាប់គឺនាំយក ឬដាក់បញ្ចូលរបស់ពីរជាមួយគ្នា ។ នៅពេលគ្រូបង្រៀនជួយសិស្សភ្ជាប់ការសិក្សាព្រះគម្ពីររបស់ពួកគេនៅផ្ទះទៅនឹងថ្នាក់រៀន នោះពួកគេកំពុងនាំយក ឬដាក់បញ្ចូលបទពិសោធន៍ទាំងពីរនេះជាមួយគ្នា ។ មានវិធីជាច្រើនដើម្បីធ្វើកិច្ចការនេះ ។ របៀបមួយគឺសួរសំណួរត្រិះរិះដែល ( ១ ) រួមបញ្ចូលបទពិសោធន៍ផ្ទាល់ខ្លួន ឬបទពិសោធន៍គ្រួសាររបស់សិស្សអំពីការសិក្សាព្រះគម្ពីររបស់ពួកគេនៅផ្ទះ ( ២ ) ស្វែងរករបៀបដែលបទពិសោធន៍ទាំងនោះភ្ជាប់ទៅនឹងអ្វីដែលពួកគេកំពុងរៀននៅក្នុងថ្នាក់ និង ( ៣ ) ផ្តល់ពេលឲ្យពួកគេសញ្ជឹងគិត និងចងចាំអំពីអ្វីដែលពួកគេបានសិក្សានៅផ្ទះ ។
អ្នកក៏អាចរៀបចំសំណួរពិភាក្សាសម្រាប់ថ្នាក់ ដែលនឹងជួយសិស្សឲ្យទទួលបានអ្វីដែលពួកគេកំពុងរៀននៅក្នុងថ្នាក់ ហើយប្រើវានៅផ្ទះ ។ សំណួរទាំងនេះមានភាពស្រដៀងគ្នា ។ អ្នកអញ្ជើញសិស្សឲ្យគិតអំពីបទពិសោធន៍រៀនសូត្រដែលពួកគេមាននៅក្នុងថ្នាក់រៀននៅថ្ងៃនោះ និងរបៀបដែលបទពិសោធន៍នោះអាចមានប្រយោជន៍នៅផ្ទះ ។ សំណួរទាំងនេះអាចជួយយើងប្រែកាន់តែផ្តោតការរៀនសូត្រនៅឯគេហដ្ឋាន និងបានគាំទ្រពីសាសនាចក្រនៅក្នុងថ្នាក់រៀន និងរៀបចំសិស្សឲ្យមានបទពិសោធន៍រៀនសូត្របន្ថែមទៀតនៅក្រៅថ្នាក់រៀន ។
គំរូ
សំណួរដែលភ្ជាប់ការរៀនសូត្រនៅផ្ទះទៅនឹងបទពិសោធន៍នៅក្នុងថ្នាក់រៀន ៖
-
តើមានអ្វីខ្លះដែលអ្នកបានរៀនថ្ងៃនេះនៅក្នុងថ្នាក់ ដែលទាក់ទងទៅនឹងអ្វីដែលអ្នកកំពុងរៀននៅផ្ទះ ?
-
តើអ្នក និងគ្រួសាររបស់អ្នកបានរៀនអ្វីខ្លះអំពីព្រះយេស៊ូវគ្រីស្ទនាសប្តាហ៍នេះ ?
-
តើមានសំណួរអ្វីខ្លះផុសឡើងក្នុងចិត្តអ្នក នៅពេលអ្នកបានពិភាក្សាអំពីបទគម្ពីរទាំងនេះ ?
-
តើមានអ្វីខ្លះដែលអ្នកចូលចិត្តដើម្បីរៀន នៅពេលអ្នក ឬគ្រួសាររបស់អ្នកបានសិក្សាវគ្គបទគម្ពីរទាំងនេះ ?
សំណួរដែលភ្ជាប់ការរៀនសូត្រនៅក្នុងថ្នាក់រៀនទៅនឹងបទពិសោធន៍នៅផ្ទះ ៖
-
តើអ្នកបានរៀនអ្វីខ្លះនៅថ្ងៃនេះ ដែលនឹងក្លាយជាពរជ័យដល់អ្នក និងគ្រួសាររបស់អ្នក ?
-
ប្រសិនបើអ្នករៀបចំមេរៀនរយៈពេលប្រាំនាទីអំពីសេចក្តីពិតនេះ តើអ្នកនឹងផ្តោតលើអ្វីខ្លះ ហេតុអ្វី ?
-
តើបទពិសោធន៍អ្វីខ្លះដែលអ្នកបានមាននៅថ្ងៃនេះដែលនឹងមានប្រយោជន៍សម្រាប់អ្នក និងក្រុមគ្រួសាររបស់អ្នក ? តើអ្នកនឹងផ្លាស់ប្តូរ ឬធ្វើអ្វីផ្សេងដើម្បីឲ្យសមស្របនឹងតម្រូវការគ្រួសាររបស់អ្នក ?
សូមចុចនៅត្រង់នេះដើម្បីមើលវីដេអូអំពីគំរូនេះ ។
អនុវត្ត
អនុវត្ត #១ ៖ ដោយប្រើឧទាហរណ៍នៅក្នុងគំរូ ( ឬឧទាហរណ៍ផ្ទាល់ខ្លួនមួយរបស់អ្នក ) សូមកំណត់ពីរបៀបដែលអ្នកនឹងភ្ជាប់អ្វីដែលសិស្សកំពុងដកពិសោធជាមួយការសិក្សារបស់ពួកគេនៅផ្ទះ ទៅនឹងអ្វីដែលពួកគេកំពុងដកពិសោធនៅក្នុងថ្នាក់ ដោយផ្អែកលើគំរូមេរៀនខាងក្រោម ។
-
មេរៀនសប្តាហ៍នេះគឺនៅក្នុង គោលលទ្ធិ និងសេចក្ដីសញ្ញា ៩៤–៩៧ ។
-
មេរៀនសប្តាហ៍នេះគឺនៅក្នុង គោលលទ្ធិ និងសេចក្តីសញ្ញា ១២១–១២៣ ។
អនុវត្ត #២ ៖ អភិវឌ្ឍសំណួរដើម្បីភ្ជាប់អ្វីដែលសិស្សកំពុងធ្វើនៅក្នុងថ្នាក់រៀន ទៅនឹងបទពិសោធន៍របស់ពួកគេនៅផ្ទះ ដោយផ្អែកលើមេរៀនគំរូខាងក្រោម ៖
-
មេរៀនសប្តាហ៍នេះគឺនៅក្នុង គោលលទ្ធិ និងសេចក្ដីសញ្ញា ១២៩–១៣២ ។
-
មេរៀនសប្តាហ៍នេះគឺនៅក្នុង គោលលទ្ធិ និងសេចក្ដីសញ្ញា ១៣៥–១៣៦ ។
ពិភាក្សា ឬពិចារណា
-
តើអ្នកបានរៀនអ្វីខ្លះអំពីការអញ្ជើញឲ្យរៀនសូត្រដោយឧស្សាហ៍ព្យាយាមតាមរយៈបទពិសោធន៍នេះ ?
-
តើមានរបៀបណាផ្សេងទៀតដែលអ្នកអាចភ្ជាប់អ្វីដែលសិស្សកំពុងដកពិសោធនៅក្នុងការសិក្សារបស់ពួកគេនៅផ្ទះ ទៅនឹងអ្វីដែលពួកគេដកពិសោធនៅក្នុងថ្នាក់ ?
រួមបញ្ចូល
សូមចំណាយពេលបីនាទីមុនរៀនរៀងរាល់ថ្ងៃរយៈពេលពីរសប្តាហ៍បន្ទាប់ ដើម្បីមើលឈ្មោះសិស្សនៅក្នុងបញ្ជីឈ្មោះរបស់អ្នក ។ ពេលអ្នកឃើញឈ្មោះរបស់ពួកគេ សូមពិចារណាអំពីអ្វីដែលគាត់ប្រហែលជាកំពុងរៀនផ្ទាល់ខ្លួន និងជាគ្រួសារនៅផ្ទះ ។ អំឡុងពេលរៀន សូមសួរសិស្សទាំងអស់ ឬសិស្សម្នាក់ៗនូវសំណួរមួយដែលអ្នកបានអនុវត្ត ។ អ្នកក៏អាចកត់ត្រាអ្វីដែលអ្នករៀននៅពេលអ្នកសួរសំណួរ និងស្តាប់ ។
តើចង់បានបន្ថែមទៀតទេ ?
-
រ័សុល អិម ណិលសុន « Opening Remarks » សន្និសីទទូទៅ ខែ តុលា ឆ្នាំ ២០១៨
-
ចូរមកតាមខ្ញុំ ChurchofJesusChrist.org
-
វីដេអូសម្រាប់ការបង្រៀន ChurchofJesusChrist.org