ព្យាយាមស្គាល់ពួកគេ—យល់ពីកាលៈទេសៈ តម្រូវការ និងចំណុចខ្លាំងរបស់ពួកគេ ។

« ព្យាយាមស្គាល់ពួកគេ—យល់ពីកាលៈទេសៈ តម្រូវការ និងចំណុចខ្លាំងរបស់ពួកគេ » ជំនាញការអភិវឌ្ឍគ្រូបង្រៀន ( ឆ្នាំ ២០២២ )

« ព្យាយាមស្គាល់ពួកគេ—យល់ពីកាលៈទេសៈ តម្រូវការ និងចំណុចខ្លាំងរបស់ពួកគេ » ជំនាញការអភិវឌ្ឍគ្រូបង្រៀន

ស្រឡាញ់អស់អ្នកដែលអ្នកបង្រៀន

ព្យាយាមស្គាល់ពួកគេ—យល់ពីកាលៈទេសៈ តម្រូវការ និងចំណុចខ្លាំងរបស់ពួកគេ ។

ជំនាញ ៖ សង្កេត និងសួរអំពីចំណាប់អារម្មណ៍របស់សិស្ស ។

និយមន័យ

គ្រូបង្រៀនអាចរៀនអំពីស្ថានភាពសិស្សរបស់ពួកគាត់ ហើយស្វែងរកតម្រូវការរៀនសូត្រមួយចំនួនរបស់ពួកគេ តាមរយៈការសង្កេត និងការសួរអំពីចំណាប់អារម្មណ៍របស់ពួកគេ ។ ជារឿយៗវាស្រួលបំផុតដើម្បីមានការសន្ទនាទាំងនេះពីមុន និងបន្ទាប់ពីការបង្រៀន ប៉ុន្តែការសន្ទនាទាំងនេះក៏អាចធ្វើបានអំឡុងពេលបង្រៀនផងដែរ ។ មានវិធីជាច្រើនដែលគ្រូបង្រៀនអាចធ្វើកិច្ចការនេះ ។ គ្រូបង្រៀនអាចសង្កេតមើលសៀវភៅ គម្រោង ស្ទីកគឺ ឧបករណ៍លេងកីឡា ឬអ្វីៗផ្សេងទៀតដែលសិស្សយកមកថ្នាក់រៀន ។ ឬគ្រូបង្រៀនអាចចាំពីព្រឹត្តិការណ៍មួយដែលសិស្សបានចូលរួម ហើយសួរពួកគេអំពីព្រឹត្តិការណ៍នោះ ។ សំណួរដែលយើងសួរនឹងជួយយើងស្គាល់សិស្សនោះ និងចំណាប់អារម្មណ៍របស់ពួកគេ ហើយរួមបញ្ចូលនូវឃ្លាដូចជា ៖

« សូមប្រាប់ខ្ញុំបន្ថែមទៀតអំពី … »
« តើប្អូនចូលចិត្តអ្វីខ្លះអំពី … »
« ខ្ញុំចង់ដឹងខ្លាំងអំពី … »

នៅពេលគ្រូបង្រៀនមានភាពស្មោះសរ និងស្មោះត្រង់នៅក្នុងសំណួររបស់ពួកគាត់ នោះពួកគាត់អាចរៀនច្រើនពីស្ថានភាពរបស់សិស្សពួកគាត់ និងដឹងពីតម្រូវការនានា ហើយសិស្សនឹងទទួលអារម្មណ៍ថា គ្រូបង្រៀនរបស់ពួកគេពិតជាមានការខ្វាយខ្វល់ ។ ពេលសិស្សទទួលអារម្មណ៍ថា គ្រូបង្រៀនរបស់ពួកគេខ្វាយខ្វល់ដោយអស់ពីចិត្តចំពោះពួកគេ នោះពួកគេទំនងជាមករៀនដោយត្រៀមខ្លួនដើម្បីរៀន និងចែកចាយការយល់ដឹង និងបទពិសោធន៍របស់ពួកគេជាមួយគ្រូបង្រៀនរបស់ពួកគេ និងអ្នកដទៃទៀតក្នុងថ្នាក់រៀន ។

គំរូ

ហើរម៉ាណា ម៉ូនូស្ស ចាំថា រូសា មានការប្រកួតបាល់ទាត់មួយដ៏ធំដែលរូសា មានក្តីបារម្ភជាខ្លាំង ។ ពេលគាត់ឃើញរូសា ហើរម៉ាណា ម៉ូនូស្ស បានឈប់ ហើយសួរនាងអំពីអារម្មណ៍របស់នាងអំពីការប្រកួតនោះ ។
អូរូ បានដាក់កូនសោរបស់គាត់នៅលើតុ ។ ពេលអ្នកដើរកាត់តុគាត់ នោះអ្នកឃើញទង់ជាតិប្រទេសផ្សេងនៅលើបន្តោងសោរបស់គាត់ ។ អ្នកចង់ដឹងខ្លាំងណាស់ ហើយសួរថា « អូរូ សូមប្រាប់ខ្ញុំបន្តិចអំពីទង់ជាតិដែលនៅលើបន្តោងសោរបស់ប្អូននោះ » ។ អូរូ ចែកចាយថា បងស្រីគាត់បានទៅបម្រើបេសកកម្មនៅប្រទេសប្រេស៊ីល ហើយគាត់បានទៅទទួលបងស្រីគាត់ជាមួយគ្រួសារគាត់ នៅពេលបងស្រីគាត់ចប់បេសកកម្ម ។ អ្នកបន្តការសន្ទនានោះដោយសួរថា « តើប្អូនចូលចិត្តអ្វីខ្លះពេលប្អូនទៅទទួលបងស្រីប្អូនពេលគាត់ចប់បេសកកម្ម ។

សូមចុចនៅត្រង់នេះដើម្បីមើលវីដេអូអំពីគំរូនេះ ។

អនុវត្ត

អនុវត្ត #១ ៖ នៅក្នុងរូបភាពនីមួយៗ តើអ្នកឃើញអ្វីខ្លះដែលអាចជួយអ្នករៀនអំពីកាលៈទេសៈ ឬតម្រូវការរៀនសូត្រនៃសិស្សទាំងនេះ ?

រូបភាព

យុវនារីកំពុងលេងបាល់បោះ

រូបភាព

យុវនារីកំពុងលេងអូកាឡេឡេ

រូបភាព

យុវវ័យកំពុងអង្គុយជារាងពាក់កណ្តាលរង្វង់

អនុវត្ត #២ ៖ តើសំណួរអ្វីខ្លះដែលអ្នកអាចសួរដើម្បីរៀនបន្ថែមទៀតអំពីចំណាប់អារម្មណ៍របស់សិស្សអ្នក ?

ពិភាក្សា ឬពិចារណា

តើអ្នកបានរៀនអ្វីខ្លះនៅពេលអ្នកបានអនុវត្តការសង្កេត និងការសួរអំពីចំណាប់អារម្មណ៍របស់សិស្ស ?
តើការសង្កេត និងការសួរអំពីចំណាប់អារម្មណ៍របស់សិស្សអាចបង្ហាញថា អ្នកស្រឡាញ់សិស្សរបស់អ្នកដោយរបៀបណា ?

រួមបញ្ចូល

នៅក្នុងថ្នាក់នាសប្តាហ៍នេះ សូមរកមើលឱកាសដើម្បីសួរសិស្សអំពីចំណាប់អារម្មណ៍ ព្រឹត្តិការណ៍ ឬកាលៈទេសៈរបស់ពួកគេ ។ សូមបង្ហាញការខ្វាយខ្វល់ដោយស្មោះត្រង់អំពីអ្វីដែលអ្នករៀនពីពួកគេ ។ ជាលទ្ធផល សូមរកមើលរបៀបដែលវាជះឥទ្ធិពលដល់បទពិសោធន៍រៀនសូត្ររបស់សិស្សនោះ ។ សូមចំណាយពេលប្រាំនាទីបន្ទាប់ពីបង្រៀនចប់ ដើម្បីកត់ត្រានូវអ្វីដែលអ្នកបានរៀនអំពីសិស្សរបស់អ្នក និងរបៀបដែលអាចជួយអ្នកបង្កើតបទពិសោធន៍រៀនសូត្រ ដែលដឹកនាំទៅរកការប្រែចិត្តជឿ ការទាក់ទង និងការមានភាពជាចំណែក ។

តើចង់បានបន្ថែមទៀតទេ ?

ឡូរី នូប៉ូដ « See the One » ( ការរចាក់ផ្សាយអំពីការបំពាក់បំប៉នរបស់ ស.&វ. ប្រចាំឆ្នាំ នៅថ្ងៃទី ១៣ ខែ មិថុនា ឆ្នាំ ២០១៧ ) broadcasts.ChurchofJesusChrist.org
ឆាដ អេច វិប « We Have Not Come This Far to Only Come This Far » ( ការរចាក់ផ្សាយអំពីការបំពាក់បំប៉នរបស់ ស.&វ. ប្រចាំឆ្នាំ នៅថ្ងៃទី ៩ ខែ មិថុនា ឆ្នាំ ២០២០ ) broadcasts.ChurchofJesusChrist.org
« Reaching the Individual » ( វីដេអូ ) ChurchofJesusChrist.org